جۇڭحۋا ءۇنى تورىنىڭ 8 - ايدىڭ 18 - كۇنى بەرگەن حابارى (حۋنان گازەتى. جۇڭحۋا ءۇنى تورىنىڭ ءتىلشىسى ياڭ يۇيحان ەرىكتى ءتىلشى ۋاڭ چياڭ حابارلايدى). ”ءبىر كيلوسى 17 يۋان، 10 كيلودان باستاپ تاپسىرىس بەرۋگە بولادى، الدىمەن جۇيەگە تىزىمدەلىپ، تىركەلگەن سوڭ بۇيىرتىپ ساتىپ الۋ ينفورماتسياسىن تولتىرساڭىز بولدى“. 8 ـ ايدىڭ 17 ـ كۇنى، شينجياڭ ٴوندىرىس ـ قۇرىلىس بيڭتۋانى 12 ـ شىسى 221 ـ تۋانىنىڭ ٴجۇزىمدى كومەكتەسىپ ساتۋ جۇيەسىن باسقارۋشى ليۋ يىن تەلەفون ارقىلى قاريدارلاردىڭ جەلىدە تاپسىرىس بەرۋىنە سابىرلىلىقپەن جەتەكشىلىك ەتتى.
ۇعىسۋعا قاراعاندا، ”بيڭتۋان 12 ـ شىسى 221 ـ تۋانىنىڭ جاڭا ۇزىلگەن ٴجۇزىمىن ساتىپ الۋ جونىندەگى ۇسىنىس حات» جاريالانعاننان بەرى، ي - ياڭ قالاسىنا توتە قاراستى ءارقايسى تاراۋلار (مەكەمە ورىندار)، ٴارقايسى رايون، اۋدان (قالا)، اۋىل ـ قالاشىق، ٴمالى، سونداي ـ اق قوعامداعى ٴار سالا قايراتكەرلەرى ىركەس - تىركەس ”بيڭتۋان 12 – شىسى 221 – تۋانىنىڭ ءجۇزىمدى كومەكتەسىپ ساتىپ بەرۋ جۇيەسى“ ارقىلى جەلىدە تاپسىرىس بەرىپ، شينجياڭ ونىمدەرىنىڭ حۋنانعا كىرۋىنە كومەكتەستى.
قىزمەتكەرلەر اق ٴجۇزىمدى جاشىككە سالۋدا.
221 - تۋان شينجياڭ ٴوندىرىس - قۇرىلىس بيڭتۋانىنىڭ تۇرپان ويپاتىنداعى بىردەن - ٴبىر تۋان الاڭى. كليمات شارت - جاعدايى ەرەكشە بولعاندىقتان، ۇزاق ۋاقىت شىلىڭگىر ىستىق بولىپ، جاڭبىر از بولادى. جەرگىلىكتى ورىندا وندىرىلگەن ۇرىقسىز ٴجۇزىمنىڭ كۇلتەسى ۇلكەن، ەتى مول، قابىعى جۇقا، ءدامى ءتاتتى بولىپ، ”جۇڭگوداعى ۇرىقسىز ٴجۇزىم مەكەنى“ دەگەن تاماشا اتقا يە.
ۇرىقسىز اق ٴجۇزىمنىڭ كۇلتەسى ۇلكەن، ەتى مول، قابىعى جۇقا، ٴدامى ٴتاتتى.
”ىندەت ىقپالىنا ۇشىراپ، 221 - تۋاننىڭ ٴجۇزىمى ساتىلماي قالدى، ي - ياڭ قالاسىنىڭ شينجياڭعا باعىتتامالى كومەكتەسۋ قىزمەت اترەتى جاعدايدان حابار تاپقاننان كەيىن، ’قىزىل انار . شينجياڭ ونىمدەرىن حۋنانعا كىرگىزۋ‘ قىزمەتىن بەلسەنە ورىستەتىپ، ءىس جۇزىندىك ارەكەت ارقىلى بيڭتۋان مەن جەرگىلىكتى ورىننىڭ اۋىس - كۇيىسىن نىعايتىپ، ۇلتتار ىنتىماعىن جەبەدى“، ي - ياڭ قالاسى شينجياڭعا باعىتتامالى كومەكتەسۋ قىزمەت اترەتىنىڭ ورىنباسار جەتەكشىسى حۋاڭ ۋي - ۋ تانىستىرىپ بىلاي دەدى: ٴبىرىنشى توپتاعى 50 توننا جاڭا ۇرىقسىز ٴجۇزىم 8 - ايدىڭ 16 - كۇنى ءۇزىپ الىندى، قازىر قوراپتاۋ ۇستىندە، مەجەمەن 21 - كۇنى ي - ياڭعا جەتكىزىلەدى. ”7 - ايدىڭ 16 - كۇنىنەن بەرى، 221 - تۋان بارلىق ادامعا ەكى رەت جاپپاي نۋكلەين قىشقىلىن تەكسەرۋ قىزمەتىن ورىستەتتى، بارلىعىنىڭ ناتيجەسى بولىمسىزدى كورسەتتى. سونىمەن بىرگە، وسى رەتكى تاسىمال كولىكتەرىن قاتاڭ زارارسىزداندىرىپ، ٴجۇزىمدى تۇرپان ٴجۇزىم باقشاسىنان ي - ياڭعا تىكە تاسىمالداۋعا ورنالاستىردىق“، ـ دەدى حۋاڭ ۋي - ۋ.
”حۇڭليان توبى بۇكىل 221 ـ تۋاننىڭ ۇرىقسىز اق ٴجۇزىمىن ي - ياڭعا جەتكىزۋ قىزمەتىن ۇستىنە الىپ، جونەلتىلگەن زاماناۋي ەكى توڭازىتقىش اۆتوموبيل ٴونىم ساپاسىنا كەپىلدىك ەتتى. ٴجۇزىم ي - ياڭعا اپارىلعاننان كەيىن، ٴبىز دەر كەزىندە ٴارقايسى مەكەمە ورىندار مەن تۇتىنۋشىلاردىڭ قولىنا جەتكىزەمىز“،- دەدى حۋنان حۇڭليان اۋىل شارۋاشىلىعىنا قارجى قوسۋ، اشۋ (توبى) شەكتى سەرىكتەستىگىنىڭ باس جوراسى، ي ـ ياڭ قالالىق ساۋدا ـ ونەركاسىپشىلەر بىرلەستىگىنىڭ ورىنباسار باستىعى زوۋ سۇڭچيۋ.
