شيپاحانادان شىققان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 600دەن استى
تيانشان تورىنىڭ حابارى (جالپىلىق اقپارات قۇرالدارى ءتىلشىسى چاۋ جين حابارلايدى). مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى مەديتسينالىق ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 18 - كۇنى ءۇرىمجى قالاسىندا دياگنوزى تۇراقتاندىرىلعان تاعى 23 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسىپ، ساۋىعىپ شيپاحانادان شىقتى، اۋرۋ بەلگىسى جوق 12 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن، دياگنوزى تۇراقتاندىرىلعان 495 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 126 جۇعىمدالۋشى مەديتسينالىق باقىلاۋدان بوساتىلىپ، جالپى سانى 621 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: قازىرگە دەيىن، وسى رەتكى ىندەتتە ساۋىعىپ شيپاحانادان شىققان دياگنوزى تۇراقتاندىرىلعان ناۋقاس پەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 600 دەن استى، ساۋىعىپ شيپاحانادان شىققان ناۋقاستاردىڭ سانى جالپى مالىمدەگەن دياگنوزى تۇراقتاندىرىلعان ناۋقاستار جالپى سانىنىڭ جارىمىنان استى. بۇل ٴبىزدىڭ الدىڭعى مەزگىلدەگى دەر كەزىندە ساراپتاپ تەكسەرۋىمىزدىڭ جانە دالمە ـ ٴدال قۇتقارىپ - ەمدەۋىمىزدىڭ ٴونىمدى، پارمەندى بولعاندىعىن تولىق تۇسىندىرەدى. ٴبىز بارلىق ەمدەۋ قىزمەتكەرى ءۇرتىس سەنىمدى بەكەمدەپ، قيىندىقتاردان تايسالماي العا ۇمتىلىپ، ەڭ قۋاتتى شايقاستىق كۇشتى ۇيىستىرىپ، وسى وتكەلدەن، وسى توسقاۋىلدان ٴوتىپ، ٴتىپتى دە كوپ ناۋقاستىڭ ەرتەرەك ساۋىعىپ شيپاحانادان شىعۋىنا كومەكتەسەمىز.
