− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاستار قىزمەتىنە كوڭىل بولگەندىگى تۋرالى ەستەلىك
شينحۋا اگەنتتىگىنىڭ تىلشىلەرى ۋاڭ پىڭ، حۋاڭ يۋە
ۇلى جاڭا ءداۋىر تولقىن جارا العا ىلگەرىلەيتىن ەرجۇرەكتەرگە قول بۇلعاۋدا.
جاستىق كوكتەم ارمانى، جاستىقتىڭ جالىندى ومىرشەڭدىگى، جاستىق كوكتەمگە ءتان كۇرەس جۇڭگو كۇشىنىڭ، جۇڭگو رۋحىنىڭ ماڭىزدى بەينەسى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن حالىق ىستەرىن ۇرپاقتان - ۇرپاققا جالعاۋعا شىنايى كەپىلدىك ەتۋ ستراتەگيالىق دەڭگەيىندە تۇرىپ، جاستاردىڭ ءوسىپ جەتىلۋىنە، دارىندى بولۋىنا كوڭىل ءبولىپ، جاڭا داۋىردەگى جاستار قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
جاڭا داۋىردەگى جۇڭگو جاستارى اسقاق ارمان ارقالاپ، پارتيانىڭ تاپسىرماسىن ەستەرىنە بەرىك ساقتاپ، ءداۋىر بورىشىن ارقالاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ەرلىكپەن العا باسۋدا.
ىقىلاستى تاپسىرما، ەرەكشە قامقورلىق
− باس شۋجي شي جينپيڭ جاستار قىزمەتىنە ايرىقشا ءمان بەرىپ، جاستاردىڭ ءوسىپ - جەتىلۋىنە، العا باسۋىنا كوڭىل ءبولىپ، قالىڭ جاستارعا قامقورلىق جاساپ، ءۇمىت ارتتى
2020 - جىلى 2 - ايدىڭ 4 - كۇنى بەيجيڭ داشۋەسىنەن حۋبەيعا كومەككە بارعان ەمدەۋ اترەتىنىڭ مۇشەسى ليۋ جينپىڭ ۋحاندا ىندەتكە قارسى اتتانۋدىڭ العى شەبىندە 23 جاسقا تولعان تۋعان كۇنىن وتكىزدى.
”ۋحاندا باستان كەشكەندەرىم مەنىڭ جاستىق كوكتەمىمنىڭ ءمانىن اسىرا ءتۇستى“. ۋحاندا قىزمەت ىستەگەن كەزدە ليۋ جينپىڭ باستان - اياق حۋاجۇڭ عىلىم - تەحنيكا داشۋەسى تۇڭجي شيپاحاناسى جۇڭگو - فرانسيا جاڭا قالاشىعى شيپاحانا اۋماعىنداعى ICU ناۋقاستار بولمەسىندە قىزمەت ىستەدى. ءدارى ۇلەستىرىپ، ۋكول سالۋ قىزمەتىنەن تىس، سالماقتى ناۋقاستارعا تىنىس الۋ اپپاراتىن قولدانۋ جانە تىنىس جولىنا تۇتىك وتكىزۋ كەزىندەگى كۇتىمدەۋ، قان سۇزدىرەتىن ناۋقاستاردى كۇتىمدەۋ سياقتى جۇمىستارعا جاۋاپتى بولدى.
3 - ايدىڭ 15 - كۇنى باس شۋجي شي جينپيڭ بەيجيڭ داشۋەسىنەن حۋبەيعا كومەككە بارعان ەمدەۋ اترەتىندەگى بارلىق ”90 - جىلداردىڭ تۇلەكتەرى“ پارتيا مۇشەلەرىنە جازعان جاۋاپ حاتىندا: ”جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىندە ءسىز جاستار ءبىرىنشى شەپتە ەرلىكپەن شايقاس جاساپ جاتقان قالىڭ ىندەتتەن ساقتانۋ - تىزگىندەۋ قىزمەتكەرلەرىمەن بىرگە قيىندىق پەن قاتەردەن تايسالماي، اتويلاپ الدا ءجۇرىپ، ءولىمدى ەلەڭ قۇرلى كورمەي، جاستىق كوكتەمنىڭ قاۋلاعان كۇشىن ايگىلەپ، تولىمدى جاۋاپ بەردىڭىزدەر“، - دەدى.
جاستار − جالپى قوعامدىق كۇشتەر ىشىندەگى ەڭ بەلسەندى، ەڭ جالىندى كۇش بولىپ تابىلادى، مەملەكەتتىڭ ءۇمىتى جاستاردا، ۇلتتىڭ بولاشاعى جاستاردا.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اسا زور كۇشپەن جاستار قىزمەتىن ويداعىداي ىستەدى.
ءار جولعى 4 - مامىر جاستار مەرەكەسىندە باس شۋجي شي جينپيڭ قاشاندا قاربالاستىقتان ۋاقىت شىعارىپ، جاستارمەن كەڭەس وتكىزدى. باس شۋجي شي جينپيڭنىڭ شىن ىقىلاستى ءتالىمى زامانىمىز جاستارىن تولقىن جارا العا ىلگەرىلەۋگە جەتەكتەپ، زامانىمىز جاستارىن ۇزدىكسىز العا باسۋعا جەبەۋدە.
