الۋان شارا قولدانىپ قامداۋمەن قامتاماسىز ەتىپ، باعانى ورنىقتىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋگە ۇلەس قوسۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 15 - كۇنى ۇرىمجىدەن حابارلايدى. 8 - ايدىڭ 15 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىندا اۋىل شارۋاشىلىق ءوندىرىسى جانە كوكونىس سەكىلدى اۋىل شارۋاشىلىق قوسىمشا ونىمدەرىمەن قامداۋدى قامتاماسىز ەتۋ سياقتى قىزمەتتەردى تەكسەرىپ - زەرتتەدى. ول بىلاي دەپ باسا دارىپتەدى: ىندەتتەن ساقتانۋ - تىزگىندەۋ شەشۋشى كەزەڭگە قادام تاستادى، ءار دارەجەلى كادرلار ىندەتتەن ساقتانۋ - تىزگىندەۋدىڭ شارالارىن تيتتەي دە بوساڭسىماستان ناقتى، ەگجەي - تەگجەيلى تياناقتاندىرىپ، ەگىن، مال شارۋاشىلىعى ءوندىرىسى، اينالىم، ساقتاۋ - تاسۋ سياقتى قىزمەتتەردى بەلسەنە ۇيىمداستىرىپ، كوكونىس سياقتى اۋىل شارۋاشىلىق قوسىمشا ونىمدەرىمەن جەتكىلىكتى قامداۋعا، باعانىڭ ورنىقتىلىعىنا شىنايى كەپىلدىك ەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋگە پارمەندى قامتاماسىزدىق ازىرلەۋ كەرەك.
ءۇرىمجى جوعارى، جاڭا عىلىم - تەحنيكالىق كاسىپتەردى اشۋ رايونى (جاڭا قالا رايونى) ليۋشىحۋ اۋىلى كوكونىس ەگىمشىلىگىن نەگىز ەتەدى، ءۇرىمجى قالاسىنداعى قوسىمشا ازىق - تۇلىك بازاسىنىڭ ءبىرى. ليۋشىحۋ اۋىلى شيڭحو قىستاعى 4 - اترەتىندەگى جانە سانگۇڭلياڭ قىستاعى 3 - اترەتىندەگى اۋىل - قالاشىق كادرلارى مەن بىرنەشە ديقان وتباسىنداعىلاردىڭ كوك لوبى، پاميدور ءۇزىپ جاتقانىن كورگەندە شوكىرات زاكىر ەگىمشىلىك، ءوندىرىس، ءونىم الۋ، سونداي - اق وتباسى كىرىسى سياقتى جاعدايلارىن ەگجەي - تەگجەيلى سۇراپ ۇعىستى. ول بىلاي دەدى: قالىڭ قىستاق تۇرعىندارى ىندەتتەن ساقتانۋ - تىزگىندەۋ قىزمەتىنە بار كۇشپەن سايكەسۋمەن بىرگە، جيىن - تەرىننىڭ قاۋىرت مەزگىلىندە ارىپ - شارشاعاندارىنا قاراماستان، ءۇرىمجى قالاسى تۇرعىندارىن كوكونىس سياقتىلارمەن جەتكىلىكتى قامداۋدى قامتاماسىز ەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋگە پارمەندى تىرەك ازىرلەدى، قالىڭ شارۋالاردان حال سۇرايمىن جانە العىس ايتامىن. شوكىرات زاكىر قىستاق تۇرعىندارىنا بىلاي دەپ تاپسىردى: ىندەتتەن ساقتانۋ تانىمىن كۇشەيتۋ، استە سەلقوستىققا سالىنباۋ، استە باق سىناۋ ويىندا بولماۋ كەرەك، ءوز باسىنىڭ اماندىعىنا شىنايى كەپىلدىك ەتۋ العى شارتىندا، كوكونىس تەرۋ - ءۇزۋدى ءتارتىپتى جۇرگىزىپ، ىندەتتەن ساقتانۋ - تىزگىندەۋدىڭ ەڭ سوڭعى جەڭىسىنە قول جەتكىزۋ ءۇشىن بىرگە قۇلشىنۋ كەرەك.
شوكىرات زاكىر بىلاي دەپ باسا دارىپتەدى: قازىر كوكونىستەن ءونىم الاتىن مەزگىل، سونداي - اق ىندەتتەن ساقتانۋ - تىزگىندەۋ كەزىندە اۋىل شارۋاشىلىق قوسىمشا ونىمدەرى سياقتى زاتتىق ماتەريالدارمەن قامداۋدىڭ شەشۋشى مەزگىلى، ءار دارەجەلى كادرلار قالىڭ شارۋالاردى ىندەتتەن ساقتانۋ - تىزگىندەۋ شارالارىن جاقسى تياناقتاندىرۋعا جەتەكتەپ، ولاردىڭ ءوندىرىسى مەن تۇرمىسىنا شارت - جاعداي جاراتىپ، كوكونىسپەن قامداۋعا قولايلى شارت - جاعداي ازىرلەۋ كەرەك؛ اۋىل - قالاشىق كادرلارىن، قىستاق تۇرعىندارىن جانە جۇمىسكەرلەردى قاجىرلىلىقپەن كۇرەس جۇرگىزۋ، ءوزارا كومەكتەسىپ، جاردەم بەرۋ رۋحىن ساۋلەلەندىرىپ، اۋىل شارۋاشىلىق ونىمدەر ءوندىرىسى، ءونىم الۋ، اينالىم، ساقتاۋ، تاسۋ سياقتى قىزمەتتەردى بار كۇشپەن جاقسى ىستەپ، كوكونىس سياقتى اۋىل شارۋاشىلىق ونىمدەرىمەن بازاردى قامداۋدى قامتاماسىز ەتۋگە ءتارتىپتى ۇيىمداستىرۋ كەرەك.
شوكىرات زاكىر بىلاي دەپ باسا دارىپتەدى: قازىر ىندەتتەن ساقتانۋ - تىزگىندەۋ ەڭ ماشاقاتتى قامال الۋ كەزەڭىندە تۇر، ءار دارەجەلى باسشى كادرلار قىزمەت ستيلىنە شىنايى بۇرىلىس جاساپ، قىزمەت جاۋاپكەرشىلىگىن ناقتىلاندىرىپ، باتىلدىقپەن جاۋاپكەرشىلىك ارقالاپ، ۇلەس قوسۋعا پەيىل بولىپ، ءبىرىنشى شەپكە كوبىرەك ىشكەرىلەي بارىپ جاعداي ۇعىسىپ، ماسەلەلەردى شەشۋى، اسىرەسە، ىندەت كەزىندە كوكونىس سياقتى اۋىل شارۋاشىلىق قوسىمشا ونىمدەرىمەن بازاردى جەتكىلىكتى، جاسىل، حاۋىپسىز، ورنىقتى قامداۋعا شىنايى كەپىلدىك ەتىپ، كوپ جاقتىڭ كۇشىن جۇمىلدىرىپ، ءبىر نيەتپەن كۇش بىرىكتىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ تەكسەرىپ - زەرتتەۋدە بىرگە بولدى.
