تيانشان تورىنىڭ حابارى (سۋرەتىن ٴتۇسىرىپ حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 17 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ ـ تىزگىندەۋ قىزمەتى جونىندە 31 ـ رەتكى اقپار جاريالاۋ ٴماجىلىسىن اشتى. ٴۇرىمجى قالالىق ۇكىمەتتىڭ ورىنباسار باس حاتشىسى ليۋ جۇن بىلاي دەپ تانىستىردى: ٴۇرىمجى قالاسى الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى نەگىزدىك جانە شەشۋشى رولىن تولىق ساۋلەلەندىرىپ، الەۋمەتتىك اۋماقتا ساقتانۋ - تىزگىندەۋدى ىندەتتەن ساقتانۋ - تىزگىندەۋدىڭ تۇتاس بارىسىنا ءسىڭىرىپ، الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرۋعا كۇش سالدى.
الەۋمەتتىك اۋماق پارتيا قۇرىلىسىنىڭ جەتەكشىلىگىن كۇشەيتىپ، تومەنگە تۇسكەن كۇشتەردى ٴبىر تۇتاس ورنالاستىردى. ٴارقايسى الەۋمەتتىك اۋماقتاعى پارتيا ۇيىمدارى ىندەتتەن ساقتانۋ - تىزگىندەۋ اتويشىلار اترەتىن، پارتيا مۇشەلەرى ەكپىندىلەر اترەتىن قۇرىپ، اۆانگارد ۇلگىلىك رولىن ساۋلەلەندىرىپ، تۇرعىنداردى ىندەتتەن ساقتانۋ - تىزگىندەۋ قىزمەتىنە قاتىناسۋعا بەلسەنە جەتەكتەدى. قالا دارەجەلى ورگاننىڭ 3550 دەن استام كادرىن الەۋمەتتىك اۋماقتىڭ ٴبىرىنشى شەبىنە بارۋعا ورنالاستىرىپ، 49 مىڭنان استام نەگىزگى ساتى كادرىمەن بىرگە الەۋمەتتىك اۋماقتاردىڭ تور كوزدەرىنە ەنگىزىپ، پارتيا ۇيىمدارى ءبىر تۇتاس باسقارىپ، ٴار جاقتىڭ قىزمەت كۇشتەرى جۇمىس ٴبولىسى بويىنشا سەلبەسىپ، سايكەسىپ شايقاس جۇرگىزىپ، ىندەتتەن ساقتانۋ - تىزگىندەۋدىڭ قۋاتتى بىرىككەن كۇشىن قالىپتاستىردى.
الەۋمەتتىك اۋماقتىڭ ساقتانۋ - تىزگىندەۋ باسقارۋىن كۇشەيتىپ، ەگجەي - تەگجەيلى، ناقتى، تياناقتى يگەردى. الەۋمەتتىك اۋماقتى جابىق باسقارۋ تالابى بويىنشا، ادامداردىڭ، اۆتوكولىكتەردىڭ كىرىپ - شىعۋىن مۇقيات تىزىمگە الدى، كۇندى - تۇنگە جالعاپ اۋىسىپ كەزەكشى بولىپ، قاتاڭ ساقتانىپ، ايرىلماي قورعادى؛ ٴار كۇنى 3 رەت دەنە تەمپەراتۋراسىن ولشەپ، ٴبىر وتباسىن دا، ٴبىر ادامدى دا قاعىس قالدىرمادى؛ كۇماندى ناۋقاستار بايقالسا دەرەۋ مالىمدەپ، اۋاشالاۋ، تاسىمالداۋ قىزمەتىن ويداعىداي ىستەدى؛ الەۋمەتتىك اۋماقتىڭ قوقىر - قوقسىقتارىن ۋاعىندا تازالاپ، الەۋمەتتىك وڭىرلەردى زارارسىزداندىرۋدى دەر كەزىندە ورىستەتتى، قازىر تۇتاس قالا بويىنشا ٴار كۇنى ورتا ەسەپپەن 2900 توننادان استام تۇرمىستىق قوقىر ـ قوقسىق تازالانىپ، تاسىلىپ، ”كۇندە شىققانىن كۇندە تازالاۋ“ جۇزەگە اسىرىلدى. ىندەتتىڭ تارالۋىنان بارىنشا ساقتانىپ، جۇعىمدالۋ مولشەرىن تومەندەتتى.