مۇرات تۋرالى ءسوز قوزعاعاندا −
”جۇڭگو ارمانى − بۇكىل ەلدەگى ءار ۇلت حالقىنىڭ ورتاق ارمانى، سونداي - اق جاس بۋىن مىقتاپ ورناتۋعا ءتيىستى اسقاق مۇرات. جۇڭگوشا سوتسياليزم − پارتيامىزدىڭ حالىقتى باستاپ قات - قابات ماشاقاتتى باستان كەشىرىپ تاپقان جۇڭگو ارمانىن جۇزەگە اسىرۋدىڭ دۇرىس جولى، سونداي - اق قالىڭ جاستار مىقتاپ ورناتۋعا ءتيىستى ءومىر سەنىمى“.
كۇرەس تۋرالى ءسوز قوزعاعاندا −
”قالىڭ جاستار وزدەرىنىڭ مۇراتتارى مەن جالىندى ىنتالارىن تولىق ايگىلەپ، مۇرات ارقالاپ، مىنەز - قۇلىق شىڭداپ، تاباندى دا تياناقتى قادام باسىپ، قاجىرلىلىقپەن كۇرەس جۇرگىزىپ، جاستىق كوكتەمدى ارناۋدىڭ ءداۋىر داستانىن ۇزدىكسىز جازۋ كەرەك“.
جاسامپازدىق تۋرالى ءسوز قوزعاعاندا −
”جاستاردىڭ جاسامپازدىق رۋحىن تولىق ساۋلەلەندىرىپ، جۇرەكتىلىكپەن امالياتقا ءورىس اشىپ، باتىلدىقپەن اقيقات ىزدەۋ كەرەك. تاريح تۇرعىسىنان ويلايتىن، ديالەكتيكالى ويلايتىن، جۇيەلى ويلايتىن، جاڭالىق اشا ويلايتىن ادەت قالىپتاستىرسا، ءومىر بويى پايداسىن كورەدى“.
جاستاردىڭ جانىنا بارىپ، جاستارعا قۇلاق تۇرگەن باس شۋجي شي جينپيڭ جاس دوستاردىڭ سىرلاسى بولىپ، قاراپايىم، ىقىلاستى سوزدەرمەن قالىڭ جاستاردىڭ اقاۋسىز ءوسىپ - جەتىلۋىنە جان - جاقتى جەتەكشىلىك ەتتى.
باس شۋجي شي جينپيڭ ”ءومىردىڭ تۇيمەسىن ءاۋ باستان دۇرىس تۇيمەلەۋ كەرەك“ دەگەن جاندى تەڭەۋمەن جاستاردى دۇرىس قۇن بەتالىسىن قالىپتاستىرۋعا جەتەكتەدى؛ ”ۇيرەنۋدە، ءسوز جوق، ناعىز بىلىمگە تالپىنۋ، اقيقاتقا تالپىنۋ، قيسىنىن ءتۇسىنۋ، ءىستىڭ ءجونىن ءبىلۋ كەرەك“ دەگەن تەرەڭ تولعاممەن جاستاردى ءبىلىمىن بايىتۋعا، بىلىكتىگىن وسىرۋگە تاربيەلەدى؛ ”جاستار ۇنەمى تۇندەلەتىپ ىستەمەگەن ءجون“ دەگەن شىنايى قامقورلىقپەن جاستارعا دەنساۋلىققا ءمان بەرۋدى تاپسىردى...
تۇرلىشە كاسىپتەگى، تۇرلىشە سالاۋاتتاعى جاستار جونىندە، باس شۋجي شي جينپيڭ ولاردىڭ ءوسىپ - جەتىلۋ، دارىندى بولۋ ەرەكشەلىگى مەن زاڭدىلىعىن ىشكەرىلەي زەرتتەپ، جان - جاقتى قالتقىسىز قامقورلىقپەن ولاردى دۇنيەگە، ومىرگە، قۇنعا دۇرىس كوزقاراس ورناتۋعا جەتەكتەدى.
