تيانشان تورىنىڭ حابارى (ءتىلشى ۋاڭ جيڭجيڭ حابارلايدى). 8 - ايدىڭ 15 - كۇنى، 3 مينۋتقا تاياۋ قىسقا كەسكىن اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناسى سەسترالارىنىڭ تەلەفونىندا تارالدى. كەسكىندى ءبىر ناۋقاس تۇسىرگەن، ول اپپارات كوزى ارقىلى اۋاشالاۋ رايونىنداعى سەسترالاردىڭ قاربالاس بەينەسىن ەستەلىككە الدى، ال ناۋقاس وسى كەسكىندى ءتۇسىرۋ ارقىلى ەمدەۋ قىزمەتكەرلەرىنە العىسىن ءبىلدىرىپ، وزىنە كومەكتەسكەن وسى ادامداردى ماڭگى جادىندا ساقتاۋدى ويلادى.
بەلگىلەگەن شيپاحانانىڭ 5-عيمارات 4-ناۋقاستار رايونىنداعى سەسترا جاڭ ۋىنيان كەسكىندەگى كەيىپكەرلەردىڭ ءبىرى، ول تىلشىگە وسى كەسكىندى ءتۇسىرۋشى ناۋقاستار رايونىنداعى ەڭ ۇمىتكەر، ەڭ قىزعىندى ءاي مىرزا ەكەندىگىن ايتتى.
اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ سەسترالارى.
جاڭ ۋىنيان شينجياڭ مەديتسينا داشۋەسىنە قاراستى 5 - شيپاحاناسى بالالار ءبولىمىنىڭ سەستراسى، ول قىزمەتتەستەرىمەن بەلگىلەگەن شيپاحاناعا كەلگەننەن كەيىن قابىلداپ ەمدەگەن ءبىرىنشى توپتاعى ناۋقاستاردىڭ ىشىندە ءاي مىرزا بار. ”ول تىم وزگەشە، قاشان كورسەڭىز كۇلىپ جۇرەدى، بارلىعىمىز ونى جاقسى كورەمىز“،-دەدى جاڭ ۋىنيان.
ءاي مىرزامەن ءبىر ناۋقاس بولمەسىندە جاتاتىن 92 جاستاعى ءبىر قاريا بار، ول ىرىقتىلىقپەن قارياعا قارايلاسۋ مىندەتىن ۇستىنە الدى، كۇندىز قارياعا قايناعان سۋ اكەلىپ بەرەدى، سۋ قۇيىپ بەرەدى، تۇندە قاريا دالاعا شىققاندا سۇيەپ شىعارادى. ”ءاي مىرزا 40 نەشە جاستا، ناۋقاستار رايونىنداعى ۇلكەن - كىشىنىڭ ءبارى ونىڭ ءسوزىن تىڭدايدى، كوڭىل كۇيى جابىراڭقى ناۋقاستارعا ول اقىل ايتىپ جۇباتادى“،-دەدى جاڭ ۋىنيان.
اشىق - جارقىن، ۇمىتكەر ءاي مىرزا باسقا ناۋقاستاردى جۇباتقاندا ۇنەمى ءوزىن مىسالعا الادى: ”قايعىرىپ، جابىقساڭىز دا وتەتىن ءبىر كۇن، ۇمىتكەر، كوڭىلدى بولساڭىز دا وتەتىن ءبىر كۇن، ءبىز ۆيرۋستان قورىقپاي، ەمدەۋ قىزمەتكەرلەرىنە سەنۋىمىز كەرەك. مەنىڭ كۇننەن - كۇنگە جاقسارۋىم، بىزگە ۋكول - ءدارى بەرىپ، اس - سۋىمىزدى اكەلىپ جۇرگەن شيپاگەرلەر مەن سەسترالاردىڭ قارايلاسۋىنىڭ ارقاسى“.
ناۋقاستار رايونىنداعى ەمدەۋ قىزمەتكەرلەرىنە العىسىن ءبىلدىرۋ ءۇشىن، ءاي مىرزا ارناۋلى ماداقتاۋ حاتىن جازدى.
ءاي مىرزا جازعان ماداقتاۋ حاتى.
8 - ايدىڭ 15 - كۇنى تۇستە ءاي مىرزا ماداقتاۋ حاتىن سەسترالاردىڭ قولىنا تابىستادى، سەسترالار ماداقتاۋ حاتىمەن بىرگە ەستەلىك سۋرەتكە ءتۇستى. ” ادەتتە سۋرەت تارتۋدى ۇناتامىن، سونىمەن ولاردى سۋرەتكە تارتتىم، سۋرەتكە الىپ ءجۇرىپ قىسقا كەسكىن جاساپ ولاردىڭ جاپالىلىعىن ەستەلىككە الىپ، العىس ايتۋدان سىرت، نە ءۇشىن ولاردىڭ بەينەسىن ەسكە ساقتاماسقا دەگەن ويعا كەلدىم“،-دەدى ءاي مىرزا.
سونىمەن سەسترالاردىڭ ماقۇلدىعىن العاننان كەيىن، ءاي مىرزا قول تەلەفونىن الىپ، سەسترالاردىڭ ناۋقاستار رايونىن تازالاپ زارارسىزداندىرعان، ناۋقاستاردى ەمدەگەن جانە سەسترالاردىڭ ناۋقاستارعا تاماق تاراتقان كورىنىستەرىن ءتۇسىردى. ”بىرنەشە ساعات ءتۇسىردىم، نەگىزىنەن ولاردىڭ بارلىق قىزمەت جاعدايىن ەستەلىككە الدىم، شامامەن 100دەن استام كەسكىن بولدى. مەن قول تەلەفونمەن قۇراستىرىپ جاساپ بولعاننان كەيىن، ءبىزدىڭ ناۋقاستار رايونىنىڭ توبىنا جولدادىم“،-دەدى ول.
ءبىر سەسترا قابىرعا تولى العىس حاتپەن بىرگە سۋرەتكە ءتۇستى.
”بۇل ناۋقاستاردىڭ ءبىزدىڭ قىزمەتىمىزدى تۇراقتاندىرۋى ءارى ءوزىمنىڭ كاسىپ جولىمداعى ەڭ ماڭىزدى ەستەلىك، وتە ماعىنالى بولدى! ناۋقاستارعا راقىمەت، مەن ءتىپتى دە قۇلشىنىپ، ولاردىڭ سەنىمىن اقتايمىن“،-دەدى سەسترا لي جينجۋان. (سۋرەت پەن كەسكىندى سۇحبات قابىلداۋشى بەرگەن).
