ىندەتتەن ساقتانۋ - تىزگىندەۋ جاعدايى ءالى قاتاڭ دا كۇردەلى
شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 17 - كۇنى ۇرىمجىدەن حابارلايدى. 8 - ايدىڭ 17 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، 8 - ايدىڭ 16 - كۇنى ساعات 0دەن 24كە دەيىن، ءۇرىمجى قالاسى مالىمدەگەن جاڭادان ارتقان دياگنوزى تۇراقتاندىرىلعان ناۋقاس سانى نولگە تۇسكەن، جاڭادان ارتقان اۋرۋ بەلگىسى جوق جۇعىمدالۋشى بىرەۋ بولعان. 7 - ايدىڭ 15 - كۇنى وسى رەتكى ىندەتتەگى تۇڭعىش دياگنوزى تۇراقتاندىرىلعان ناۋقاس مالىمدەلگەننەن بەرى، كۇندىك جاڭادان ارتقان دياگنوزى تۇراقتاندىرىلعان ناۋقاس سانى ءنول دەپ تۇڭعىش رەت مالىمدەلىپ وتىر.
نولدىك ارتۋ نولدىك حاۋىپ - قاتەر ەمەس. قازىر ىندەتتەن ساقتانۋ - تىزگىندەۋ جاعدايى ءالى اۋىر دا كۇردەلى، بەلگىلى تۇراقسىزدىق بار، قايتا بەلەڭ بەرۋ قىسىمىنا ءدوپ كەلۋدە، استە كوزسىزدىكپەن ۇمىتكەرلىككە سالىنۋعا بولمايدى. قازىر ءالى دە 9000نان استام جاقىن جۋىسۋشى شوعىرلى مەديتسينالىق باقىلاۋىن قابىلداۋدا، تاعى اۋرۋ بەلگىسى جوق 126 جۇعىمدالۋشى بار، الداعى بىرنەشە كۇندە جاڭادان ارتقان دياگنوزى تۇراقتاندىرىلعان ناۋقاستاردىڭ تاعى دا مالىمدەلۋ مۇمكىندىگىن جوققا شىعارۋعا بولمايدى.
نەعۇرلىم نۇر - شۇعىلا جاقىنداعان سايىن، سولعۇرلىم ات ءۇستى قاراۋعا بولمايدى. تاراۋلار، ورىندار، الەۋمەتتىك اۋماقتار ساقتانۋ - تىزگىندەۋ شارالارىن ۇزدىكسىز قاتاڭ تياناقتاندىرىپ، ىندەتتەن ساقتانۋ - تىزگىندەۋ قىزمەتىن عىلمي، دالمە - ءدال، ءونىمدى ىلگەرىلەتۋ؛ قالىڭ قالا حالقى استە قىراعىلىقتى بوساڭسىتپاۋ، وزىندىك قورعانۋدى عىلمي تۇردە جاقسى ىستەپ، بەلسەنە سايكەسىپ، ىندەتتەن ساقتانۋ - تىزگىندەۋ تالاپتارىن قاتايتۋ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن تابىستارىن استە سەلگە كەتىرمەۋ كەرەك.
