شينجياڭ گازەتىنىڭ جالپىلىق اقپارات قۇرالدارى تىلشىلەرى سۋ لۋپيڭ، چاۋ جين 8 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋىمىزشا، مەديتسينا دارىندىلارىن باۋلۋ جۇيەسىن كەمەلدەندىرۋ، ”ۇيىرمە قۇراۋ ۇلگىسىندەگى“ ەمدەۋ بويىنشا شينجياڭعا كومەكتەسۋ، بىرەگەي مەديتسينا دارىندىلارىن ەنگىزۋ سياقتىلار ارقىلى رايونىمىزداعى شيپاگەرلەر قوسىنىنىڭ كاسىپتىك ساپاسى جاپپاي جوعارىلاعان. قازىرگە دەيىن رايونىمىزدا تىزىمگە تىركەلگەن 67 مىڭ 400 شيپاگەر بار. سان مولشەرى جاعىنان ۇزدىكسىز ارتۋمەن بىرگە، شيپاگەرلەردىڭ تەحنيكاسى دا ۇزدىكسىز جوعارىلاپ، قوسىن ۇزدىكسىز ساپالىلانعان.
مەملەكەت ەمدەۋ دارىندىلارىن ”ۇيىرمە قۇراۋ ۇلگىسى“ بويىنشا شينجياڭعا كومەكتەسۋدى اتقارىپ، ”شيپاحانالار بولىمدەردى كوتەرمەگە الۋدى“ ۋاكىلدىك ەتكەن شيپاحانانىڭ ەمدەۋ، باسقارۋ قابىلەتىنىڭ ”بىردەي جوعارىلاۋىن“ ىلگەرىلەتىپ، ”ۇيىرمە ۇيىرمەنى جەتەكتەۋدى، ماماندار تىرەكتىلەردى جەتەكتەۋدى، ۇستازدار شاكىرتتەردى جەتەكتەۋدى“ ۋاكىلدىك ەتكەن شيپاگەرلەردىڭ قىزمەت وتەۋ قابىلەتىنىڭ ”قايتا بەكەمدەلۋىنىڭ“ جانە دارىندىلار قوسىنىنىڭ ”جەرگىلىكتى ورىننان بولۋىن“ بەلسەنە ىلگەرىلەتىپ، شيپاحانامەن باۋلۋ جوسپارىن جاساۋ، جەرگىلىكتى ورىندارداعى كاسىپتىك تىرەكتىلەردى كومەكتەسەتىن شيپاحانالارعا مىندەتكە قويىپ تاربيەلەۋ جانە ۇيرەنۋ، شىنىعۋعا ۇيىمداستىرۋ، ءتۇرلى لەكسيالار وتكىزۋ، ايماقتارداعى، اۋداندارداعى ەمدەۋ قىزمەتكەرلەرىن باۋلۋ سياقتىلار ارقىلى ”قان قۇيۋدى“ ”قان جاساۋعا“ وزگەرتىپ، كومەككە يە بولعان جەرلەردەگى شيپاگەرلەردىڭ تەحنيكالىق قابىلەتى ورەسىن جاپپاي جوعارىلاتتى.
ۇزدىك كلينيكالىق مەديتسينا دارىندىلارىن باۋلۋ ءۇشىن رايونىمىز مەديتسينا عىلىمىنىڭ ماگيسترى عىلمي اتاعى بويىنشا اسپيرانتتىق اعارتۋ مەن بالنيتسا شيپاگەرلەرىن جۇيەلى باۋلۋدى ورگانيكالى ۇشتاستىرىپ، كلينيكالىق اماليات وقىتۋىن كۇشەيتىپ، مەديتسينا وقۋشىلارىنىڭ ءىس جۇزىندىك ماسەلەلەردى شەشۋ قابىلەتىن جوعارىلاتتى. بيىل رايونىمىز بالنيتسا شيپاگەرلەرىن بالنيتسادا جۇيەلى باۋلۋ كەزىندە اسپيرانتتىقپەن تەڭ دارەجەدە وقىتۋعا ءوتىنىش ەتۋ ساياساتىن تياناقتاندىرىپ، ەمدەۋ مەن وقىتۋدى سايكەستىرىپ ادام تاربيەلەۋ مەحانيزمىن اناعۇرلىم اقاۋسىزداندىرىپ، كلينيكالىق مەديتسينا دارىندىلارىن باۋلۋ ساپاسىن جوعارىلاتادى.