الەۋمەتتىك اۋماقتاردا ۇگىتتەۋدى، اتتانىسقا كەلتىرۋدى كۇشەيتىپ، حالىقتىق قورعانىس شەبىن بەكەمدەدى. قوعامدىق قارىم - قاتىناس باعدارلامالىق قۇرال ينفورماتسيا تۇعىرى، قايتالامالى راديو سياقتى كوپ ٴتۇرلى فورمالار ارقىلى ساقتانۋ - تىزگىندەۋ بىلىمدەرىن جالپىلاستىرىپ، ساقتانۋ - تىزگىندەۋ ساياساتتىق شارالارىن ۇگىتتەپ، تۇرعىنداردى زاڭ بويىنشا ساقتانۋ - تىزگىندەۋگە، باسقارۋعا سانالى تۇردە سايكەسۋگە، ىندەتتەن ساقتانۋ - تىزگىندەۋ قىزمەتىن قولداۋعا جەتەكتەدى. جاڭا داۋىردەگى وركەنيەت اماليات ورتالىعى (پۋنكت، ٴتۇيىن) ارقىلى تۇرعىنداردىڭ دەنە تەمپەراتۋراسىن ولشەۋ، تۇرمىستىق قاجەتتى بۇيىمداردى جەتكىزۋ ورايىنان پايدالانىپ، ىندەتتەن ساقتانۋ - تىزگىندەۋ عىلىمىن جالپىلاستىرۋ ۇگىت قاعازىنان ٴبىر ميلليون 500 مىڭىن تاراتتى؛ تۇتاس قالانىڭ ٴارقايسى شاعىن اۋماعىندا ىندەتتەن ساقتانۋ - تىزگىندەۋ جونىندە 14 مىڭ 450 ۇگىت جازبا ۇرانىن جاپسىردى. سونىمەن بىرگە، تۇيىننەن تۇيىنگە بويىنشا تۇرعىنداردى كۇدىك - كۇماننان ارىلتۋ قىزمەتىن ويداعىداي ىستەدى، ەل بىرلىگىنەن بەرىك قامال تۇرعىزىپ، كوز الداعى قيىندىقتى بىرگە جەڭەتىن اۋقىم قالىپتاستىردى.
الەۋمەتتىك اۋماقتاردىڭ تىڭعىلىقتى قىزمەت وتەۋىن كۇشەيتىپ، تۇرعىنداردىڭ تۇرمىسىن قامتاماسىزداندىردى. ساقتانۋ - تىزگىندەۋ قىزمەتىنىڭ ىڭعايلى بولۋىن كورنەكتىلەندىرىپ، تۇرعىنداردىڭ نەگىزگى تۇرمىسىن قامتاماسىز ەتۋدى كۇشەيتىپ، الەۋمەتتىك اۋماقتاعى كوكونىس دۇكەندەرىنىڭ، ەرەن بازارلاردىڭ، ٴدارى دۇكەندەرىنىڭ تيجارات جۇرگىزۋ ۋاقىتىن دەر كەزىندە ۇيلەسىمدى ورنالاستىرىپ، ەرىكتىلەردى تارتىپپەن تۇرعىنداردىڭ كۇندەلىكتى تۇرمىستىق زاتتىق بۇيىمدارىن قاجەتكە ساي ”جۋىسپاي“ جەتكىزىپ بەرۋگە ۇيىمداستىردى. سونىمەن بىرگە، نۋكلەين قىشقىلىن تەكسەرۋ، پسيحيكالىق جەتەكتەۋ، زارارسىزداندىرۋ، زاتتىق ماتەريالداردى تاسىمالداۋ سياقتى ەرىكتى قىزمەت وتەۋ قيمىلدارىنا 5 ميلليون 840 مىڭ ادام - رەت كومەكتەستى؛ قارتتار، بالالار، ٴقاۋقارسىز جاندار، مۇگەدەكتەر سياقتى قاۋىمعا نازار اۋدارۋدى كۇشەيتىپ، تىڭعىلىقتى قىزمەت وتەۋدى ويداعىداي ىستەپ، 11 مىڭ 800 ەڭ تومەنگى تۇرمىسى قامتاماسىزداندىرىلاتىن وبيەكتى مەن ەرەكشە قيىنشىلىعى بار كۇتىمگە الىنعاندارعا تۇرمىستىق قاجەتتى بۇيىمدار تاراتتى،11 مىڭ 942 قيىنشىلىعى بار بۇقاراعا مەرزىم بويىنشا تەگىن ”كوكونىس قالتاسىن“ تاراتتى؛ تۇرعىنداردى ”ينتەرنەت جەلىسىندەگى مەملەكەت ەلەكترى“، جىفۋباۋ، ۋيشين، شۋەليان اقشا قۇيۋ قولدانباسى قاتارلى تاسىلدەر ارقىلى سۋ، ەلەكتر، گاز قاتارلى اقىلاردى تولەۋگە جەتەكتەپ، ىندەتتىڭ تۇرعىنداردىڭ تۇرمىسىنا بولعان ىقپالىن تومەندەتۋگە بارىنشا كۇش سالدى.
”ءبىز شاعىن اۋماقتى باسقارۋ قىزمەت وتەۋىن ويداعىداي ىستەۋمەن بىرگە، الەۋمەتتىك اۋماق قىزمەتكەرلەرىنىڭ جەكە باسىندىق قورعانۋىن كۇشەيتتىك، تۇتاس قالانىڭ ٴارقايسى شاعىن اۋماقتى باسقارۋ قىزمەت وتەۋشىلەرى، ەمدەلەتىن تۇرعىنداردى جەتكىزۋگە قاتىناسقان الەۋمەتتىك اۋماق قىزمەتكەرلەرى، شوفەرلەر جانە ەمدەلۋشىلەر قورعانۋ - ساقتانۋ ولشەمىنىڭ تالابى بويىنشا ساقتانۋ - قورعانۋ جابدىقتارىن كيىپ، ايقاسپالى جۇعىمدالۋدان ساقتاندى“،- دەدى ليۋ جۇن.
