شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 15 - كۇنى ۇرىمجىدەن حابارلايدى. قازىر الەۋمەتتىك اۋماقتار كۇنىنە 3 رەت تۇرعىنداردىڭ دەنە تەمپەراتۋراسىن ولشەيدى، بۇلاي ىستەۋ قاجەتتى مە؟ 8 - ايدىڭ 15 - كۇنى ءۇرىمجى قالالىق اۋرۋدىڭ الدىن الۋ، تىزگىندەۋ ورتالىعىنىڭ ورىنباسار مەڭگەرۋشىسى ۋىن گوشين بىلاي دەپ تانىستىردى: ادام دەنەسىنىڭ جاڭا تيپتى ايدارشا ۆيرۋسپەن جۇعىمدالعاننان كەيىنگى ءبىر ماڭىزدى بەلگىسى، ءۇرتىس قىزادى، سونداي - اق جوتەلۋ، دەمى قىسىلۋ، دارمەنسىزدەنۋ سياقتى بەلگىلەر قوسانجارلايدى، دەنە تەمپەراتۋراسىنىڭ وزگەرىسىن باقىلاۋ − جاڭا تيپتى ايدارشا ۆيرۋس وكپە قابىنۋىمەن جۇعىمدالعانداردى بايقاۋدىڭ ەڭ قاراپايىم تىكە ءادىسى، سوندىقتان دەنە تەمپەراتۋراسىن كۇنىنە 3 رەت ولشەپ تۇرۋى وتە قاجەتتى بولىپ تابىلادى.
مەديتسينادا ادام دەنەسىنىڭ قالىپتى تەمپەراتۋراسى جايشىلىقتا ℃36.5تان ℃37.2قا دەيىن بولادى، دەسەدە، ءار ادامنىڭ نەگىزگى دەنە تەمپەراتۋراسى بىردەي بولا بەرمەيدى، قالىپتى ادامنىڭ ءبىر كۇن ىشىندەگى تۇسكە دەيىنگى جانە تۇستەن كەيىنگى دەنە تەمپەراتۋراسىندا دا ايىرماشىلىق بولادى. سونىمەن بىرگە، ءار ادامنىڭ دەنە تەمپەراتۋراسىنا سەزىمتالدىعى ۇقسامايدى، كەيبىرەۋلەردىڭ توزىمدىلىگى ءبىرشاما كۇشتى بولسا، كەيبىرەۋلەردىكى ءبىرشاما ءالسىز بولادى. ەگەر ءار كۇنى دەنە تەمپەراتۋراسىن ءبىر - اق رەت ولشەيتىن بولساق، تۇرعىنداردىڭ دەنە تەمپەراتۋراسى جاعدايىن دەر كەزىندە، ءدال بىلۋگە بولمايدى.
مەديتسينادا ℃37.3 ادام دەنەسىنىڭ قىزۋى ورلەۋىنىڭ شەكارا سىزىعى رەتىندە قارالادى، ادام دەنەسىنىڭ تەمپەراتۋراسى ℃37.3قا جەتسە، دەنە تەمپەراتۋراسىنىڭ قالىپسىزدىعىنا جاتادى. وسى نەگىزدە، قىزۋ ورلەۋ تەمپەراتۋرا ارالىعى بويىنشا تومەن قىزۋ، ورتاشا قىزۋ، جوعارى قىزۋ، ەرەكشە جوعارى قىزۋ دەپ ءتورت تۇرگە بولىنەدى، سوندىقتان، دەنە تەمپەراتۋراسىن كۇنىنە 3 رەت ولشەپ تۇرعاندا تۇرعىنداردىڭ دەنساۋلىق جاعدايىن اناعۇرلىم شىنايى قاداعالاۋعا بولادى. بۇدان سىرت، دەنە قىزۋىن تۋدىراتىن اۋرۋلار وتە كوپ، مىسالى، جاي تۇماۋ، جاي باكتەريالىق وكپە قابىنۋ، ىشەك جولىنىڭ قابىنۋى سياقتى اۋرۋلار دا قىزۋ ورلەۋىن تۋدىرادى. بۇل ءۇشىن، دەنە تەمپەراتۋراسىن ۇزدىكسىز، كوپ رەت ولشەۋ ارقىلى عانا دەنە تەمپەراتۋراسى قالىپسىز بولعان تۇرعىندارعا ىشكەرىلەي تەكسەرۋ جانە دياگنوز قويۋ جۇمىستارىن جۇرگىزۋگە بولادى.
الەۋمەتتىك اۋماق قىزمەتكەرلەرى، ەرىكتىلەر ۇيلەردى ارالاپ تۇرعىنداردىڭ دەنە تەمپەراتۋراسىن ولشەگەندە، ماسكى تاعىپ، ساقتانۋ - قورعانۋ كيىمدەرىن كيۋى، سونداي - اق زارارسىزداندىراتىن بۇرىككىش الىپ ءجۇرۋى، تۇرعىندارمەن ءبىر مەتر ارالىقتى ساقتاپ، دەنەگە تيمەيتىن تەرمومەترمەن تۇرعىنداردىڭ دەنە تەمپەراتۋراسىن ولشەۋى كەرەك. دەنە تەمپەراتۋراسىن ولشەپ بولىپ، تۇرعىندار ەسىكتى جاپقان سوڭ، دەنەگە تيمەيتىن تەرمومەتردى زارارسىزداندىرۋ، سونىمەن بىرگە جەرگە زارارسىزداندىرۋ جۇرگىزگەننەن كەيىن بارىپ كەلەسى ۇيدەگىلەردىڭ دەنە تەمپەراتۋراسىن ولشەپ، ايقاسپالى جۇعىمدالۋدان ەڭ جوعارى شەكتە ساقتانۋ كەرەك.
”قالا تۇرعىندارى دەنە تەمپەراتۋراسىنان قالىپسىزدىق بايقاي سالىسىمەن، دەر كەزىندە الەۋمەتتىك اۋماققا مالىمدەۋى كەرەك، ءبىز عىلمي سارالاۋ جانە تۇجىرىمداۋ جۇرگىزىپ، قاجەتتى شارالار قولدانامىز، قالىڭ قالا تۇرعىندارىنىڭ ءار كۇنگى دەنە تەمپەراتۋراسىن ولشەۋ قىزمەتىن ويداعىداي ىستەۋگە بەلسەنە سايكەسۋىن ءۇمىت ەتەمىز“، - دەيدى ۋىن گوشين.