”ەرىكتىلەردىڭ وليمپيادا رۋحىن جانە ەرىكتىلەر قىزمەت وتەۋ رۋحىن اسقاقتاتىپ، ىستىق ىنتامەن ات سالىسىپ، شىنايى سۇيىسپەنشىلىكپەن ۇلەس قوسىپ، جان - جاقتى، ەگجەي - تەگجەيلى قىزمەت وتەپ، جۇڭحۋا مادەنيەتىن بەلسەنە تاراتىپ، جۇڭگو حيكايالارىن ويداعىداي بايانداپ، جاستىق كوكتەمنىڭ جالىندى ىنتاسىمەن ەڭ كورىكتى ’جۇڭگو تانىسقىسىن‘ قالىپتاستىرۋىن ءۇمىت ەتەمىن“. بۇل − باس شۋجي شي جينپيڭنىڭ ”نانجيڭ جاستار وليمپياداسىنىڭ ەرىكتىلەرىنە“ بەرگەن تاپسىرماسى؛
”شەتەلدە وقىپ جاتقان قالىڭ جۇڭگولىق وقۋشىلاردىڭ اسقاق مۇرات ۇستانىپ، جۇڭگو حالقىنىڭ جۇڭگو ارمانىن جۇزەگە اسىرۋى سىندى ۇلى كۇرەستە ءوز قۇندارىن جۇزەگە اسىرىپ، داۋىرگە لايىق كوركەم تاراۋ جازۋعا قۇلشىنۋىن ءۇمىت ەتەمىن“. بۇل − باس شۋجي شي جينپيڭنىڭ گەرمانيادا وقىپ جاتقان بارشا جۇڭگولىق وقۋشىلارعا دەگەن ءۇمىت - تىلەگى؛
”اسكەري كيىم كيگەن ورايدى قاستەرلەپ، جالىندى جىگەرلەرىڭىزدى ارميانى قۇدىرەتتەندىرۋ ارمانىن جۇزەگە اسىرۋدىڭ ۇلى امالياتىنا ارناپ، اسكەري قوسىن سىندى ۇلكەن ساحنادا تالانت - دارىندارىڭىزدى كورسەتىپ، اسكەري كازارما سىندى ۇلكەن دومنا پەشتە قۇرىش بولىپ شىڭدالىپ شىعىپ، جاستىق كوكتەمنىڭ شۇلەن شۇعىلالى، قاپىسىز تاراۋىن جازۋلارىڭىزدى ءۇمىت ەتەمىن“. بۇل − باس شۋجي شي جينپيڭنىڭ نانكاي داشۋەسىنەن قوسىنعا جاڭادان كىرگەن وقۋشىلاردى ىنتالاندىرۋى؛
......
شىنايى ءۇمىت - تىلەك، تەرەڭ سۇيىسپەنشىلىككە تولى تاپسىرما، تەرەڭ تولعامدى ءتالىم جاستاردىڭ كوڭىل اتىزىنا ءمولدىر بۇلاقتاي ءنار بەرىپ، جاستاردىڭ العا باسۋ جولىن شام - شىراقتاي نۇرلاندىردى.
2019 - جىلى 4 - ايدىڭ 30 - كۇنى 4 - مامىر قوزعالىسىنىڭ 100 جىلدىعىن ەسكە الۋ جينالىسىندا باس شۋجي شي جينپيڭ ەرشىمدى سوزدەرمەن بىلاي دەدى:
”ءبىز جاستاردىڭ جاڭالىق اشۋىنا، جاسامپازدىق جاراتۋىنا سۇيىنىشپەن قاراپ، القاۋ ايتىپ، ولاردىڭ ومىردە تارتىمدى تابىسقا جەتۋىنە بەلسەنە قولداۋ كورسەتىپ، جاستار قول جەتكىزگەن تابىس پەن ناتيجەگە القاۋ، بارەكەلدى ايتىپ، جاستىق كوكتەمدى جۇڭحۋا ۇلتىنىڭ ارىندى قارىشتاۋىنىڭ، ۇدەرە العا ىلگەرىلەۋىنىڭ باياندى كورىنىسىنە اينالدىرايىق، جاس قاھارمانداردى جۇڭحۋا ۇلتىنىڭ ۇلى گۇلدەنۋگە قارقىندى قادام تاستاۋىن جەبەيتىن جالىندى كۇشكە اينالدىرايىق!“.
قالىڭ جاستار باس شۋجي شي جينپيڭنىڭ جەتەكشىلىگىندە اقاۋسىز، ورگە ۇمتىلاتىن، جاۋاپكەرشىلىك ارقالاپ، ىسكەرلىك كورسەتەتىن رۋحاني بەينەمەن تولقىننىڭ الدىڭعى لەگىندە ەرلىكپەن ءجۇرىپ، اۆانگارد بولۋعا ۇمتىلدى.
كوپ شارانى قاتار قولدانىپ، ءوسىپ - جەتىلۋىنە قامقورشى بولدى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىرسىپىرا تىڭعىلىقتى شارالار ۇزدىكسىز العا قويىلىپ، جاستار قىزمەتىنىڭ ۇزدىكسىز دامۋىن ىلگەرىلەتتى
”ءبىراز ۋاقىتتان بەرى، ساباقتاستاردىڭ كەيبىرى ۇيدە بولىپ، ينتەرنەتتە قىسقاشا ءومىرباياندارىن جىبەرىپ، جازباشا، بەتپە - بەت ەمتيحان تاپسىرىپ جاتىر، كەيبىرى ءىسورىندارى ەمتيحانىنا دايىندالۋدا، كوپشىلىك شىنىمەن دە ءبىرتالاي قىسىم تۇسكەنىن سەزىنىپ وتىر“، - دەيدى حۋبەي 2 - شىفان شۋەيۋانىنىڭ تولىق كۋرستان بيىل وقۋ تاۋىساتىن وقۋشىسى گو چيان.
