شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 17 - كۇنى ۇرىمجىدەن حابارلايدى. 8 - ايدىڭ 17 - كۇنى ءۇرىمجى قالالىق بازار باقىلاۋ - باسقارۋ مەكەمەسىنىڭ باستىعى ەركىن سىمايىل مىنانى ءبىلدىردى: ءۇرىمجى قالاسى ازىق - تۇلىك حاۋىپسىزدىگىنىڭ قاينار كوزى وتكەلىن قاتاڭ مەڭگەرىپ، باقىلاۋ - باسقارۋ سەرپىنىن ارتتىرىپ، قالا تۇرعىندارىنىڭ ىندەت كەزىندە ازىق - تۇلىكتەن قامسىز، الاڭسىز تۇتىنۋىنا مۇمكىندىك جاسادى.
تالاپقا ساي، ءۇرىمجى قالاسىنداعى ازىق - تۇلىك تيجاراتشىلارى ازىق - تۇلىك، سونداي - اق ازىق - تۇلىك شيكىزاتىن ساتىپ العاندا، ءسوزسىز، قامداۋشى ساۋداگەردىڭ زاڭدى تولىمدىلىعىن جانە تولىمدىلىق كۋالىك - حۇجاتتارىن تەكسەرۋى، ەت جانە ەت ونىمدەرىن (ءۇي قۇستارى ەتى قامتىلادى) ساتىپ العاندا، ءسوزسىز، حايۋاناتتاردى كارانتيندەۋ نەمەسە تەكسەرۋ تولىمدىلىق كۋالىگىن تەكسەرۋى كەرەك. توڭازىتىلعان، مۇزداتىلعان ازىق - تۇلىكتەردى ساقتاۋ، تاسىمالداۋ، وڭدەۋ، ءبولىپ قوراپتاۋ، ساتۋ سياقتى بۋىندارىنا ىندەتتەن ساقتانۋ بويىنشا كۇندەلىكتى باقىلاۋ - باسقارۋ جانە نۋكلەين قىشقىلىن تەكسەرۋ - ولشەۋ سەرپىنىن كۇشەيتىپ، سۋىق تىزبەك ازىق - تۇلىكتەردىڭ ۋيرۆس تاراتۋ حاۋپىنەن قاتاڭ ساقتاندى.
ءۇرىمجى قالاسى اس - سۋدان قىزمەت وتەيتىن ورىندارعا ازىق - تۇلىك حاۋىپسىزدىگى بويىنشا باقىلاۋ - باسقارۋدى قاتايتىپ، ىندەت كەزىندە تيجارات جۇرگىزەتىن اس - سۋدان قىزمەت وتەيتىن ورىنداردىڭ ازىق - تۇلىك حاۋىپسىزدىگىنىڭ ءتۇرلى تۇزىمدەرىن ورناتۋىنا ءارى تياناقتاندىرۋىنا جەتەكشىلىك ەتتى. كۇندەلىكتى زارارسىزداندىرۋدى كۇشەيتىپ، سىرتقا جەتكىزىلەتىن اس - تاعامداردى باسقارۋدى ءتۇيىندى تۇردە كۇشەيتىپ، تاعامداردى ءبىر رەتتىك قالبىرعا ءارى جەتكىزۋ ساندىقشاسىنا سالىپ، تاعام جەتكىزۋ ارناۋلى كولىگىن ارناۋلى ىستەتىپ، تاعام جەتكىزۋدەن بۇرىن جەتكىزۋ ساندىقشاسى مەن تاعام جەتكىزۋ كولىگىن قاتاڭ تازالاپ، زارارسىزداندىردى. اس - سۋدان قىزمەت وتەيتىن ادامداردىڭ سالاماتتىعىن باسقارۋدى كۇشەيتىپ، اس - سۋدان قىزمەت وتەيتىن ءارقايسى ورىندار مەرزىم بويىنشا بارلىق قىزمەتكەرلەردى نۋكلەين قىشقىلىن تەكسەرۋ - ولشەۋگە ۇيىمداستىرىپ، دەنە تەمپەراتۋراسىن ولشەۋ ءتۇزىمىن قاتاڭ تياناقتاندىرىپ، ماسكى تارتۋ، قولعاپ، قورعانۋ كيىمىن كيۋ سياقتى قورعانۋ قىزمەتتەرىن جاقسى ىستەدى.
ءارقايسى رايون (اۋدان)، ءمالى، الەۋمەتتىك اۋماق تۇرعىندارعا ازىق - تۇلىك زاتتىق ماتەريالدارىن جەتكىزۋ قىزمەتىنە ارناۋلى ادام، ارناۋلى كولىك ورنالاستىرىپ، جەتكىزىپ بەرۋشىلەردى مەرزىم بويىنشا نۋكلەين قىشقىلىن تەكسەرۋ - ولشەۋگە ۇيىمداستىردى. جەتكىزىپ بەرۋشىلەر جەتكىزۋ بارىسىندا، ءسوز جوق، ماسكى تاعىپ، قولعاپ، قورعانۋ كيىمىن كيدى. الەۋمەتتىك اۋماق ءار كۇنى ءۇي قۇستارى ەتىن، كوكونىس، جەمىس - جيدەك، سونداي - اق ازىق - تۇلىك جەتكىزەتىن كولىكتەردى زارارسىزداندىرۋعا جاۋاپتى بولىپ، تازالىعىن ساقتادى.
ءار دارەجەلى بازار باقىلاۋ - باسقارۋ تاراۋلارى تالاپ بويىنشا ازىق - تۇلىك ءوندىرۋ، تاسۋ سياقتى بۋىنداردى باقىلاۋ - باسقارۋ جانە ۇلگى الىپ تەكسەرۋ سەرپىنىن ارتتىرىپ، ماسەلە بايقالسا دەر كەزىندە رەتتەۋ - وزگەرتۋگە قۋزاپ، ازىق - تۇلىك ەنگىزۋدى تەكسەرۋ تۇزىمىنە قايشىلىق جاساعان، ازىق - تۇلىكتى حاۋىپسىز جەتكىزۋ تالابىن تياناقتاندىرماعان، ماسەلەنى دەر كەزىندە رەتتەپ وزگەرتپەگەن مەكەمە - ورىنداردىڭ، سونداي - اق جەكەلەردىڭ جاۋاپكەرشىلىگىن قاتاڭ قۋزاستىردى.
