اۋرۋ بەلگىسى جوق 4 جۇعىمدالۋشى مەديتسينالىق باقىلاۋدان بوساتىلدى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 17 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 17 - كۇنى دياگنوزى تۇراقتاندىرىلعان 24 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، بارلىعى ۇرىمجىدەگى ناۋقاستار؛ اۋرۋ بەلگىسى جوق 4 جۇعىمدالۋشى مەديتسينالىق باقىلاۋدان بوساتىلدى، مۇنىڭ ىشىندە ءۇرىمجى قالاسىنان 3 ناۋقاس، سانجى وبلىسىنان 1 ناۋقاس (ءۇرىمجى قالاسىنان كىرگەن) بار؛ قازىرگە دەيىن دياگنوزى تۇراقتاندىرىلعان 472 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 114 جۇعىمدالۋشى مەديتسينالىق باقىلاۋدان بوساتىلىپ، جالپى سانى 586 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ ورىنباسار مەڭگەرۋشىسى لۋ چىڭ بىلاي دەپ تانىستىردى: وسى رەت شيپاحانادان شىققان ناۋقاستار ماماندار گرۋپپاسى مەن ەمدەۋ ۇجىمىنىڭ كۇش سالا قۇتقارىپ - ەمدەۋىنىڭ، دەن قويا كۇتىمدەۋىنىڭ ارقاسىندا اۋرۋ جاعدايى ۇزدىكسىز جاقسارىپ، تىنىس جولىنداعى اۋرۋ قوزدىرعىشتاردىڭ نۋكلەين قىشقىلىن تەكسەرۋدە 2 رەتتەن ارتىق بولىمسىز ناتيجە كورسەتىپ، ءتۇرلى حيميالىق تەكسەرۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى تۇگەلدەي قالىپتى بولىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىنداعى (سىناق رەتىندە اتقارىلاتىن 7 - نۇسقانىڭ تۇزەتىلگەن نۇسقاسى)» دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەن.
