شينجياڭ گازەتىنىڭ جالپىلىق اقپارات قۇرالدارى تىلشىلەرى يۇي شي، سۋ لۋپيڭ، ۋي حۇڭپيڭ، جاۋ يۋە
ىندەتتەن ساقتانۋ - تىزگىندەۋ بارشا وتباسىلارعا سايادى، وعان اركىمنىڭ جاۋاپكەرشىلىگى بار.
قازىر ىندەتتەن ساقتانۋ - تىزگىندەۋ جاعدايى ءالى دە قاتاڭ، كۇردەلى، ساقتانۋ - تىزگىندەۋ ەڭ ماشاقاتتى قامال الۋ كەزەڭىندە تۇر، ءۇرىمجىنىڭ قالا تۇرعىندارى ۇيدەن شىقپاي، ىندەتپەن شايقاسۋ سەنىمىن مۇقالتپاي، ىندەتتەن ساقتانۋ - تىزگىندەۋ كەلەلى جاعدايىنىڭ قاجەتىنە سانالىلىقپەن بويسۇنىپ جانە سايكەسىپ، قول ۇستاسىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋى كەرەك.
كوزبەن كورىپ، جۇرەكپەن سەزىندى
”ءبىز ۇيدە دەمالىپ جاتىرمىز، الەۋمەتتىك اۋماق قىزمەتكەرلەرى شىجىعان ىستىقتا بىزگە قىزمەت وتەۋدە، ولاردىڭ اۋاشالاۋ كيىمىن كيىپ، قارا تەرگە مالشىنىپ زات اكەلىپ، دەنە تەمپەراتۋرامىزدى ولشەپ جۇرگەنىن كورگەندە قالاي اسەرلەنبەي تۇرا الامىز؟“، - دەدى 8 - ايدىڭ 15 - كۇنى ءۇرىمجى قالاسى شۇيموگوۋ رايونى لۇڭشىڭ كوشەسى اۋماعىن باسقارۋ كوميتەتى لۇڭشىڭ كوشەسى سولتۇستىك الەۋمەتتىك اۋماعىنىڭ تۇرعىنى ما چيڭ.
ۇيدە بولعان العاشقى كەزدە، تۇرمىستان تارىعىپ قالامىز با دەپ الاڭداپ، ءار كۇنى عيماراتتاعىلاردىڭ ۋيچات توبىندا زات ساتىپ الۋ تۋرالى حابارلاندىرۋ شىقسا بولدى، ما چيڭ دەرەۋ تاپسىرىس بەرىپ، الۋعا بولاتىن زاتتاردىڭ بارلىعىن ساتىپ الىپ وتىردى.
ما چيڭ بىلاي دەدى: كەيىن الەۋمەتتىك اۋماقتىڭ كوكونىستى تىكە ساتۋ ءتۇيىنى مەن ەرەن بازارداعى تاۋارلاردىڭ مول، الەۋمەتتىك اۋماق ەرىكتىلەرى ارقىلى ساتىپ الۋدىڭ ەرەكشە قولايلى ەكەنىن كورىپ، تۇرعىندار نەگىزىنەن ءوز ۇيلەرىنىڭ ءىس جۇزىندىك قاجەتىنە قاراي تاپسىرىس بەرەتىن بولدى.
الەۋمەتتىك اۋماق ءار ىستە تۇرعىنداردىڭ قامىن ويلادى، تۇرعىندار كوزىمەن كورىپ، جاندارى اشىدى ءارى ارەكەت جاعىندا الەۋمەتتىك اۋماقتىڭ قىزمەتىنە ىرىقتىلىقپەن قولداۋ كورسەتتى، سايكەستى. ۇيدە بولعان العاشقى كەزدە، الەۋمەتتىك اۋماق ۋيچات توبىندا ۇيدە تۇراتىن ادامداردىڭ ينفورماتسياسىن مالىمدەۋدى ۇقتىرعاندا، دەر كەزىندە جاۋاپ قايتارعان ادامدار كوپ بولعان جوق؛ ال قازىر الەۋمەتتىك اۋماقتان قانداي ءبىر حابارلاندىرۋ كەلسە، تۇرعىندار ۇنەمى دەرەۋ جاۋاپ قايتارىپ جاتتى. اسىرەسە، ءار كۇنى دەنە تەمپەراتۋراسىن ولشەيتىن ۋاقىتتا تۇرعىندار ىرىقتى تۇردە ۇيلەرىنىڭ ەسىگىندە كۇتىپ تۇرادى، الەۋمەتتىك اۋماق كادرلارى مەن ەرىكتىلەر كەلىسىمەن تۇرعىندار دەرەۋ ەسىكتى اشىپ، دەنە تەمپەراتۋرالارىن ولشەتەدى.