ەكونوميكانىڭ باسەڭدەۋ قىسىمى، جاڭا تيپتى ايدارشا ۆيرۋس وكپە قابىنۋىنىڭ ىقپالى... قىزمەت ىزدەگەن كوپتەگەن جاستار بيىلعى ”جۇمىستانۋداعى ەڭ قيىن ماۋسىمدى“ تەرەڭ سەزىنۋدە.
”ءار دارەجەلى پارتكومدار، ۇكىمەتتەر جانە قوعامنىڭ ءار سالاسى جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىن شىنايى، ويداعىداي ىستەپ، ءونىمدى شارالار قولدانىپ، جاڭا تيپتى ايدارشا ۆيرۋس وكپە قابىنۋ ىندەتى اكەلگەن ءتيىمسىز ىقپالدى جەڭىپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا الۋان ءتۇرلى امالدارمەن كومەك كورسەتىپ، جوعارى مەكتەپتەن وقۋ تاۋىسقان وقۋشىلاردىڭ ءوز قىزمەت ورىندارىندا پارتيا مەن حالىق ءۇشىن ەڭبەك كورسەتىپ، ەسە قوسۋىنا ىستىق ىقىلاسپەن قولداۋ كورسەتۋ كەرەك“.
جۋىقتا باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا قايتارعان جاۋاپ حاتىندا ايقىن تالاپ قويدى.
قاتاڭ دا كۇردەلى جۇمىستانۋ جاعدايى الدىندا، مەملەكەت جوعارى مەكتەپتەن وقۋ تاۋىسقان وقۋشىلار سىندى ءتۇيىندى جۇمىستانۋ شوعىرىنا نازار اۋدارىپ، كوپتەگەن ەرەكشە شارا ورتاعا قويىپ، جوعارى مەكتەپتەردىڭ جۇمىستاندىرۋ قىسىمىن بەلسەنە جەڭىلدەتتى. كاسىپورىنداردىڭ قىزمەتكەرلەردى كوبەيتىپ قابىلداۋىنا، اسپيرانتتاردى كوبەيتىپ قابىلداۋعا، نەگىزگى ساتىنىڭ جۇمىستانۋ ورىندارىن كەڭەيتۋگە، شارۋاشىلىق قۇرۋعا ىنتالاندىرۋ ارقىلى جۇمىستانۋعا جەتەكتەۋگە، ينتەرنەت جەلىسىندە ۇگىت - لەكسيا سويلەپ، ينتەرنەت جەلىسىندە جانە جەلىدەن تىسقارى قىزمەتكەر قابىلداۋعا بىردەي كۇش جۇمسالدى، كوپ ءتۇرلى ساياسات وقۋ تاۋىسقان وقۋشىلاردىڭ جۇمىستانۋىنا ءۇزىلىسسىز قىزمەت وتەدى.
مەملەكەت پەن ۇلتتىڭ ارمانى جاس بۋىنعا سۇيەنىپ جۇزەگە اسادى، جاستىق كوكتەمنىڭ بايشەشەگىن قۇلپىرتۋ پارتيا مەن ۇكىمەتتىڭ دەمەۋىنە مۇقتاج. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىن ىقىلاستى قامقورلىعىندا ءبىرسىپىرا تىڭعىلىقتى شارالار ىركەس - تىركەس جاريالانىپ، جاڭا ءداۋىر جاستارىنىڭ ارمانىن جۇزەگە اسىرۋىنا قۇنارلى توپىراق ازىرلەندى:
«جاڭا جاعدايداعى جۇمىستاندىرۋ، شارۋاشىلىق قۇرۋ قىزمەتىن ونان ارى ويداعىداي ىستەۋ جونىندەگى پىكىر»، «كوپ بولىپ شارۋاشىلىق قۇرىپ، جالپى قاۋىم جاڭالىق اشۋعا قاتىستى شارالاردى زور كۇشپەن ىلگەرىلەتۋ جونىندەگى پىكىر»، «دارىندىلاردى دامىتۋ ءتۇزىلىس - مەحانيزم رەفورماسىن تەرەڭدەتۋ جونىندەگى پىكىر» سياقتىلاردى جاريالاپ، جاس دارىندىلاردىڭ جۇمىستانۋىنا، شارۋاشىلىق قۇرۋىنا جەتەكشىلىك ەتتى؛
«جاستاردى جۇمىستانۋعا باستاۋ جوسپارىن اتقارۋ جونىندەگى حابارلاندىرۋدى» باسىپ تاراتىپ، جۇمىسسىز جاستاردى باعىتتامالى تۇردە ءبىر - بىرلەي تەكسەرىپ، تىزىمدەپ، جۇمىستانۋدى قاجەت ەتەتىن جاستاردىڭ بارلىعىنىڭ قاتىستى جۇمىستاندىرۋ ساياساتىنا جانە قىزمەت وتەۋگە، كومەكتەسۋ - سۇيەمەلدەۋگە قول جەتكىزە الۋىنا مۇمكىندىك جاسادى؛
”شۇعىلالى ساۋلە ءوزىن الۋەتتەندىرۋگە قولداۋ كورسەتۋ ارەكەتىمەن جۇمىستانۋعا كومەكتەسۋدى“ اتقارىپ، حۋبەيدەگى جاڭا تيپتى ايدارشا ۆيرۋس وكپە قابىنۋ ىندەتىنە شالدىعىپ ساۋىققان جاستاردىڭ جۇمىستانۋىنا كومەكتەستى...
