وڭاي - وسپاق قولعا كەلمەگەن ساقتانۋ - تىزگىندەۋ تابىستارىن بار كۇشپەن بەكەمدەپ، كەڭەيتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك
چىن چۋانگو ءماجىلىستى باسقاردى ءارى ءسوز سويلەدى
شوكىرات زاكىر، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 16 - كۇنى ۇرىمجىدەن حابارلايدى. 8 - ايدىڭ 16 - كۇنى كەشتە اۆتونوميالى رايوندىق پارتكوم بەينە ەكران ءماجىلىسىن اشىپ، كەزەكتەگى ىندەت جاعدايىنا تالداۋ جاساپ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن ونان ارى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارىنان شوكىرات زاكىر، ۋاڭ جۇنجىڭ، لي پىڭشين، شۇي حايرۇڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
چىن چۋانگو سوزىندە بىلاي دەپ اتاپ كورسەتتى: قازىر ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايىنىڭ بەلسەنە جاقسارعان اۋقىمى كەڭەيۋدە، ساقتانۋ - تىزگىندەۋ قىزمەتى كەزەڭدىك ناتيجەگە قول جەتكىزدى؛ الايدا، ىندەت جاعدايى ءالى دە قاتاڭ دا كۇردەلى ەكەندىگىن، ساقتانۋ - تىزگىندەۋ ءالى دە شيەلەنىسكەن قامال الۋ كەزەڭىندە تۇرعاندىعىن سەرگەكتىكپەن كورە ءبىلۋىمىز كەرەك. سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپ بويىنشا توزىمدىلىك كورسەتىپ، شارشاپ - شالدىعۋدان قورىقپاي، ۇزدىكسىز شايقاس جاساپ، ساقتانۋ - تىزگىندەۋ تالابىن تومەندەتپەۋگە، ساقتانۋ - تىزگىندەۋ شارالارىن بوساڭسىتپاۋعا، ىندەت جاعدايىنىڭ قايتا بەلەڭ بەرمەۋىنە شىنايى كەپىلدىك ەتىپ، وڭاي - وسپاق قولعا كەلمەگەن ساقتانۋ - تىزگىندەۋ تابىستارىن بەكەمدەۋگە جانە كەڭەيتۋگە قۇلشىنىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ ەڭ سوڭعى جەڭىسىنە ەرتەرەك قول جەتكىزۋ كەرەك.
ءبىرىنشى، ءونىمدى شارالاردى بۇلجىماستان تياناقتاندىرىپ، اناعۇرلىم عىلمي، دالمە - ءدال ساقتانۋ - تىزگىندەۋ كەرەك. الەۋمەتتىك اۋماقتى توركوزدەندىرىپ باسقارۋدى كۇشەيتىپ، نەگىزگى ساتى كۇشتەرىن نىعايتىپ، ساقتانۋ - تىزگىندەۋ نەگىزىن بەكەمدەپ، سالاماتتىقتى باقىلاۋدى ويداعىداي ىستەپ، ساقتىق شەبىن قاتايتىپ، بەكەمدەپ، شىن مانىندە قاينارىن ءۇزىپ، ”ىندەتسىز شاعىن اۋماق“ قۇرىلىسىن ىلگەرىلەتۋ؛ شوعىرلى مەديتسينالىق باقىلاۋ تۇيىندەرىن سالاماتتىق بويىنشا شارلاپ تەكسەرۋدى، قىزمەت وتەۋمەن قامتاماسىزداندىرۋدى، تازالاپ زارارسىزداندىرۋدى، پسيحيكالىق جاقتان جەتەكتەۋدى عىلمي تۇردە قۇنىتتىلىقپەن ويداعىداي ىستەپ، شەشۋشى بۋىنداردى يگەرىپ، ەشقانداي قالتارىس جانە اقتاڭداق قالدىرماۋعا شىنايى كەپىلدىك ەتۋ؛ قىزۋ امبولاتورياسىنىڭ قاراۋىلدىق فۋنكتسياسىن تولىق ساۋلەلەندىرىپ، بولىمدى بولعانداردى جالپى بارىستىق جابىق باسقارۋدى كۇشەيتىپ، باقىلاپ ولشەۋدى، ساقتاندىرۋدى كۇشەيتىپ، ينفورماتسيادان ورتاق پايدالانۋدى كۇشەيتىپ، ينفورماتسيانىڭ ىركىلىسسىزدىگىنە شىنايى كەپىلدىك ەتىپ، ساقتانۋ - تىزگىندەۋدىڭ ىرىقتىلىق ۇقىعىن مىقتاپ يگەرىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى شىنداپ ورىنداۋ كەرەك.
