8 - ايدىڭ 15 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ 1 - ءنومىرلى عيماراتىنىڭ 5 - ناۋقاستار اۋماعىندا شيپاگەر پىڭ جىن (وڭنان 2 - ادام) مەن سەسترا گو يۇيتيڭ بەينەبايلانىس ارقىلى پارتياعا كىرۋ سەرتىن بەرۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى شيە لۇڭ تۇسىرگەن
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 15 - كۇنى ۇرىمجىدەن حابارلايدى. ”مەن ءوز ەركىممەن جۇڭگو كوممۋنيستىك پارتياسىنا مۇشە بولامىن، پارتيانىڭ باعدارناماسىن جاقتايمىن، پارتيانىڭ ۋستاۆىنا بويسۇنامىن...“. 8 - ايدىڭ 15 - كۇنى ساعات 12دە جوعارى دارەجەلى پارتيا ۇيىمىنىڭ بەكىتۋىمەن اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانادا قايراتتانا شايقاس جاساپ جاتقان ىندەتكە قارسى اتتانعان 50 ”جاۋىنگەر“ وزدەرىنىڭ قىزمەت ورىندارىندا، پارتيا تۋى الدىندا وڭ جۇدىرىقتارىن كوتەرىپ، ايبىندى تۇردە سەرت بەرىپ، داڭقپەن پارتياعا كىردى.
الدارىندا نارت قىزىل تۋ، ۇستىلەرىندە قالىڭ قورعانۋ كيىمى. ”90 - جىلداردىڭ ءتولى“ سەسترا گو يۇيتيڭ 1 - ءنومىرلى عيماراتتىڭ 5 - ناۋقاستار اۋماعىندا جۇمىس ىستەيدى، ناۋقاستار اۋماعىندا ول ”ىندەت جويىلمايىنشا مەن استە قايتپايمىن، ىندەتپەن شايقاستا جەڭىسكە جەتپەيىنشە استە شەگىنبەيمىن“ دەگەن ايبىندى سەرت بەردى. گو يۇيتيڭ شينجياڭنان حۋبەيعا كومەككە بارعان ەمدەۋ اترەتىنىڭ مۇشەسى. ۇرىمجىدە ىندەت تۋىلعاننان كەيىن، ول ءارى - ءسارى بولماستان تاعى دا ىندەتكە قارسى اتتانۋدىڭ ءبىرىنشى شەبىندە اتويلاپ الدا ءجۇرىپ، ناۋقاستاردىڭ جانىنان تابىلدى.
”ىندەت جاعدايى قاتاڭ دا كۇردەلى، قۇتقارۋ - ەمدەۋ مىندەتى جاپالى دا اۋىر بولعان شەشۋشى ساتتە، اتويلاپ الدا ءجۇرىپ، بار كۇشتى سالىپ مەديتسينالىق قۇتقارۋ - ەمدەۋ قىزمەتىن ورىستەتۋ ءدال كوممۋنيستەردىڭ قالتقىسىز، تايسالمايتىن بەينەسى“. اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ ۋاقىتشا پارتكومىنىڭ شۋجيى، شيپاحانا باستىعى يۇي ايپيڭ بىلاي تانىستىردى: وسى 50 جولداس مەملەكەت پەن حالىقتىڭ مۇددەسىن قورعاۋ جولىندا كەۋدە كەرە العا شىعىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە كورنەكتى بەينە بايقاتتى ءارى بەلسەندى تۇردە پارتيا ۇيىمىنا جاقىنداي ءتۇستى، شيپاحانانىڭ ۋاقىتشا پارتكومى ءماجىلىسىنىڭ اقىلداسۋىمەن ءارى جوعارى دارەجەلى پارتيا ۇيىمىنىڭ بەكىتۋىنە جولدانعاننان كەيىن، وسى 50 جولداستى كانديدات پارتيا مۇشەسى ەتىپ قابىلداۋ ۇيعارىلدى.