”ءاربىرىمىز الەۋمەتتىك اۋماقتىڭ قىزمەتىنە بەلسەنە سايكەسسەك، الەۋمەتتىك اۋماق قىزمەتكەرلەرى ونىمدىلىكتى جوعارىلاتا الادى، ءسويتىپ، دەمالۋعا ۋاقىت بولە الادى. كوپشىلىك بار كۇشپەن قولداۋ كورسەتسە، ءبىز ىندەتتى اناعۇرلىم تەز جەڭىپ شىعا الامىز“. ما چيڭ بىلاي دەدى: كوڭىل كوڭىلدەن سۋ ىشەدى دەگەن، تۇرعىندار قازىر بەلسەندى، ۇمىتكەر كوزقاراسپەن ۇيلەرىندە بولىپ، ىندەتكە قارسى بىرگە اتتانۋعا نىق سەنىم بايلادى.
كاسىبي جاقتان قىسىمدى جەڭىلدەتىپ، سەنىم جالعادى
8 - ايدىڭ 15 - كۇنى تاڭعى اسىن ىشكەن سوڭ، ءۇرىمجى قالاسى سايباق رايونى ياڭزىجياڭ جولى اۋماعىن باسقارۋ كوميتەتى چيڭسۇڭيۋان الەۋمەتتىك اۋماعىنىڭ تۇرعىنى چىن حۇي قول تەلەفونىنا ساقتاعان مۋزيكانى قويىپ، قىسىمدى جەڭىلدەتۋ گيمناستيكاسىن ويناۋعا كىرىستى، ”بۇل راۋشان مۇعالىمنىڭ بىزگە ۇيرەتكەنى. كەشكە دەيىن ۇيدە جاتا بەرسەڭ مازاڭ كەتەدى ەكەن، گيمناستيكا ويناۋ قان اينالىمىن جاقسارتىپ قالماستان، كوڭىلىڭدى دە ءبىرتالاي جادىراتىپ تاستايدى“.
تۇرعىنداردىڭ ۇزاق ۋاقىت ۇيدە بولۋىنان تۋىندايتىن مازاسىز كوڭىل كۇيدى جەڭىلدەتۋ ءۇشىن، اناعۇرلىم كوپ كاسىبي ماماندار ەرىكتىلەر قىزمەت وتەۋ قوسىنىنا قوسىلىپ، ينتەرنەت جەلىسى ارقىلى ۇمىتكەر، العا ۇمتىلعىش تۇرمىس پوزيتسياسىن جالعادى.
چىن حۇي ايتىپ وتىرعان ”راۋشان مۇعالىمنىڭ“ اتى - ءجونى راۋشانگۇل مامەت، 2 - دارەجەلى پسيحيكالىق كەڭەسشى، ىندەت تۋىلعان سوڭ ىرىقتى تۇردە الەۋمەتتىك اۋماق ەرىكتىسى بولۋعا تىزىمدەلدى. تۇرعىنداردىڭ كوڭىل كۇيلەرىن رەتتەۋىنە، قىسىمدى جەڭىلدەتۋىنە كومەكتەسۋ ءۇشىن، راۋشانگۇل ءبي ۇيرەتەتىن جانە ۆيرۋستىڭ الدىن الۋ تۋرالى بىلىمدىك ساباقتاردى دايىندادى، سونداي - اق ۋيچات بەينە ەكرانىمەن تۇرعىنداردى ىندەت كەزىندە وتباسىلىق تۇرمىستارىن بايىتۋعا جەتەكتەدى.
