شينجياڭ گازەتىنىڭ حابارى (تىلشىلەر لي چۇنشيا، جاۋ چۇنحۋا حابارلايدى). 8 - ايدىڭ 16 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋ بىلاي دەپ تانىستىردى: شينجياڭ ەمدەۋ بايلىعىن ٴبىر تۇتاس جوسپارلاپ، جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى قۇتقارۋ - ەمدەۋ قىزمەتىن بار كۇشپەن ويداعىداي ىستەۋمەن بىرگە، ٴۇرىمجى قالاسىنىڭ قاراستى رايوندارىنداعى ٴارقايسى ەمدەۋ قۇرىلىمدارىن ٴبىر تۇتاس ورنالاستىرىپ، شۇعىل، قاتەرلى، سالماقتى ناۋقاستاردىڭ ەمدەلۋ قاجەتىن قاناعاتتاندىردى.
ىندەتتەن ساقتانۋ - تىزگىندەۋ كەزىندە، اۆتونوميالى رايون قۇتقارۋ - ەمدەۋگە 26 شيپاحانانى بەلگىلەپ، عىلمي جولمەن ناۋقاستاردى تۇرگە ٴبولىپ، شۇعىل اۋرۋى بار، قان سۇزدىرەتىن، وسپە اۋرۋىن قۇتقارۋ - ەمدەۋ، جۇرەك، مي قان تامىرلارى اۋرۋى بار ناۋقاستار مەن جۇكتى، بوسانعان ايەلدەر، بالالار سياقتى ەرەكشە قاۋىمنىڭ قۇتقارىلىپ - ەمدەلۋ قاجەتىن قاناعاتتاندىردى.
ٴارقايسى بەلگىلەنگەن ەمدەۋ قۇرىلىمدارى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كەزىندەگى شيپاحانادا جۇعىمدالۋدى باسقارۋ تالابى بويىنشا، قاجەتتى شۇعىل دياگنوز قويۋ - قۇتقارۋ بۋفەرلىك اۋماعىن، شۇعىل وپەراتسيا جاساۋ بۇفەرلىك اۋماعىن جانە اۋرۋ بولمەسى بۋفەرلىك اۋماعىن قۇرىپ، شۇعىل، سالماقتى ناۋقاستاردى قورعانۋ - ساقتانۋدى ويداعىداي ىستەۋ نەگىزىندە دەر كەزىندە قۇتقارىپ - ەمدەدى، سونىمەن بىرگە نۋكلەين قىشقىلىن تەكسەردى. قۇتقارىپ - ەمدەگەننەن كەيىن دە جالعاستى شيپاحانادا جاتىپ ەمدەلۋ قاجەت بولسا، الدىمەن بۋفەرلىك اۋماعىندا جەكە ادامدى جەكە بولمەگە اۋاشالاپ ەمدەپ، جاڭا تيپتى ايدارشا ۆيرۋس وكپە قابىنۋى ەمەس ەكەنىنە كوز جەتكەننەن كەيىن، ادەتتەگى اۋرۋ بولمەسىنە اۋىستىرىپ جالعاستى ەمدەيدى.
شينجياڭ ”ينتەرنەت + ەمدەۋ“ ابزالدىلىعىن تولىق ساۋلەلەندىرىپ، اۆتونوميالى رايوندىق حالىق شيپاحاناسى، شينجياڭ مەديتسينا داشۋەسىنە قاراستى 1 ـ شيپاحانا، شينجياڭ مەديتسينا داشۋەسىنە قاراستى وسپە اۋرۋلار شيپاحاناسى، ٴۇرىمجى قالالىق 4 ـ حالىق شيپاحاناسى، قارامايلى قالالىق ورتالىق شيپاحاناسى، قارامايلى قالالىق مايتاۋ حالىق شيپاحاناسى، اقسۋ ايماقتىق 1 ـ حالىق شيپاحاناسى، قىزىلسۋ قىرعىز اۆتونوميالى وبلىستىق حالىق شيپاحاناسى، شينجياڭ جيايىن شيپاحاناسى سياقتى 9 ەمدەۋ قۇرىلىمىندا ينتەرنەت شيپاحاناسىن قۇرىپ، بارشا ناۋقاستارعا دياگنوز قويۋدىڭ الدى، ورتاسى، سوڭعى كەزەڭىن قامتىعان جالپى بارىستىق، دارا، زەردەلى قىزمەت وتەۋدى ازىرلەپ، سوزىلمالى اۋرۋعا شالدىققان ناۋقاستارعا جانە ۇنەمى كەزدەسەتىن اۋرۋعا شالدىققان ناۋقاستاردىڭ قايتا قارالۋ، تەكسەرىلۋ، ەمدەلۋ قاجەتىنە قولايلىلىق جاسادى. ناۋقاستار جوعارىداعى 9 ەمدەۋ قۇرىلىمىنىڭ ۋيشين الەۋمەتتىك نومىرىنە تىركەلۋ ارقىلى ينتەرنەت شيپاحاناسىنىڭ تىركەلۋ تەرمينالىنا كىرىپ، قايتا قارالىپ، ەمدەلۋىنە بولادى.
”ىندەت كەزىندە، دياگنوز قويۋدان باس تارتقان ەمدەۋ قۇرىلىمدارى مەن قىزمەتكەرلەر بولسا، اۆتونوميالى رايوننىڭ ەمدەۋ داۋ ـ شارى جونىندەگى ارىز ـ شاعىم تەلەفون نومىرىنە 8563007 - 0991 تەلەفون شالۋىنا بولادى، ٴبىز قاتىستى بەلگىلەمەلەر بويىنشا قاتاڭ ٴبىر جاقتىلى ەتەمىز“،-دەدى گۋ يىڭسۋ.
