شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 17 - كۇنى ۇرىمجىدەن حابارلايدى. ءۇرىمجى قالاسىندا وسى رەتكى ىندەت تۋىلعاننان كەيىن، الەۋمەتتىك اۋماق قىزمەتكەرلەرى ءونىمدى ساقتانۋ - تىزگىندەۋ ءۇشىن قاجىرلى قۇلشىنىستار جاسادى. 8 - ايدىڭ 17 - كۇنى ءۇرىمجى قالالىق حالىق ۇكىمەتىنىڭ ورىنباسار باس حاتشىسى ليۋ جۇن بىلاي دەپ تانىستىردى: ءۇرىمجى قالاسى الەۋمەتتىك اۋماقتاردىڭ ىندەتتەن ساقتانۋ - تىزگىندەۋ بارىسىنداعى نەگىزدىك سيپاتىندىق جانە شەشۋشى سيپاتىندىق رولىن تولىق ساۋلەلەندىرىپ، قالا دارەجەلى ورگاندارداعى كادرلاردان 3550 ادامدى الەۋمەتتىك اۋماقتىڭ ءبىرىنشى شەبىنە جىبەرىپ، ولاردى 49 مىڭنان استام نەگىزگى ساتى كادرلارىمەن بىرگە الەۋمەتتىك اۋماقتاردىڭ پارتيا ۇيىمدارىنىڭ ءبىر تۇتاس توركوزدەندىرىپ باسقارۋىنا قامتىپ، ىندەتتەن ساقتانۋ - تىزگىندەۋدىڭ قۋاتتى بىرىككەن كۇشىن قالىپتاستىردى.
جابىق باسقارۋدىڭ تالابىنا ساي، ءۇرىمجى قالاسىنداعى ءارقايسى الەۋمەتتىك اۋماقتار ادامداردىڭ، اۆتوكولىكتەردىڭ كىرىپ - شىعۋىن مۇقيات تىزىمگە الدى؛ ءار كۇنى 3 رەت دەنە تەمپەراتۋراسىن ولشەۋدە بىردە - ءبىر وتباسىن قاعىس قالدىرماۋدى، بىردە - ءبىر ادامدى تاستاماۋدى ورىندادى؛ كۇماندى ناۋقاس بايقالسا دەرەۋ مالىمدەپ، اۋاشالاۋدى، جوتكەۋدى ويداعىداي ىستەدى؛ الەۋمەتتىك اۋماقتىڭ قوقىر - قوقسىعىن ۋاقىتىندا تازالاپ، الەۋمەتتىك ءوڭىردى زارارسىزداندىرۋدى دەر كەزىندە ورىستەتىپ، ىندەتتىڭ تارالۋىنان ەڭ زور دارەجەدە ساقتاندى.
ءارقايسى الەۋمەتتىك اۋماقتار الەۋمەتتىك قارىم - قاتىناس جۇمساق بولشەك ينفورماتسيا تۇعىرى، راديو سياقتى كوپ ءتۇرلى فورمالارمەن ساقتانۋ - تىزگىندەۋ بىلىمدەرىن جالپىلاستىرىپ، ساقتانۋ - تىزگىندەۋ شارالارىن ۇگىتتەپ، تۇرعىنداردى زاڭ بويىنشا ساقتانۋ - تىزگىندەۋگە جەتەكتەدى. جاڭا ءداۋىر وركەنيەت امالياتى ورتالىعىن (پۋنكت، ءتۇيىن) سۇيەنىش ەتىپ، تۇرعىنداردىڭ دەنە تەمپەراتۋراسىن ولشەۋ، تۇرمىستىق كەرەك - جاراقتارىن جەتكىزىپ بەرۋ ورايىنان پايدالانىپ، ىندەتتەن ساقتانۋ - تىزگىندەۋ بىلىمدەرىن جالپىلاستىرۋ بويىنشا جاسالعان ۇگىت بۇكتەمە قاعازدارىن تاراتتى. تۇيىننەن - تۇيىنگە دەيىنگى تۇرعىنداردى كۇدىك - كۇماننان ارىلتۋ قىزمەتىن ويداعىداي ىستەدى.
تۇرعىنداردىڭ نەگىزدىك تۇرمىسىن قامتاماسىز ەتۋدى كۇشەيتىپ، الەۋمەتتىك اۋماقتاعى كوكونىس دۇكەنىنىڭ، ەرەن بازاردىڭ، ءدارىحانانىڭ تيجارات جۇرگىزۋ ۋاقىتىن دەر كەزىندە ۇيلەسىمدى ورنالاستىرىپ، ەرىكتىلەردى تارتىپپەن تۇرعىنداردىڭ كۇندەلىكتى تۇرمىستىق زاتتىق بۇيىمدارىن قاجەتكە ساي ”جاناسپاي“ جەتكىزىپ بەرۋگە ۇيىمداستىرۋمەن بىرگە، نۋكلەين قىشقىلىنان ۇلگى الۋ، پسيحيكالىق جەتەكتەۋ، زارارسىزداندىرۋ سياقتى قىزمەتتەردى سايكەسە ورىستەتتى؛ 11 مىڭ 800 ەڭ تومەنگى تۇرمىسى قامتاماسىزداندىرىلاتىن وبيەكتىلەر مەن ەرەكشە قيىنشىلىعى بار كۇتىمگە الىنعاندارعا تۇرمىستىق كەرەك - جاراقتاردى تاراتىپ، قيىنشىلىعى بار بۇقارالارعا كوكونىستى ۋاق - ۋاق تەگىن تاراتىپ تۇردى؛ تۇرعىنداردى ”جەلىدەگى مەملەكەت ەلەكترى“، جىفۇباۋ، ۋيچات، شۋەليان اقشا قۇيۋ قولدانباسى سياقتى تاسىلدەر ارقىلى سۋ، ەلەكتر، گاز سياقتى اقىلاردى تولەۋگە جەتەكتەپ، ىندەتتىڭ تۇرعىنداردىڭ تۇرمىسىنا بولعان ىقپالىن تومەندەتۋگە بارىنشا كۇش سالدى.
