فان حۇڭ - ي
ۇدايى نەشە كۇن بويى ۇرىمجىدەگى جاڭا تيپتى ايدارشا ۆيرۋس وكپە قابىنۋ دياگنوزى تۇراقتانعان جاڭادان ارتقان ناۋقاس تۇگەلدەي ءبىر ورىندى ساندى عانا قۇرادى، بۇل ادامدارعا ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدىڭ ءۇمىتىن بايقاتتى. دەسەدە، ءدال وسىنداي ساتتەردە تيتتەي دە بوساڭسىعان كوڭىل كۇيدە بولۋىمىزعا استە بولمايدى، قايتا قاجىماس قايسارلىقپەن سوڭىنا دەيىن تاباندى بولۋىمىز كەرەك.
بۇل رەتكى ”ىندەتپەن شايقاس“ بارىسىندا ءۇرىمجى قالاسىنداعى ءار ۇلت بۇقاراسى اۋقىمدى باعامداپ، ۇلكەن قيسىندى ءتۇسىنىپ، ىندەتتەن ساقتانۋ - تىزگىندەۋدىڭ كەلەلى جاعدايىنىڭ قاجەتىنە سانالىلىقپەن بويسۇنىپ، ”ۇيدە جاتۋدىڭ“ ءتۇرلى قيىنشىلىقتارىن جەڭىپ، اتقارىلۋى قاتاڭ ىندەتتەن ساقتانۋ شارالارىنا بەلسەنە سايكەسىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە ەلەۋلى ۇلەس قوستى. ءدال وسىنداي ءار ۇلت بۇقاراسىنىڭ قۇربان بەرۋى مەن ۇلەس قوسۋىنىڭ، تاباندىلىعى مەن قۇلشىنىس جاساۋىنىڭ ارقاسىندا، ىندەتتەن ساقتانۋ - تىزگىندەۋ جاعدايىنىڭ بەلسەنە جاقسارۋعا بەت العان اۋقىمى قازىر كەڭەيىپ، ساقتانۋ - تىزگىندەۋ قىزمەتى كەزەڭدىك ونىمدىلىككە قول جەتكىزدى.
الايدا، ءبىز سەرگەكتىكپەن مىنانى دا تاني ءبىلۋىمىز كەرەك: ىندەت جاعدايى ءالى قاتاڭ دا كۇردەلى، ساقتانۋ - تىزگىندەۋ اۋەلگىدەي شيەلەنىسكەن قامال الۋ كەزەڭىندە تۇر، ءسال - ءپال بوساڭسىساق بولدى بارلىق ەڭبەكتى ەش ەتىپ، بۇرىنعى جاپالى قۇلشىنىستار سەلگە كەتۋى مۇمكىن. سوندىقتان، اۋقىم جاقسارۋعا بەت العان سايىن، ”تولىق جەڭىسكە جەتپەيىنشە شەپتەن قايتپاۋداي“ ءۇرتىس شايقاس جۇرگىزۋ رۋحىن اناعۇرلىم ساۋلەلەندىرىپ، كۇش ۇستىنە كۇش قوسىپ، تاماشا كوڭىل كۇيدى ساقتاپ، بەلگىلەمەگە قاراي ءىس ىستەپ، سىرتقا شىقپاۋ، توپتاسپاۋ، جەكەلىك ساقتانۋ - قورعانۋدى ويداعىداي ىستەۋ كەرەك. تەك ءاربىر ادام ەشقانداي بوساڭسىماي ىندەتتەن ساقتانۋ جاۋاپكەرشىلىگى مەن بورىشىن اتقارىپ، ۆيرۋسقا ەشقانداي تارالۋ ورايىن قالدىرماسا، ۆيرۋس، ءسوز جوق، قايتا باس كوتەرە الماستاي ءبىر جولاتا جەڭىلىسكە ۇشىراپ، ءبىز، ءسوز جوق، كۇنى بۇرىن ىندەتتەن قامال الۋ شايقاسىنىڭ ەڭ سوڭعى جەڭىسىنە قول جەتكىزە الامىز.
(”لەپتى لەبىز“ ايدارىنا ماقالا جولداۋ حات ساندىعى: xjrbplb@126.com)
