تيانشان تورىنىڭ حابارى (سۋرەتىن ءتۇسىرىپ حابارىن جازعان ٴتىلشى جاۋ مەي، ەرىكتى ٴتىلشى شياۋ لۇڭ). 8 - اي، كۇرىشتىڭ حوش ٴيىسى اڭقىعان ماۋسىم. شينجياڭ شاپشال سىبە اۆتونوميالى اۋدانى بەسسۇمۇل قالاشىعى شوڭپان قىستاعىنىڭ كۇرىش اتىزى سۋرەت بازاسىندا ”اكادەميك جۇڭ نانشاننىڭ“ ناق وزىندەي سىزىلعان سۋرەتى جەرگىلىكتى ورىننىڭ كورىنىسىنە اينالدى. بۇل سۋرەتتى شينجياڭ اۋىل شارۋاشىلىق عىلىم اكادەمياسى شاپشال كۇرىشى تاجىريبە پۋنكتى قىزمەتكەرلەرىنىڭ جەتەكشىلىگىندە جەرگىلىكتى ديقاندار ەگىپ جاساپ شىققان.
جەرگىلىكتى ورىنداعى ”كۇرىش اتىز سۋرەتىن“ ەگۋگە قاتىناسقان شارۋالار بىلاي دەپ تانىستىردى: ”بيىل ىندەت تۋىلعاننان بەرى، كوپتەگەن ىندەتكە قارسى اتتانعان قاھارماندار ٴبىرىنشى شەپتە ەرلىكپەن كۇرەس جاسادى، ٴبىز ٴوز تاسىلىمىزبەن ىندەتكە قارسى اتتانعان قاھارماندارعا قۇرمەتىمىزدى بىلدىرگىمىز كەلدى“.
