شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 17 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋ كەزىندە ءۇرىمجى قالاسى قوجالىق باسقارۋ كاسىپورىندارىنىڭ رولىن ساۋلەلەندىرۋ، قوجالىق باسقارۋ قىزمەت وتەۋىن باقىلاۋ جاقتارىندا قانداي شارالار قولداندى؟ 8 - ايدىڭ 17 - كۇنى ءۇرىمجى قالالىق قورا - جاي مەكەمەسىنىڭ باستىعى جياڭ ي بىلاي دەپ تانىستىردى: تۇتاس قالادا 500 نەشە قوجالىق باسقارۋ قىزمەتىن وتەيتىن كاسىپورىندارداعى 30 مىڭنان استام قوجالىق باسقارۋ قىزمەت وتەۋشىلەرى جۇمىس ورىندارىنان تاپجىلماي، ىندەتتەن ساقتانۋ - تىزگىندەۋ وتكەلىن ويداعىداي يگەرىپ، شاعىن اۋماقتاعى تۇرعىنداردىڭ تۇرمىسىنا ەڭ زور مۇمكىندىكپەن قولايلىلىق جاسادى.
ءارقايسى قوجالىق باسقارۋ كاسىپورىندارى ”ءۇش قاتاڭ بولۋ“ تالابىن مۇقيات تياناقتاندىردى، ياعني شاعىن اۋماق قاقپاسىندا 24 ساعات ارناۋلى ادام كۇزەتتە تۇرىپ، شاعىن اۋماققا كىرىپ - شىققانداردى قاتاڭ مەڭگەردى؛ ورتانى زارارسىزداندىرۋدى قاتاڭ تياناقتاندىرىپ، ليفت، كاريدور، ءاربىر عيماراتقا كىرەر ەسىك تۇتقاسى، قوقىر - قوقسىق تاستاۋ ءتۇيىنى سياقتى الەۋمەتتىك وڭىرلەردى جالپى بەتتىك زارارسىزداندىرىپ، ۆيرۋستىڭ جۇعۋ قاينارىن الاستادى؛ ماسكى تاعۋ، تەمپەراتۋرا ولشەۋ سياقتى شارالاردى قاتاڭ تياناقتاندىردى. قىزۋى ورلەگەندەردى باقىلاۋ - ولشەۋدى، ىزىنە ءتۇسۋدى كۇشەيتىپ، تاباندا سول تۇرعان الەۋمەتتىك اۋماققا مالىمدەدى.
ءارقايسى قوجالىق باسقارۋ كاسىپورىندارى شاعىن اۋماقتى سۋمەن قامداۋ، ەلەكترمەن قامداۋ سياقتى قۇرىلعىلاردىڭ اينالىمىن، ولاردى جوندەۋدى ويداعىداي ىستەۋگە كۇش سالىپ، تۇرمىستىق قوقىر - قوقسىقتاردى ءار كۇنى تازالاپ، ءۇي يەلەرىنىڭ ۋيچات توبى سياقتى ارنالاردان پايدالانىپ، ىندەتتەن ساقتانۋ بىلىمدەرىن جان - جاقتى ۇگىتتەدى. ەرىكتىلەرمەن بىرگە گرۋپپاعا ءبولىنىپ، كەزەكشىلىك مىندەتتە تۇرىپ، شاعىن اۋماق تۇرعىندارىنا تۇرمىستىق بۇيىمداردى جەتكىزىپ، ءتۇرلى قىزمەت وتەۋ قامتاماسىزدىعىن بار پەيىلىن سالا ويداعىداي ىستەدى.
”قوجالىق كاسىپورىندارىنىڭ قىزمەت وتەۋى تياناقتانباۋ، بۇقارانىڭ مۇددەسىن زيانداۋ سياقتى ارەكەتتەرى جونىندە تۇرعىندار ’انجۇي گۋاڭشيا‘ ۋيچات الەۋمەتتىك ءنومىرى ارقىلى شاعىم ايتۋىنا بولادى، سونداي - اق ءارقايسى رايونداعى (اۋدان) قوجالىق باسقارۋدى باقىلاۋ - باسقارۋ تاراۋلارىنا شاعىم ايتۋىنا بولادى. راس ەكەنى انىقتالعاننان كەيىن قاتاڭ تەكسەرىپ ءبىر جاقتى ەتىلەدى ءارى اقپارات قۇرالدارى ارقىلى اشق جاريالانادى“، - دەدى جياڭ ي.