ءار ءتۇرلى ساياساتتار ىركەس - تىركەس ورتاعا قويىلىپ، جوعارى مەكتەپتەن وقۋ تاۋىسقان وقۋشىلاردىڭ دۇرىس جۇمىستانۋ كوزقاراسىن ورناتۋىنا كومەكتەسىپ، قالىڭ جاستاردىڭ جۇمىستانۋ، شارۋاشىلىق قۇرۋ ارنالارىن كەڭەيتتى. زامانىمىز جاستارىنان ءوز قىزمەت ورىندارىندا بىرەگەي ناتيجەگە قول جەتكىزۋگە تالپىنىپ، ءار سالا، ءار كاسىپتىڭ مايتالمان شەبەرىنە اينالعاندار بارعان سايىن كوبەيۋدە.
باس شۋجي شي جينپيڭ جاس دارىندىلاردى تاربيەلەۋگە توتەنشە كوڭىل ءبولدى −
”جاس ۇرپاقتى احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى جانە ءىزباسارلارى ەتىپ باۋلىپ جەتىلدىرۋ − بۇكىل پارتيانىڭ ورتاق ساياسي جاۋاپكەرشىلىگى“.
«جاڭا داۋىردەگى وتانشىلدىق تاربيەنى اتقارۋ باعدارلاماسىندا» جاستار مەن ورەندەردى وتانشىلدىق تاربيەدەگى ەڭ ماڭىزدى ورىنعا قويۋ كەرەكتىگى العا قويىلدى؛ «جاڭا داۋىردەگى ازاماتتىق ءمورال قۇرىلىسىن اتقارۋ باعدارلاماسىندا» احىلاق، اقىل - وي، دەنە، ەستەتيكا، ەڭبەك جاعىنان جان - جاقتى باۋلىپ - جەتىلدىرەتىن وقۋ - اعارتۋ جۇيەسىن قۇرۋ العا قويىلدى؛ «جاستاردى دامىتۋدىڭ ورتا، ۇزاق مەزگىلدىك جوباسىندا (2016 − 2025 - جىل)» يدەيا - ءمورال، وقۋ - اعارتۋ، دەنساۋلىق، ۇيلەنۋ جانە ماحاببات، جۇمىستانۋ، شارۋاشىلىق قۇرۋ، مادەنيەت، قوعاممەن توعىسۋ جانە قوعامعا ات سالىسۋ، زاڭدى ۇقىق - مۇددەنى قورعاۋ، زاڭعا قايشى قىلمىستاردان ساقتانۋ، قوعامدىق قامتاماسىزداندىرۋ سياقتى 10 سالادا جاستاردى ناقتى دامىتۋ نىساناسى العا قويىلدى.
باس شۋجي شي جينپيڭ جاس كادرلاردى باۋلۋعا ايرىقشا ءمان بەردى −
”ۇزدىك جاس كادرلاردى باۋلۋ، تاڭداپ ءوسىرۋ كەلەلى ءىس، پارتيانىڭ تاعدىرىنا، مەملەكەتتىڭ تاعدىرىنا، ۇلتتىڭ تاعدىرىنا، حالىقتىڭ باقىتىنا ساياتىن عاسىرلىق ۇلى جوسپار“.
باس شۋجي شي جينپيڭنىڭ قامقورلىعىندا، جۇڭگو كوممۋنيستىك پارتياسى ورتالىق كوميتەتى كەڭسەسى «2019 − 2023 - جىلعا دەيىنگى بۇكىل ەلدىڭ پارتيا، ۇكىمەت باسشىلىق القالارى قۇرىلىسى جوباسى باعدارلاماسىن» باسىپ تاراتتى، جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ اۋىل - قىستاق نەگىزگى ساتى ۇيىمدىق قىزمەت ەرەجەسىن» باسىپ تاراتتى، جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ «جاڭا ءداۋىر تالابىنا ۇيلەسىپ، تاڭداۋلى جاس كادرلاردى زور كۇشپەن بايقاۋ، باۋلۋ، تاڭداپ ءوسىرۋ پىكىرىن» قارادى... وسىلاردىڭ بارلىعى جاس كادرلاردىڭ ءوسىپ - جەتىلۋىنە اناعۇرلىم بەرىك جول سالدى.
پارتيا ۇندەۋ شىعارسا، كوممۋنيستىك جاستار وداعى اتتانىسقا كەلدى. پارتيانىڭ قولعاناتى جانە زاپاس قوسىنى، پارتيانىڭ جاستار قىزمەتىنىڭ ماڭىزدى كۇشى رەتىندە، جاڭا داۋىردە كوممۋنيستىك جاستار وداعى جاستارمەن بايلانىس ورناتۋداعى كوپىرلىك جانە دانەكەرلىك رولىن قايتكەندە اناعۇرلىم ويداعىداي ساۋلەلەندىرۋى كەرەك؟
2015 - جىلى 7 - ايدا ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسى اشىلدى.