ەكىنشى، ”ءتورتتى شوعىرلاندىرۋ“ تالابىن بۇلجىماستان تياناقتاندىرىپ، اناعۇرلىم عىلمي دا ءونىمدى تۇردە قۇتقارۋ - ەمدەۋ كەرەك. قاتاڭ تۇردە مەملەكەتتىڭ 7 - نۇسقاداعى دياگنوز قويۋ - ەمدەۋ جوباسى بويىنشا جۇڭگوشا شيپاگەرلىك پەن باتىسشا شيپاگەرلىكتى ۇشتاستىرىپ، كوپ ءتۇرلى پانگە بىردەي ءمان بەرىپ، وتكەلدى الدىعا جىلجىتۋعا تاباندى بولىپ، كۇن ىلگەرى الدىن الۋ مەن ەمدەۋدى كۇشەيتىپ، ەمدەۋدى ءبىرىڭعايلاندىرۋدى، جۇيەلىلەندىرۋدى ىلگەرىلەتىپ، ناۋقاستاردى بار كۇشپەن قۇتقارۋ - ەمدەۋ كەرەك. ەمدەۋ - كۇتىمدەۋ قىزمەتكەرلەرىنە كوڭىل ءبولىپ، قامقورلىق جاساپ، كاسىپتىك باۋلۋدى كۇشەيتىپ، ساقتانۋ - قورعانۋ شارالارىن قاتايتىپ، پسيحيكالىق جاقتان جەتەكتەۋدى كۇشەيتىپ، ءىس جۇزىندىك قيىنشىلىقتاردى شەشىپ، ارتقى ۋايىمنان ارىلتىپ، ەمدەۋ - كۇتىمدەۋ قىزمەتكەرلەرىنىڭ دەنە جانە پسيحيكالىق سالاماتتىعىن ويداعىداي قورعاۋ كەرەك. قامداۋ مەن قاجەتسىنۋدى دالمە - ءدال ۇشتاستىرۋدى كۇشەيتىپ، دايىنداۋدى، جەتكىزۋدى، قولدانۋدى ساپالىلاندىرىپ، ەمدەۋدى، ساقتانۋ - قورعانۋدى، قۇتقارۋ - ەمدەۋ زاتتىق ماتەريالدارىمەن قامتاماسىز ەتۋدى ۇزدىكسىز كۇشەيتىپ، ناۋقاستاردى قۇتقارۋ - ەمدەۋ مەن ىندەتتەن ساقتانۋ - تىزگىندەۋدىڭ قاجەتىن قاناعاتتاندىرۋعا شىنايى كەپىلدىك ەتۋ كەرەك. كۇندەلىكتى ەمدەۋ قىزمەت وتەۋىن ءبىر تۇتاس جوسپارلاپ، ويداعىداي ىستەپ، بۇقارانىڭ ەمدەلۋ قاجەتىن قاناعاتتاندىرۋ؛ ساقتانۋ - قورعانۋ تانىمىن كۇشەيتىپ، دياگنوز قويۋ - ەمدەۋ ءتارتىبىن كەمەلدەندىرىپ، شيپاحانادا جۇعىمدالۋدان ساقتانۋ - تىزگىندەۋدى كۇشەيتۋ كەرەك.
ءۇشىنشى، بۇقارالىق لۋشياندى بۇلجىماستان امالياتتا ايگىلەپ، اناعۇرلىم جان اشىرلىقپەن ساپالى قىزمەت وتەۋ كەرەك. ىندەت الدىندا، ءار ۇلت بۇقاراسى ۇندەۋگە بەلسەندىلىكپەن ءۇن قوسىپ، ورنالاستىرۋعا سانالى تۇردە بويسۇنىپ، بۇقارالىق ساقتانۋ، بۇقارالىق جونگە سالۋدىڭ بەرىك قورعانىس شەبىن بىرگە قۇرىپ، ىندەتتەن ساقتانۋ - تىزگىندەۋگە وراسان زور ۇلەس قوسىپ، ەل بىرلىگىنەن بەرىك قامال تۇرعىزاتىن قۋاتتى بىرىككەن كۇش ۇيىستىردى. ءار دارەجەلى كادرلار حالىقتى بارىنەن جوعارى قويۋعا تاباندى بولىپ، بۇقارانى جان اشىر جاقىندارىنداي كورىپ، بۇقارالىق قىزمەتتى سۇيىسپەنشىلىكپەن، جاۋاپكەرشىلىكپەن جاقسى ىستەپ، قاشاندا حالىق بۇقاراسىمەن جۇرەكتەردى توعىستىرىپ، شىن مانىندە حالىقتىڭ جاعدايىن ءبىلۋى، حالىقتى قام - قايعىدان ارىلتۋى، حالىق جۇرەگىن مەيىرگە بولەۋى كەرەك. بۇقارانىڭ مۇڭ - مۇقتاجىن قاشاندا ەستەن شىعارماي، كوكونىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىسىنا