تيانشان تورى
تيانشان تورى   ›   جاڭالىقتار   ›   ءۇرىمجى

الەۋمەتتىك اۋماق ىندەتكە قارسى اتتانۋدىڭ ٴبىرىنشى شەبىندەگى ەمدەۋ قىزمەتكەرلەرىنىڭ وتباسىنداعىلاردان حال سۇرادى

  تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر سۇن فاڭتيڭ، ەرىكتى ٴتىلشى پاريزات اسەن). تاياۋدا ٴۇرىمجى قالاسى تيانشان رايوندىق قالا باسقارۋ مەكەمەسىنىڭ (اكىمشىلىك زاڭ اتقارۋ مەكەمەسى) حىپيڭ جولى اۋماعى شينۋان الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قاراستى رايونداعى ٴبىرىنشى شەپتەگى ەمدەۋ قىزمەتكەرلەرىنىڭ وتباسىنداعىلاردان حال سۇرادى ٴارى وسى الەۋمەتتىك اۋماقتىڭ مەيىرى مەن قامقورلىعىن جەتكىزدى.

  قىزمەت اترەتىنىڭ باستىعى، ٴبىرىنشى شۋجي بۇرحان ابيبوللانىڭ باستاۋىندا، حال سۇراۋ گرۋپپاسىنىڭ قىزمەتكەرلەرى ەت، كوكونىس جانە تۇرمىستىق بۇيىمداردى ساتىپ الىپ، ىرداۋۋان جولى 162- ٴنومىر كاڭتاييۋان شاعىن اۋماعىندا تۇراتىن چيان ليشين قارياعا اپارىپ بەردى.

  بۇرحان ابيبوللا (وڭدا) قاراستى رايونداعى ىندەتكە قارسى اتتانۋدىڭ ٴبىرىنشى شەبىندەگى ەمدەۋ قىزمەتكەرلەرىنىڭ وتباسىنداعىلاردان حال سۇرادى.

  بۇرحان تانىستىرىپ بىلاي دەدى: الەۋمەتتىك اۋماق وتباسىلارىن ارالاپ دەنە تەمپەراتۋراسىن ولشەۋ بارىسىندا، چيان ليشين قاريانىڭ قىزى لي حۇڭجۋاننىڭ اۆتونوميالى رايوندىق حالىق شيپاحاناسىنىڭ جاق سۇيەك سىرتقى اۋرۋلار بولىمىندە قىزمەت ىستەيتىنىن، ىندەت تۋىلعاننان كەيىن، قىزى اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانادا قىزمەت ىستەپ جاتقانىن، اكە ـ شەشەسىنىڭ تۇرمىس ماسەلەسى قىزىنىڭ ەڭ كوڭىل بولەتىن ٴىسى ەكەنىن ۇعىسادى.

  قىزىنىڭ الاڭسىز قىزمەت ىستەۋى ٴۇشىن، چيان ليشين قىزىنا تەلەفوندا كەسكىن جالعادى، الەۋمەتتىك اۋماقتىڭ اكە - شەشەسىنە جاقسى قاراپ جاتقاندىعىن كورىپ، لي حۇڭجۋان الەۋمەتتىك اۋماققا العىس ءبىلدىردى.

  ”الەۋمەتتىك اۋماق حال سۇراۋ بۇيىمدارىن الا كەلدى، مەن قاتتى اسەرلەندىم، بۇل ولاردىڭ كوڭىلى ءارى قوزعاۋشى كۇش مەن وزىمە جانە وتباسىما جاقسى قاراپ، قىزىمدى الاڭنان ارىلتامىن“،-دەدى چيان ليشين.

  بۇرحان بىلاي دەدى: ”ەمدەۋ قىزمەتكەرلەرى ىندەتتەن ساقتانۋ - تىزگىندەۋدىڭ ٴبىرىنشى شەبىندە ىندەتتەن ساقتانۋ - تىزگىندەۋ قىزمەتىنە ۇلەس قوسۋدا، الەۋمەتتىك اۋماق ولاردىڭ وتباسىنداعىلاردىڭ تۇرمىسىنا قىزمەت وتەۋ، قامتاماسىزداندىرۋ قىزمەتىن ٴتىپتى دە جاقسى ىستەپ، ىندەتتەن ساقتانۋ - تىزگىندەۋدىڭ ٴبىرىنشى شەبىندەگى ەمدەۋ قىزمەتكەرلەرىنە الەۋمەتتىك اۋماقتىڭ قامقورلىعى مەن مەيىرىن سەزىندىرىپ، ٴبىرىنشى شەپتەگى ەمدەۋ قىزمەتكەرلەرىنىڭ سەنىمىن بەكەمدەپ، ولاردى الاڭسىز ەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋگە پارمەندى كەپىلدىك ازىرلەۋىمىز كەرەك“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.