”ءبىز، ءسوز جوق، جاعداي مەن مىندەتتەردىڭ دامۋىنا، وزگەرىسىنە نەگىزدەلىپ، پارتيانىڭ بۇقارالىق ۇيىمدار قىزمەتىن كۇشەيتىپ جانە جاقسارتىپ، جۇمىسشى تابىنىڭ نەگىزگى قوسىندىق، جاستاردىڭ جالىندى كۇشتىك، ايەلدەردىڭ جارتى الەمدىك رولىن جانە دارىندىلاردىڭ ءبىرىنشى بايلىقتىق رولىن تولىق ساۋلەلەندىرىپ، ءبىر ميلليارد 300 ميلليوننان استام حالىقتىڭ بەلسەندىلىگىن تولىق جۇمىلدىرۋىمىز كەرەك“. باس شۋجي شي جينپيڭنىڭ ءسوزى جاڭا داۋىردەگى جاستار قىزمەتىنە رەفورما بەتالىسىن ازىرلەپ، جاڭا تالاپتار قويدى.
وسىدان كەيىنگى بىرنەشە جىلدا «كوممۋنيستىك جاستار وداعى ورتالىق كوميتەتىنىڭ رەفورما جوباسى»، «مەملەكەتتىك جاستار بىرلەستىگىنىڭ رەفورما جوباسى»، «وقۋشىلار بىرلەستىگى، وقۋشىلار ۇيىمىنىڭ رەفورما جوباسى»، «ورتالىق كوممۋنيستىك جاستار وداعى مەكتەبىنىڭ رەفورما جوباسى» سياقتىلار ىركەس - تىركەس باسىپ تاراتىلىپ، كوممۋنيستىك جاستار وداعىنىڭ ساياسي سيپاتىن، العاباسار سيپاتىن، بۇقارالىق سيپاتىن ۇزدىكسىز كۇشەيتتى ءارى كوممۋنيستىك جاستار وداعىنىڭ جاستارعا جەتەكشىلىك ەتۋ، جاستاردى ۇيىستىرۋ، جاستاردى ۇيىمداستىرىپ اتتانىسقا كەلتىرۋ، جاستارمەن بايلانىس ورناتۋ، ولارعا قىزمەت وتەۋ سىندى داڭقتى قىزمەت جاۋاپكەرلىگىن اناعۇرلىم جاقسى ارقالاۋىنا مۇمكىندىك جاسادى.
كوممۋنيستىك جاستار وداعىنىڭ باستاماشىلدىعىندا قالىڭ جاستار ”گۇلدەنۋ جۇلدەسى“، ”سايىس جۇلدەسى“، ”كوركەم جۇڭگو . جاستىق كوكتەم ارەكەتى“ سياقتى قيمىلدارعا بەلسەنە ات سالىسىپ، تۇرلىشە ساحنالاردا جاستىق كوكتەم كەلبەتىن ايگىلەۋمەن قاتار، جۇڭگو ارمانىنىڭ جۇزەگە اسۋىنا جاستىق كوكتەمنىڭ اقىل - پاراساتىن ارناپ، جاستىق كوكتەمنىڭ كۇشىن ۇيىستىردى.
اۋىر مىندەتتى ەرلىكپەن ارقالاپ، ۇزدىكسىز كۇرەس جۇرگىزدى
− جاڭا داۋىردەگى جۇڭگو جاستارى جالىندى جىگەرىن قاۋلاتىپ، جاۋاپكەرشىلىك ارقالاۋ بارىسىندا شىڭدالىپ، جاۋاپكەرشىلىك وتەۋ بارىسىندا ەسەيىپ - ەرجەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا ەرلىكپەن العا باستى
7 - ايدا وڭتۇستىكتە قالىڭ نوسەر جاۋىپ، بار الاپتى تاسقىن سۋ باستى.
حۋبەيدىڭ ۋحانىندا حالىق جاساقتارى ەكپىندىلەر اترەتىنە كىرىپ، تاسقىننان ساقتانۋعا قاتىناسقان لي جيانشيۇڭ كاسىپتەستەرىمەن بىرگە تاڭ بوزىنان تۇرىپ 10 نەشە ساعات ۇزدىكسىز شايقاس جاساپ، قالىڭ نوسەردەن بۇرىن 200 مەترگە تاياۋ قوسالقى بوگەن جاسادى، ونىڭ الاقانى ويىلىپ قولدىراپ كەتتى.
1998 - جىلى دۇنيەگە كەلگەن لي جيانشيۇڭ ۇلكەندەردەن ازاتتىق ارميانىڭ تاسقىنعا ەرلىكپەن قارسى اتتانعانى تۋرالى اڭگىمەنى كىشكەنتايىنان ەستىپ وسكەن. ”بوگەن جۇمىسىنا ات سالىسۋىم ۇلكەندەردىڭ اڭگىمەسىنەن باستاۋ الادى. كىشكەنە كەزىمنەن قاھارمانداردى ەرەكشە كەرەمەت دەپ سەزىنىپ كەلەمىن، ەندى ءبىزدىڭ اتويلاپ العا شىعاتىن كەزىمىز كەلدى“، - دەدى ول.