رايونىمىز تاعى 3 - دارەجەلى شيپاحانالارعا ”مىندەتتەمەلى باسقارۋ ۇلگىسىندەگى“، ”ۇيىرمە قۇراۋ ۇلگىسىندەگى“ كومەكتەسۋ - سۇيەمەلدەۋ ارقىلى ”اۋدان مەن اۋىل ءبىر تۇلعالانۋ، اۋىل مەن قىستاق ءبىر تۇلعالانۋ“ مەحانيزمى قۇرىلىسىن كۇشەيتتى. ”اۋدان ۇسىنىس ەتۋدى، اۋدان باسقارۋدى، اۋىل ىستەتۋدى“ جولعا قويىپ، قابىلداۋ، جىبەرۋ، جۇمىس ورنىنداعى قىزمەتكەرلەردى باۋلۋ ەمتيحانى سياقتى تاسىلدەرمەن اۋىل - قىستاق شيپاگەرلەرىن باعىتتامالى باۋلۋ، ءىسورنى شتاتىنداعى اۋىل - قىستاق شپياگەرلەرىن قابىلداۋ، الىس ارالىقتا ۇنەمىلىك مەديتسينالىق تاربيەلەۋ ورتالىعىن قۇرۋ سياقتى شارالاردى اتقارىپ، قىستاق شيپاگەرلەرىندەگى ”جەتەرسىزدىكتەردى“ جاپپاي جويىپ، نەگىزگى ساتى ەمدەۋ دارىندىلارىنىڭ ولقىلىعىن ءونىمدى تولىقتادى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، رايونىمىزداعى 200 مىڭعا جۋىق ەمدەۋ - دەنساۋلىق ساقتاۋ قىزمەتكەرى ىندەتتەن ساقتانۋ - تىزگىندەۋدىڭ ءبىرىنشى شەبىنە بارىپ، مەديتسينالىق قۇتقارۋ - ەمدەۋدى، نۋكلەين قىشقىلىن تەكسەرۋدى، نەگىزدىك ساقتانۋ - قورعانۋدى جانە سالاماتتىق ۇگىت - ءناسيحاتىن جۇرگىزۋدى بار كۇشپەن ورىستەتىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعادى. بۇل رەتكى ىندەتتىڭ زور سىناعى بارىسىندا، قالىڭ ەمدەۋ قىزمەتكەرلەرى ءوزارا سايكەسىپ، قامال الىپ، قيىندىقتى جەڭىپ، ءار ۇلت بۇقاراسىنىڭ ءومىرىن، سالاماتتىعىن قورعاۋمەن بىرگە، وزدەرىن جەدەل ىسىلدىردى، جوعارىلاتتى.
”وسى رەت ءبىز ەلىمىزدەگى جوعارى ورەدەگى ماماندارمەن بىرگە ناۋقاستاردى قۇتقاردىق - ەمدەدىك، ماماندارمەن بىرگە ءار كۇنى تۇجىرىمداۋ جانە ناۋقاستار بولمەسىن ارالاۋ بارىسىندا ءبىز كوپتەگەن نارسەلەردى ۇيرەندىك“، -دەدى اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا قۇتقارۋ - ەمدەۋگە بەلگىلەگەن شيپاحانانىڭ سالماقتى اۋرۋلار مەديتسيناسى 2 - ءبولىمىنىڭ مەڭگەرۋشىسى ما لۇڭ، - مامانداردىڭ ناۋقاستاردى ەمدەۋ جوباسىن قاتاڭ جاساپ، قاتاڭ اتقارىپ، قاتاڭ تياناقتاندىرۋى ولاردىڭ شوگەل مەديتسينالىق پوزيتسياسىن تولىق ايگىلەپ، قۇتقارۋ - ەمدەۋگە ات سالىسقان ەمدەۋ قىزمەتكەرلەرىنە وڭايلىقپەن قولعا كەلمەيتىن ۇيرەنۋ ورايىن ازىرلەدى، شينجياڭداعى سالماقتى ناۋقاس قوسىنىنداعى بارلىق ەمدەۋ قىزمەتكەرلەرى جونىنەن العاندا، تابىسى مول دەۋگە بولادى، ”ءبىز سالاماتتى شينجياڭ قۇرىلىسىنىڭ تاباندى ىلگەرىلەتۋشىلەرى، ءار ۇلت بۇقاراسىنىڭ دەنساۋلىعىنىڭ ادال قورعاۋشىلارى، مەديتسينا عىلىم - تەحنيكاسىنان جاڭالىق اشۋشىلاردىڭ قاجىماس باستاماشىلارى بولىپ، ساپالى قىزمەت وتەۋ ارقىلى ءار ۇلت بۇقاراسىنىڭ سالاماتتىق باقىتىن ارتتىرامىز.
