8 - ايدىڭ 12 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ تەكسەرۋ بولىمىندە، تەكسەرۋشى تەحنيك جاڭ شين بيو حيميا، يممۋنيتەت جەلىسىندە ۇلگىنى الدىڭعى مەرزىمدىك ءبىر جاقتى ەتۋ جۇمىستارىن جۇرگىزۋدە.
8 - ايدىڭ 12 - كۇنى، بەلگىلەنگەن شيپاحانانىڭ تەكسەرۋ بولىمىندە، تەكسەرۋشى تەحنيك لي في قان تيبىن انىقتاۋدا.
8 - ايدىڭ 12 - كۇنى، بەلگىلەنگەن شيپاحانانىڭ تەكسەرۋ ءبولىمىنىڭ PCR تاجىريبەحاناسىندا، تەكسەرۋشى تەحنيك ۋاڭ زىفان ورگانيكالىق حاۋىپسىزدىك ساندىعىنداعى نۋكلەين قىشقىلىن الىپ شىعىپ كەڭەيتۋ - ارتتىرۋ ءبىر تۇلعالاندىرىلعان اسپابىنىڭ الدىندا نۋكلەين قىشقىلىن تەكسەرۋ جۇمىسىن جۇرگىزۋدە.
8 - ايدىڭ 12 - كۇنى ساعات 9دان 30 مينۋت وتكەندە، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناسى تەكسەرۋ ءبولىمىنىڭ PCR تاجىريبەحاناسىندا، تەكسەرۋشى تەحنيكتەر ۋاڭ زىفان مەن لو يۇن بىرەۋى ءبولىپ ىرىكتەپ، تىزىمدەپ، انىقتاۋعا جاۋاپتى بولسا، ەندى بىرەۋى بيولوگيالىق حاۋىپسىزدىك شكابىنىڭ الدىندا ۇلگىنى قوسقان سوڭ، تەكسەرۋگە جىبەرىلگەن نۋكلەين قىشقىلىنىڭ ۇلگىسىن اسپاپپەن الىپ جاتتى.
«ناۋقاستاردىڭ نۋكلەين قىشقىلى تەكسەرۋ ناتيجەسىنىڭ ەرتەرەك شىعىپ، كلينيكادا ەڭ ءدال تۇجىرىم جاساپ، ناۋقاستاردىڭ ەمدەلۋىنىڭ ەڭ ۇتىمدى ۋاقىتىنا قول جەتكىزۋگە كەپىلدىك ەتۋ كەرەك“. بويىنىڭ بيىكتىگى 04. 2 مەتر ۋاڭ زىفان ەرەكشە ۇلكەن ءنومىرلى قورعانۋ كيىمىن كيىپ، تاجىريبەحاناعا كىرگەن بەتى 6 − 7 ساعات بويى سول جەردە بولدى.
تاعى ءبىر تەكسەرۋ بولمەسىندە، اۆتونوميالى رايوندىق حالىق شيپاحاناسى تەكسەرۋ بولىمىنەن كەلگەن تەكسەرۋشى تەحنيك سۇڭ جينپيڭ قان سارابىن جۇرگىزۋدە، ول تولىق قان كلەتكاسىنا تالداۋ جاساۋ اپپاراتى سياقتى 5 اپپاراتتى جالعىز ءوزى جۇرگىزەدى. ”جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردىڭ قان سۇيىقتىعى كورسەتكىشى دە ەمدەۋدەگى اسا ماڭىزدى تۇجىرىم جاساۋ نەگىزى ەسەپتەلەدى، وسى تەكسەرۋلەردى تەز ورىنداۋىم كەرەك“، - دەيدى سۇڭ جينپيڭ.
ميكرو ورگانيزم تاجىريبەحاناسى − تەكسەرۋ بولىمىندەگى ۆيرۋسقا ەڭ جاقىن جەر. ”جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردا نەگىزىنەن ءىشىنارا باكتەريالارمەن، ساڭىراۋقۇلاقتارمەن جۇعىمدالۋ بىرىگىپ كەتەدى، انتيبيوتيك دارىلەردى ۇيلەسىمدى قولدانۋ، ءبىزدىڭ تەكسەرۋ ناتيجەمىزگە قاراي تۇجىرىم جاساۋدى قاجەت ەتەدى“. تاجىريبەسى مول تەتە اعا تەكسەرۋشى تەحنيك لي جيڭ وسى اۋىر جۇكتى ارقالاپتى.
باكتەريانى جەتىلدىرۋگە از دەگەندە 4 قىزمەت كۇنى قاجەت. لي جيڭ جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردىڭ دەنەسىنەن شىققان بولىندىلەردىڭ، شىعارىندىلاردىڭ، قۇسىقتىڭ جاعىندىسىن جاساۋ، حروموسوماسىنا تالداۋ جاساۋ، ميكروسكوپتا تەكسەرۋ جۇمىستارىن جالعىز ءوزى ىستەپ، مول تاجىريبەسىنە سۇيەنە وتىرىپ تەز تۇجىرىم جاسايدى.
تەكسەرۋ ءبولىمىنىڭ مەڭگەرۋشىسى لين جىچياڭنىڭ جۇمىس ورنىندا تاپجىلماي ىستەگەنىنە ءبىر ايدان استى. ”ءتۇرلى تەكسەرۋدىڭ حاۋىپسىز، ءتارتىپتى جۇرىلۋىنە شىنايى كەپىلدىك ەتىپ، ناۋقاستاردىڭ ەرتەرەك ساۋىعۋى جولىندا ازىراق شارشاپ - شالدىقساق، ەشتەڭە ەتپەيدى“، - دەيدى لين جىچياڭ.
