تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 16 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ ـ تىزگىندەۋ قىزمەتى جونىندەگى 30 ـ رەتكى اقپار جاريالاۋ ٴماجىلىسىن وتكىزدى. اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا بەلگىلەگەن شيپاحانانىڭ سالماقتى ناۋقاستار رايونىنىڭ شيپاگەرى شى شياۋحۇي ٴوزىنىڭ حۋبەيعا كومەككە بارعان ەمدەۋ اترەتىنە قاتىناسۋ كەشىرمەسىمەن ۇشتاستىرىپ، ۇرىمجىدەگى ىندەتكە قارسى اتتانۋدىڭ ٴبىرىنشى شەبىندەگى اسەرىن اڭگىمەلەدى.
شى شياۋحۇي بۇل رەتكى ىندەتتىڭ وعان قالدىرعان ەڭ ۇلكەن اسەرى ساقتانۋ - قورعانۋ زاتتىق ماتەريالدارمەن قامداۋدىڭ جەتكىلىكتى ەكەندىگىن ايتتى. ول بىلاي دەدى: ”ءبىز مۇنىڭ الدىندا ۋحانعا كومەككە بارعانىمىزدا، باستاپقى كەزدە ساقتانۋ - قورعانۋ زاتتىق ماتەريالدارى ءبىرشاما تاپشى بولدى، ءبىز بارىنشا تارتا جەپ، سۋدى از ءىشىپ، دارەتكە از وتىرىپ، ساقتانۋ - قورعانۋ كيىمىن ۇنەمدەدىك، ٴار كۇنى ٴبىر كۇن بۇرىن ىستەتىلەتىن زاتتىق ماتەريالدار مولشەرىن ەسەپتەپ، سول بويىنشا الىپ تۇردىق“.
”وسى رەت ءۇرىمجى قالاسىنداعى ىندەت تۋىلعاننان باستاپ قازىرگە دەيىن ساقتانۋ - قورعانۋ زاتتىق ماتەريالدارى ەرەكشە جەتكىلىكتى بولدى، ساقتانۋ - قورعانۋ زاتتىق ماتەريالدارى جەتكىلىكتى مە، بار ما، جوق پا بۇل جونىندە ەشقاشان ويلانعان ەمەسپىز“.
