شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 15 - كۇنى ۇرىمجىدەن حابارلايدى. 8 - ايدىڭ 15 - كۇنى ءۇرىمجى قالالىق حالىق ۇكىمەتىنىڭ ورىنباسار باس حاتشىسى ليۋ جۇن بىلاي دەپ تانىستىردى: ءۇرىمجى قالاسى جوعارى مەكتەپ، ورتا تەحنيكۋم وقۋشىلارىنىڭ شينجياڭنان شىعىپ وقۋىنا جانە سالماقتى اۋرۋعا شالدىققان ەرەكشە ادامداردىڭ ىشكى وڭىرلەرگە بارىپ ەمدەلۋىنە جاسىل ارنا اشتى، جوعارىداعى ادامداردىڭ شينجياڭ سالاماتتىق كودى (ءۇرىمجى بوگەتسىز ءجۇرۋ كودىن قامتيدى) ”جاسىل كود“ جانە سوڭعى 7 كۇندەگى نۋكلەين قىشقىلىن تەكسەرۋ مالىمەتىن (بولىمسىز) الىپ، ءوزى تۇرعان الەۋمەتتىك اۋماققا انىقتاتىپ، تىركەلگەننەن كەيىن جۇرۋىنە بولادى.
جوعارىداعى ادامدار الەۋمەتتىك اۋماقتىڭ كوتەرمەگە الۋشى كادرى ارقىلى ءوزى تۇرعان الەۋمەتتىك اۋماققا نۋكلەين قىشقىلىن تەكسەرتۋ ءوتىنىشىن تاپسىرادى. الەۋمەتتىك اۋماق ءار كۇنى ادامداردىڭ ينفورماتسياسىن ساناققا الىپ، رايوندىق (اۋدان) ىندەتتەن ساقتانۋ - تىزگىندەۋ قىزمەتى قولباسشىلىق شتابى جيناقتاپ بولعاننان كەيىن، دەر كەزىندە ءۇرىمجى قالالىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ نۋكلەين قىشقىلىن تەكسەرۋ گرۋپپاسىنا مالىمدەيدى.
ءۇرىمجى قالالىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ نۋكلەين قىشقىلىن تەكسەرۋ گرۋپپاسى ءۇرىمجى قالالىق اۋرۋدىڭ الدىن الۋ، تىزگىندەۋ ورتالىعىن نەمەسە باسقا دا قۋاتى بار رايوندىق (اۋدان) اۋرۋدىڭ الدىن الۋ، تىزگىندەۋ ورتالىعىن جانە تەكسەرۋ قۇرىلىمدارىن ءبىر تۇتاس جوسپارلاپ ورنالاستىرىپ، رايونداردىڭ (اۋدان) مالىمەتىن قابىلداعان 24 ساعات ىشىندە، ارناۋلى ەمدەۋ - كۇتىمدەۋ قىزمەتكەرلەرىن ۇيلەرگە بارىپ ۇلگى الۋعا ۇيىمداستىرادى؛ تەكسەرۋ ءتارتىبى، ولشەمى بويىنشا نۋكلەين قىشقىلىن قاتاڭ تەكسەرىپ، 24 ساعات ىشىندە تەكسەرۋ مالىمەتىن شىعارىپ، رايوندىق (اۋدان) ىندەتتەن ساقتانۋ - تىزگىندەۋ قىزمەتى قولباسشىلىق شتابىنا تاپسىرىپ، الەۋمەتتىك اۋماق ارقىلى نۋكلەين قىشقىلىن تەكسەرۋ مالىمەتىن ءوتىنىش بەرۋشى ادامعا تاپسىرادى. نۋكلەين قىشقىلىن تەكسەرۋ اقىسىن ءۇرىمجى قالالىق قازىنا ۇستىنە الادى.
جوعارىداعى ادامداردا ءۇرىمجى قالاسىنداعى جاپپاي قامتىلعان نۋكلەين قىشقىلىن تەكسەرۋدە قالىپسىزدىق بايقالماسا، الەۋمەتتىك اۋماق ارقىلى رايوندىق (اۋدان) اۋرۋدىڭ الدىن الۋ، تىزگىندەۋ ورتالىعىنا ءوتىنىش بەرىپ، رايوندىق (اۋدان) اۋرۋدىڭ الدىن الۋ، تىزگىندەۋ ورتالىعى نۋكلەين قىشقىلىن تەكسەرۋدە قالىپسىزدىق بولماعانى تۋرالى انىقتاما شىعارىپ، تاڭبا باسىپ بەرەدى. بۇل انىقتاما تەك سوڭعى 7 كۇندەگى، ەڭ سوڭعى رەتكى نۋكلەين قىشقىلىن تەكسەرۋدىڭ ءونىمدى مەرزىمى ىشىندە ىستەتىلەدى. نۋكلەين قىشقىلىن تەكسەرۋ ناتيجەسىندە بولىمدى بولعانداردى رايوندىق (اۋدان) اۋرۋدىڭ الدىن الۋ، تىزگىندەۋ ورتالىعى دەرەۋ قاتىستى ءتارتىپ بويىنشا ءبىر جايلى ەتەدى.
”جوعارىداعى تالاپقا ۇيلەسكەن ادامداردى ءوزى تۇرعان الەۋمەتتىك اۋماقتىڭ ارناۋلى ادامى ارناۋلى كولىكپەن تۇيىننەن تۇيىنگە جەتكىزىپ، ۇرىمجىدەن شىعۋ جاسىل ارناسىنىڭ حاۋىپسىزدىگىنە، قولايلىلىعىنا، ىركىلىسسىزدىگىنە شىنايى كەپىلدىك ەتەدى“، - دەدى ليۋ جۇن.
