شىن ياپيڭ
وسى جولى ىندەت تۋىلعاننان بەرى، ۇرىمجىدە ءبىر كۇندە جاڭادان ارتقان دياگنوزى تۇراقتانعان ناۋقاس سانى تۇڭعىش رەت نولگە تۇسكەندىگى مالىمدەلدى، بۇل حابار جۇرتتى جەلپىندىردى. بۇل رايونىمىزدىڭ ورتالىقتىڭ رۋحى مەن ورنالاستىرۋلارىن ىشكەرىلەي دايەكتىلەندىرۋىنىڭ ناتيجەسى، اۆتونوميالى رايوندىق پارتكومنىڭ ءار ۇلت كادر - بۇقاراسىن باستاپ سەنىمدى بەكەمدەۋىنىڭ، قيىندىقتى بىلەك بىرىكتىرە جەڭۋىنىڭ، عىلمي ساقتانىپ - ەمدەۋىنىڭ، دالمە - ءدال شارا قولدانۋىنىڭ ناتيجەسى. بۇل ءبىزدى بارلىق جاپا - ماشاقاتتىڭ تەككە كەتپەگەندىگىنە، تەك قۇلشىنعاندا عانا تابىسقا جەتەتىندىگىمىزگە كامىل سەندىردى. ءبىراق، ”ارتۋدىڭ نولگە تۇسكەندىگى“ حاۋىپ - قاتەردىڭ ادا - كۇدە الاستالعانىنان دەرەك بەرمەيدى، ەڭ سوڭعى جەڭىسكە قول جەتكىزۋ ءۇشىن، ءبىزدىڭ ءالى دە قاتاڭ ساقتانۋىمىزعا، بەرىك قورعانۋىمىزعا تۋرا كەلەدى.
رايونىمىزدا ءالى 300دەن استام دياگنوزى تۇراقتاندىرىلعان ناۋقاس بار، اۋرۋ بەلگىسى جوق جۇعىمدالۋشىلار سانى ءالى دە ارتۋدا، تاعى دا 9000نان استام ادام مەديتسينالىق باقىلاۋدى قابىلداۋدا. ءبىز، ءسوزسىز، ىندەت جاعدايىنىڭ ءالى قاتاڭ دا كۇردەلى ەكەندىگىن، ساقتانۋ - تىزگىندەۋدىڭ ءالى شيەلەنىسكەن قامال الۋ كەزەڭىندە تۇرعاندىعىن سەرگەكتىكپەن كورە ءبىلۋىمىز كەرەك. وسى مەزگىلدە، ءارقانداي يدەيالىق جاقتاعى سالعىرتسۋدىڭ، ارەكەت جاقتاعى بوساڭسۋدىڭ ءبارى ۆيرۋستىڭ شابۋىل جاساۋىنا تۇرتكى بولىپ، ساقتانۋ - تىزگىندەۋدى بىلىقتىرىپ، وسىدان بۇرىنعى ەرەكشە قۇلشىنىستى سەلگە كەتىرۋى ابدەن مۇمكىن.
وسى ۋاقىتتاردان بەرى، ءار ۇلت بۇقاراسى ۇندەۋگە بەلسەنە ءۇن قوسىپ، ورنالاستىرۋعا سانالى بويسۇنىپ، بۇقارالىق ساقتانۋ، بۇقارالىق جونگە سالۋدىڭ بەرىك قورعانىس شەبىن بىرگە قۇرىپ، ىندەتتەن ساقتانۋ - تىزگىندەۋگە وراسان زور ۇلەس قوستى. ەڭ سوڭعى جەڭىسكە قول جەتكىزۋ ءۇشىن، ءبىز تاعى دا تاباندىلىق كورسەتەيىك! ىندەتتەن ساقتانۋ - تىزگىندەۋ شارلارىن قاتاڭ ساقتاپ، بەيعامدىققا سالىنباي، بوساڭسىماي، بويكۇيەزدىك ىستەمەي، ءبىر نيەتپەن سەلبەسىپ، وڭاي - وسپاق قولعا كەلمەگەن ساقتانۋ - تىزگىندەۋ تابىستارىن بەكەمدەپ جانە كەڭەيتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ ەڭ سوڭعى جەڭىسىنە ەرتەرەك قول جەتكىزەيىك.
(”لەپتى لەبىز“ ايدارىنا ماقالا جولداۋ حات ساندىعى: xjrbplb@126.com)