ءار رەتكى ۋيچات ساباعى 40 مينۋتتاي عانا بولعانىمەن، تۇرعىندارعا كوپ پايدا جەتكىزدى، سپورتپەن شۇعىلدانۋ، وڭ باعىتقا جەتەكتەۋ، كىتاپ وقىپ پىكىرلەسۋ، ءبي بيلەپ قىسىمدى جەڭىلدەتۋ ارقىلى تۇرعىندار بىلىمدەرىن كەڭەيتىپ قانا قويماي، كوڭىل كۇيلەرى دە سەرگىپ، جادىراپ قالدى. ”كاسىپتىك بىلىمدەرىمنىڭ كوپشىلىككە اناعۇرلىم كوپ قۋانىش بەرىپ، ىندەتتى، ءسوز جوق، جەڭىپ شىعاتىن سەنىم سيلاۋىن ءۇمىت ەتەمىن“، - دەيدى راۋشانگۇل.
بارلىق ادام دەم بەرىپ، ساقتانۋ - قورعانۋدى ويداعىداي ىستەدى
”اكە، نەشە كۇننەن بەرى قايدا جاتىرسىز؟“، ”كەل، ساعان ءبىزدىڭ ەرىكتىلەردىڭ ’باس قولباسشىلىق شتابىن‘ كورسەتەيىن!“. 8 - ايدىڭ 15 - كۇنى ەرىكتى حى جىجيە قىزىمەن بەينە ەكراندا سويلەستى.
حى جىجيە قازىر ءۇرىمجى قالاسى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) مۇناي جاڭا قىستاعى الەۋمەتتىك اۋماعىن باسقارۋ كوميتەتى حۇڭمياۋ الەۋمەتتىك اۋماعى ەرىكتىلەر قوسىنىنىڭ جەتەكشىسى. ونىڭ قىزىنا ”ەكسكۋرسيالاتقان“ جەرى ءوزىنىڭ ەرىكتى بولىپ قىزمەت وتەيتىن شاعىن اۋماق قاقپاسىنداعى قاراۋىل ورنى.
ىندەت تۋىلعان سوڭ، حى جىجيە الەۋمەتتىك اۋماققا سايكەسۋدى ىرىقتىلىقپەن سۇرانىپ، 200دەن استام ادامنان قۇرالعان ەرىكتىلەر ۇجىمىن ۇيىمداستىردى. ”جىل باسىنداعى ىندەت كەزىندە، ءبىز الەۋمەتتىك اۋماقتا 30 نەشە ادامنان قۇرالعان ەرىكتىلەر ۇجىمىن ۇيىمداستىرىپ، بەلگىلى تاجىريبە توپتاعان ەدىك. بۇل رەت ەرىكتىلەر قاتارىنا شاقىرۋ بۇيرىعى جاريالانىسىمەن، كوپتەگەن تۇرعىندار بەلسەنە تىزىمدەلدى. قازىر الەۋمەتتىك اۋماقتا جالپى 240تان استام ەرىكتى بار، ولار 4 شاعىن اۋماققا ءبولىنىپ تۇرعىندارعا قىزمەت وتەۋدە“، - دەيدى حى جىجيە.
”حۇڭمياۋ الەۋمەتتىك اۋماعىندا 2900دەن استام تۇرعىن بار، ەرىكتىلەر ۇجىمىنىڭ قولداۋى مەن سايكەسۋىنىڭ ارقاسىندا، ىندەتتەن ساقتانۋ - تىزگىندەۋ شارالارى ءساتتى اتقارىلدى جانە ەگجەي - تەگجەيلى تياناقتاندى“، - دەيدى حۇڭمياۋ الەۋمەتتىك اۋماعى پارتيا باس ياچەيكاسىنىڭ شۋجيى چياۋ ۋانحۇڭ.
”بارلىعىمىز ىندەتكە قارسى اتتانۋ ءۇشىن كۇش شىعارساق، ىندەتتى نەعۇرلىم ەرتە جەڭىپ شىعامىز“، - دەيدى حى جىجيە.