ۇرىمجىدە ىندەت تۋىلعاننان بەرى، رايونىمىز ءارقايسى جاقتاردىڭ كۇشتەرىن ءبىر تۇتاس جوسپارلاپ، ىلگەرىندى - كەيىندى 33 مەديتسينالىق ەمدەۋ اترەتىندەگى 2023 ادامدى جيناپ، اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانى قۇردى، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جەتەكشىلىك گرۋپپاسىنىڭ جەتەكشىلىگىندە، جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى شوعىرلى ەمدەۋگە الىپ، قۇتقارۋ - ەمدەۋ قىزمەتىن بار كۇشپەن ورىستەتتى. پارتيا ۇيىمىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرۋ ءۇشىن، بەلگىلەنگەن شيپاحانا 26 كلينيكا، مەديتسينا تەحنولوگياسى ۋاقىتشا پارتيا ياچەيكاسىن، 7 اكىمشىلىك ۋاقىتشا پارتيا ياچەيكاسىن، مەديتسينالىق ەمدەۋ اترەتى مۇشەلەرى تۇرعان قوناق ءۇي قىزمەت وتەۋ، قامتاماسىزداندىرۋ 18 ۋاقىتشا پارتيا ياچەيكاسىن ءارى پارتيا گرۋپپاسىن قۇردى.
بەلگىلەنگەن شيپاحانانىڭ 4 - ءنومىرلى عيماراتىنىڭ 12 - ناۋقاستار اۋماعىنىڭ تەتە اعا شيپاگەرى لو شياۋمەي بىلاي دەدى: ىندەتكە قارسى اتتانۋدىڭ ءبىرىنشى شەبىندە ءوزىمنىڭ ومىرلىك ارمانىمدى ورىندادىم − داڭقپەن جۇڭگو كوممۋنيستىك پارتياسىنا مۇشە بولدىم، بۇل مەنىڭ مۇرات - سەنىمىمدى ونان ارى بەكەمدەي ءتۇستى. مەن وسىنى جاڭا باستاما ەتىپ، اجالعا اراشاشى، جارالىعا مەدەت بولىپ، ادام ءومىرىن قورعاپ، ءوزىمنىڭ ءىس جۇزىندىك ارەكەتىم ارقىلى پارتيا ۇيىمىنا تولىمدى ەمتيحان قاعازىن تاپسىرامىن.
”ىندەتكە قارسى اتتانۋدىڭ ءبىرىنشى شەبىندە پارتياعا مۇشە بولۋىمنىڭ بەكىتىلۋى داڭق سەزىمىمدى كۇشەيتتى“. قاشقار ايماقتىق 1 - حالىق شيپاحاناسىنان بەلگىلەنگەن شيپاحاناعا كەلىپ، قۇتقارۋ - ەمدەۋگە قاتىناسىپ جاتقان ICU سەستراسى گۇلىستان امەتجان بىلاي دەدى: اۋەلگى ماقساتتان اينىماۋ، بورىش ارقالاۋ، ۋاقىتپەن جارىسىپ، اۋرۋمەن ايقاسىپ جاتقان بىزدەردىڭ وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە سەنىمىمىز كامىل، بەكىمىمىز بەرىك.
”ىندەتكە قارسى اتتانۋدىڭ ءبىرىنشى شەبى − كوممۋنيستىك پارتيا مۇشەلەرىنىڭ ’قايراعى‘،’سىنتاسى‘، ۇلكەن شايقاس، ۇلكەن سىناقتا عانا ستيلدى سىناۋعا، ستيلدى شىڭاۋعا، ستيلگە بۇرىلىس جاساۋعا بولادى. ىندەتكە قارسى اتتانۋدىڭ ءبىرىنشى شەبىندەگى اناعۇرلىم كوپ قىزمەتكەرلەردىڭ پارتيا ۇيىمىنا بەلسەنە جاقىنداي ءتۇسىپ، قالىڭ بۇقارانى ىندەتكە بار كۇشپەن قارسى اتتانۋعا ىنتىماقتاستىرىپ، باستاپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاپ، پارتيا تۋىن ىندەتتەن ساقتانۋ - تىزگىندەۋدىڭ ءبىرىنشى شەبىندە باستان - اياق اسقاق جەلبىرەتۋىن ءۇمىت ەتەمىن“، - دەدى يۇي ايپيڭ.
