دياگنوزى تۇراقتاندىرىلعان 41 ناۋقاس ساۋىعىپ شيپاحانادان شىقتى
شيپاحانادان شىققان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 500دەن استى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 15 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 15 - كۇنى دياگنوزى تۇراقتاندىرىلعان 41 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، مۇنىڭ ىشىندە ءۇرىمجى قالاسىنان 39 ناۋقاس، قاشقار ايماعىنان ۇرىمجىدەگى ىندەتكە بايلانىسقان ءبىر ناۋقاس، بيڭتۋاننان ءبىر ناۋقاس بار؛ اۋرۋ بەلگىسى جوق 3 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن دياگنوزى تۇراقتاندىرىلعان 425 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 108 جۇعىمدالۋشى مەديتسينالىق باقىلاۋدان بوساتىلىپ، جالپى سانى 533 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ، ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: 8 - ايدىڭ 15 - كۇنىنە دەيىن، ساۋىعىپ شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 500دەن استى. شيپاحانادان شىققان ناۋقاستار جۇرەك جاردى لەبىزدەرىمەن پارتيا مەن ۇكىمەتتىڭ ءار ۇلت بۇقاراسىنىڭ ءومىرىنىڭ حاۋىپسىزدىگىن قورعاۋدا كورسەتكەن قاجىماس قۇلشىنىستارىنا العىستارىن، سونداي - اق ەمدەۋ - كۇتىمدەۋ قىزمەتكەرلەرىنىڭ كۇندى تۇنگە جالعاپ، زەيىن سالا قۇتقارىپ - ەمدەگەندىگىنە، ناۋقاستارعا كوڭىل بولگەنىنە، قامقورلىق جاساعانىنا العىستى سەزىمدەرىن ءبىلدىردى. وسى جىلى مەيىرلى سوزدەر بەلگىلەنگەن شيپاحانالاردا ەرلىكپەن شايقاس جاساپ جاتقان بارلىق ەمدەۋ - كۇتىمدەۋ قىزمەتكەرلەرىنىڭ جىگەر - قايراتىن تاسقىنداتتى، ءبىز قۇتقارۋ - ەمدەۋ قىزمەتىن زەيىن قويا، كۇش سالا جاقسى ىستەپ، ارقاۋدى مىقتاپ شيراتىپ، كۇش - قايراتتى توپتاپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋ جولىندا قايسارلىقپەن شايقاس جاساي بەرەمىز.