ءوزىن باسقالار قورعاۋدان ءوزى باسقالاردى قورعاۋعا دەيىن، قالىڭ نوسەردە تاسقىنمەن ايقاسا ءجۇرىپ، لي جيانشيۇڭ ەرەسەكتەر قاتارىنا ءوتىپ ۇلگىردى.
”جاڭا داۋىردەگى جۇڭگو جاستارى باتىلدىقپەن ءداۋىردىڭ الدىڭعى لەگىندە جۇرەتىن ەكپىندىلەر، ءورىس اشۋشىلار، ۇلەس قوسۋشىلار بولىپ، جاپا - ماشاقات پەن كەدەرگىلەرگە ەش تايسالماستان قارسى ءجۇرىپ، تولقىن جارۋ بارىسىندا ءورىس اشا العا ىلگەرىلەپ، توسقاۋىل - بوگەتتەردى جارىپ ءوتۋ بارىسىندا كەڭ ءورىس اشىپ، قامال الىپ، قيىنشىلىقتى جەڭۋ بارىسىندا ناتيجە جاراتىپ، جاستىق كوكتەمدەرىمەن جانە ماڭداي تەرلەرىمەن دۇنيە ءجۇزىن جالت قاراتاتىن جاڭا كەرەمەتتەر جاساۋ كەرەك!“.
جاستىق كوكتەم شىڭدالۋمەن اجارلانا تۇسەدى، ءومىر كۇرەسپەن ارلەنەدى. جاڭا داۋىردەگى جۇڭگو جاستارى ءار شەپتە قانشا جاپالى، قاتەرلى بولعان سايىن سونشا العا ىلگەرىلەۋ سەنىمى مەن جىگەرىن ايگىلەپ، اۋەلگى ماقسات پەن بورىشتى ارەكەتتەرىمەن امالياتتا كورسەتىپ، جاستىق كوكتەمدەرىن جايناتا ءتۇستى.
بۇل ىندەتتەن ساقتانۋ - تىزگىندەۋدىڭ ءبىرىنشى شەبىندەگى جاستىق كوكتەمنىڭ باتىل جاۋاپكەرشىلىگى −
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ”90 - جىلداردىڭ تۇلەكتەرى“ باستاعان جاس بۋىن اتويلاپ العا شىعىپ، باتىل جاۋاپكەرشىلىك ارقالاپ ۇلەس قوستى، حۋبەيعا كومەككە بارعان 42 مىڭ ەمدەۋ - كۇتىمدەۋ قىزمەتكەرلەرىنىڭ اراسىندا 12 مىڭنان استامى ”90 - جىلداردىڭ تۇلەكتەرى“، مۇنىڭ ەداۋىر بولىگىن ”95 - جىلدان كەيىن تۋعاندار“، ءتىپتى، ”2000 - جىلدان كەيىن تۋعاندار“ قۇرايدى.
بۇل − كەدەيلىكتەن ارىلتۋدان قامال الۋ شايقاس مايدانىنداعى جاستىق كوكتەمنىڭ ۇلەسى −
توسەك تارتىپ جاتقان اكەسىمەن قيماستىقپەن قوشتاسىپ، اپاتقا ۇشىراعان بۇقاراعا ءتۇن ىشىندە جاڭبىرلاتا اتتاندى، باقىتقا قارسى توسىننان كەلگەن تاسقىن ونىڭ قىمباتتى ءومىرىن جالمادى... حۋاڭ ۋىنشيۋدىڭ عۇمىرى كەدەيلەردى سۇيەمەلدەۋ جولىندا 30 جاسىندا اياقتادى.
كوزى تىرىسىندە ۇلكەن قالادا قالۋ ورايىنان باز كەشىپ، توڭكەرىستىك بايىرعى رايون بايسىعا بارىپ قىزمەت ىستەۋدى تاڭدادى؛ ۇيىم ورنالاستىرعان مىندەتتى ۇستىنە الىپ، شەت، شالعاي كەدەي قىستاققا بارىپ ءبىرىنشى شۋجي بولىپ، 88 وتباسىنداعى 418 كەدەي بۇقارانىڭ كەدەيلىكتەن ارىلۋىنا باستاماشىلدىق ەتتى، بۇكىل قىستاقتا كەدەيلىكتىڭ تۋىلۋ مولشەرى ％20تەن استام تومەندەدى.
بۇل ەرلىكپەن ءورىس اشا جاڭالىق اشقان جاستىق كوكتەمنىڭ پاراساتى −
4 ءتۇرلى وزەكتى كورسەتكىش حالىقارادا الدىڭعى قاتاردان بوي كورسەتتى، 5 سالادا ەل ىشىندەگى اقتاڭداقتى تولتىردى، 9 ءتۇرلى شەشۋشى تەحنيكا ەل ىشىندە ەڭ وزىق دەڭگەيدى يەلەدى − 2005 - جىلى قۇرىلعان جۇڭگو عارىش عىلىم - ونەركاسىپ توبىنىڭ جاڭا بۋىن ءدال سوققى بەرۋ جەلىسى قارۋ - جاراق جۇيەسىنىڭ جاستار جاڭالىق اشۋ ۇجىمى كورنەكتى ناتيجەسىن تاپسىردى.