قاجەتتى بۇيىمدارمەن قامداۋدى تولىق قامتاماسىز ەتىپ، ەرەكشە قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋدى كۇشەيتۋ كەرەك؛ بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، شيپاگەرگە قارالۋ، ەمدەلۋ، پسيحيكالىق جەتەكشىلىك ەتۋ سياقتى قىزمەتتەردى ىشكەرىلەي ىجداعاتتىلىقپەن ىستەپ، قىزمەت وتەۋدەگى ولقىلىقتاردى جەدەل تولىقتىرۋ كەرەك؛ ينتەرنەت جەلىسى ارقىلى بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقاراعا جەتەكشىلىك ەتۋ، بۇقاراعا قىزمەت وتەۋ قابىلەتىن جوعارىلاتىپ، ەل اۋانىن جيناۋ، حالىقتىڭ پاراساتىن توپتاۋعا باسا ءمان بەرىپ، جۇرت ءجىتى قاداعالاپ وتىرعان ىستەرگە ىرىقتى تۇردە جاۋاپ قايتارىپ، كۇدىك - كۇماننان ارىلتۋدى كۇشەيتىپ، ماسەلەلەردى شىن مانىندە شەشۋ كەرەك.
ءتورتىنشى، ”ءتورت جاقتىڭ جاۋاپكەرشىلىگىن“ بۇلجىماستان ناقتىلاندىرۋ، قىزمەتكە تيتتەي دە سەلقوس قاراماۋ كەرەك. ءار دارەجەلى پارتكومدار مەن ۇكىمەتتەردىڭ قاراستى جەر جاۋاپكەرشىلىگىن، پارتيا، ۇكىمەت ءبىرىنشى باسشىلارىنىڭ ءبىرىنشى جاۋاپتى ادامدىق جاۋاپكەرشىلىگىن، جاۋاپتى باسشىنىڭ تىكەلەي جاۋاپكەرشىلىگىن، ورىنداردىڭ تۇلعالىق جاۋاپكەرشىلىگىن، سالالاردىڭ، تاراۋلاردىڭ نەگىزگى باسقارۋشى جاۋاپكەرشىلىگىن، وتباسىلار مەن جەكەلەردىڭ وزىندىك ساقتانۋ - قورعانۋ جاۋاپكەرشىلىگىن ونان ارى ويداعىداي تياناقتاندىرىپ، سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جەڭۋ كەرەك. نەگىزگى ساتىعا ىشكەرىلەي بويلاپ، ءبىرىنشى شەپتە اتويلاپ، قۇنىتتى دا ۇقىپتى تۇردە قىزمەت ىستەپ، تياناقتاندىرۋدى بىلەك سىبانا يگەرىپ، ۇستىرتتىك ىستەۋدەن، ناقتى جاعدايعا ۇڭىلمەۋدەن باتىل ساقتانىپ، فورماشىلدىقتى، تورەشىلدىكتى باتىل تيىپ، شىن مانىندە جاعدايدى ايقىنداپ، ماسەلەنى ءدال تاۋىپ، شارالاردى تياناقتاندىرىپ، اركىم ءوز جاۋاپكەرشىلىگىن بىلۋدەن بۇلجىماۋدى، اركىم ءوز جاۋاپكەرشىلىگىن ادا ەتۋدە نەمقۇرايدىلىق ەتپەۋدى، اركىم ءوز جاۋاپكەرشىلىگىن ارقالاۋدا بويكۇيەزدىككە سالىنباۋدى باتىل ورىنداۋ كەرەك. قاتاڭ شايقاستىڭ امالياتىندا كادرلاردى بايقاۋعا، پارىقتاۋعا تاباندى بولىپ، بەينەسى كورنەكتى بولعانداردى ماداقتاپ، ماراپاتتاپ، الدىڭعى شەپتە ءوسىرىپ، جۇرەكتىلىكپەن ىستەتۋ؛ جاۋاپكەرشىلىك ارقالاماعانداردى، ىسكەرلىك كورسەتپەگەندەردى، ستيلدە تۇرلاۋسىزدىق ىستەگەندەردى، قىزمەتتە تياناقتاندىرۋعا نەمقۇرايدى قاراعانداردى، جاۋاپكەرشىلىكتەن قاشقالاقتاعانداردى، ءبىر - بىرىنە يتەرمەلەگەندەردى ءتارتىپ، زاڭ بويىنشا قاتاڭ قۋزاستىرۋ، جاۋاپقا تارتۋ كەرەك.