سانسىزداعان ساتسىزدىكتەردە شىڭدالۋ، سانسىزداعان ۇيقىسىز تۇندەر، شەشۋشى ساتتەگى جۇرەكتىلىكپەن شەشىم قابىلداۋ، ەرەكشە دالدىكتەگى ىجداعاتتىلىق − ناتيجەنىڭ استارىندا ۇجىمنىڭ جاپالى قۇلشىنىستارى جاتىر.
”جاستىق كوكتەم كۇرەس دەگەن ءسوز، سانسىزداعان شىنىعۋلاردان وتكەندە عانا ابدەن ىسىلۋعا بولادى“، - دەيدى ۇجىم مۇشەلەرى.
باس شۋجي شي جينپيڭ: ” جۇڭگو ارمانى تاريحتىڭ ارمانى، قازىرگىنىڭ ارمانى ءارى كەلەشەكتىڭ ارمانى؛ ول ءبىزدىڭ بۋىننىڭ ارمانى، ونان دا ماڭىزدىسى، جاس بۋىننىڭ ارمانى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى نەشە بۋىن جاستاردىڭ كۇش جالعاپ كۇرەس جۇرگىزۋىمەن تۇبىندە رەالدىققا اينالادى“، - دەپ تەرەڭ اتاپ كورسەتكەن ەدى.
جاڭا داۋىردەگى جۇڭگو جاستارى ۇزدىكسىز تۇردە وزدەرىن ۇلكەن وتانمەن، ۇلكەن حالىقپەن توعىستىرىپ، داۋىرمەن قادامداس بولدى، قوعاممەن بىرگە العا باستى.
بيىل 4 - ايدا شانشيدە قىزمەت تەكسەرگەن باس شۋجي شي جينپيڭ شي - ان جياۋتۇڭ داشۋەسىنىڭ شيڭچيڭ مەكتەپ اۋماعىنداعى جياۋتۇڭ داشۋەسىنىڭ شي - انعا قونىس اۋدارۋ مۇراجايىنا كەلىپ، قالىڭ وقىتۋشى - وقۋشىلاردى ”شي - انعا قونىس اۋدارۋ رۋحىن“ بارىنشا اسقاقتاتىپ، جاڭا داۋىردەگى جاڭا ورايدى مىقتى يگەرىپ، وتان ەڭ قاجەت ەتكەن جەرلەرگە بارىپ ۇلەس قوسىپ، ەڭبەك سىڭىرۋگە، جاڭا ساپاردا ءبىزدىڭ وسى ۇرپاق ادامدارىمىزعا ءتان تاريحي ناتيجە جاراتۋعا شابىتتاندىردى.
باس شۋجي شي جينپيڭ مەكتەپكە كەلىپ تەكسەرۋ - زەرتتەۋ جۇرگىزگەندەگى كورىنىستى ەسكە العاندا، ەلەكترون جانە ينفورماتسيا عىلىمى ءبولىمىنىڭ جاس وقىتۋشىسى شىن چاۋ ەرەكشە تەبىرەندى. ول بىلاي دەدى: ”مەن جۇمىس ىستەيتىن جۇيە ينجەنەرياسىن زەرتتەۋ ورنىنا شي - انعا قونىس اۋدارىپ كەلگەن اتاعى بار كوپتەگەن پروفەسسورلار توپتالعان، ولاردىڭ ءومىر ءورىسى مەن اسقاق تالپىنىسى ءبىزدى اۋەلگى ماقساتتى ۇمىتپاي، الىستارعا قۇلشىنا قانات قاعۋعا شابىتتاندىردى“.
سوڭعى جىلدارى شىن چاۋ تۇرعان ۇجىم اعا بۋىنداردىڭ ”شىنداپ كىرىسۋ“ ستيلىن جالعاستىرىپ، مەملەكەتتىڭ ينتەرنەت كەڭىستىگىنىڭ حاۋىپسىزدىگى جونىندەگى كوكەي تەستى قاجەتىن ارقاۋ ەتە وتىرىپ زەرتتەۋ قىزمەتىن ىشكەرىلەي ورىستەتىپ، حالىقارالىق ىقپالعا يە زەرتتەۋ جانە پايدالانۋ جەتىستىكتەرىنە قول جەتكىزدى.
ۇلى رۋح ۇلى امالياتتى ىلگەرىلەتەدى، ۇلى مۇرات ۇزدىكسىز قۇلشىنا ىلگەرىلەۋگە شاقىرادى.
ساۋلەتتى دە ءساليقالى جۇڭگو جاستارى ايبىندى دا اسقاق بەينەمەن داۋىرگە سايما - ساي كەلەتىن ايبىندى داستان جازۋدا.
(شينحۋا اگەنتتىگىنىڭ 8 - ايدىڭ 16 - كۇنى بەيجيڭنەن بەرگەن حابارى)
