ديقاندارعا تاماشا ”بولاشاق“ الا كەلدى
ديقاندار شيمەي ۇزۋدە.
تيانشان تورىنىڭ حابارى (سۋرەتىن ءتۇسىرىپ حابارىن جازعان ەرىكتى تىلشىلەر يۇڭ حاي، لينا). ”بيىل شيمەي مول ءونىم بەردى، بىلتىرعىدان كوپ، مەجەمەن 300 مىڭ يۋان كىرىس كىرەدى. بۇدان كەيىن، مەن ءتىپتى دە كۇش سالىپ، تۇرمىسىمدى جاقسارتامىن“. شيمەيدىڭ كىرىستى ارتتىرىپ، اۋقاتتانۋ جولىنا باستاعانىن تىلگە تيەك ەتكەندە، شينجياڭ ىلە قازاق اۆتونوميالى وبلىسى شاپشال سىبە اۆتونوميالى اۋدانى لياڭفانچاڭ اۋىل شارۋاشىلىق 3 - ليانىندەگى ەگىمشى وتباسى ليۋ حۋايىڭنىڭ كەۋدەسىن باقىت سەزىمى كەرنەيدى.
8 - ايدىڭ 13 - كۇنى، ءتىلشى ليۋ حۋايىڭنىڭ شيمەي باقشاسىنان، بۇتاقتى مايىستىرا سامسىپ تۇرعان ءموپ - ءمولدىر، جەمىسى تولىق، ادامدى ەرىكسىز باۋرايتىن ءتاتتى شيمەيدى كوردى. ليۋ حۋايىڭ مەن باسقا قىستاق تۇرعىندارى شيمەيدى ءۇزۋ، ولشەۋ، قوراپتاۋ قاتارلى جۇمىستارمەن قاربالاس بولدى، جۇزدەرىنەن شاتتىقتىڭ لەبى جۇزدەرىنەن بىلىنەدى. جياڭسۋ ۋشيدان كەلگەن ساتىپ الۋشى ساۋداگەر لۋ جينلين بىلاي دەدى: ليۋ حۋايىڭ وتباسىنىڭ شيمەيىنىڭ رەڭى قانىق، ءدامى وزگەشە، تاسىمالداۋعا ءتوزىمدى، ىشكى ولكەدەگى تۇتىنۋشىلاردىڭ قارسى الۋىنا يە بولدى. ”بۇگىن، مەن ون نەشە توننا شيمەي ساتىپ الىپ، جىجياڭ، جياڭسۋ، شاندۇڭ قاتارلى جەرلەرگە ساتپاقشىمىن“.
2008 - جىلى كىرىستى ارتتىرۋ ارناسىن كەڭەيتۋ ءۇشىن، ليۋ حۋايىڭ 2000 ءتۇپ جاڭا سورتتى شيمەي اعاشى قالامشاسىن سىناق رەتىندە ەكتى، جىڭىشكەلىكپەن باپتاۋ، كوپ ءتۇرلى شارا قولدانۋ ارقىلى ءونىم ساپاسى مەن ءونىم مولشەرىن جوعارىلاتتى. بيىل، 40 مۋ جەردەگى شيمەيدەن مول ءونىم الىپ، ىشكى ولكەدەگى ءارقايسى ۇلكەن قالالارعا ساتتى. ”بيىل اۋا رايى سەبەبىنەن، تەمپەراتۋرا پارقى ۇيلەسىمدى بولىپ، شيمەيدىڭ رەڭى دە وتە جاقسى، قانت قۇرامى جوعارى، ءدامى وزگەشە بولىپ، بىزگە جوعارى ەكونوميكالىق ونىمدىلىك جاراتتى“،-دەدى ليۋ حۋايىڭ.
ليۋ حۋايىڭنىڭ شيمەيى مول ءونىم بەرۋمەن بىرگە، جەرگىلىكتى ورىنداعى 50دەن استام ارتىق ەڭبەككۇشتى كاسىپتەندىردى. ”مەن نەگىزىنەن شيمەي ۇزەمىن، ەڭبەكاقىمدى كۇن بويىنشا ەسەپتەيدى، ءبىر كۇندە 130 يۋان تابامىن، وتباسىمنىڭ تۇرمىستىق اۋىرتپالىعىن جەڭىلدەتتى“،-دەدى قىستاق تۇرعىنى نۇركاميلا بەكتۇرسىن.
مول ءونىم بەرگەن شيمەيدىڭ كىرىستى ارتتىرىپ، اۋقاتتاندىرۋدىڭ ”التىن جەمىسىنە“ اينالعانىن كورىپ، ليۋ حۋايىڭ جالعاستى جاقىن ماڭداعى قىستاق تۇرعىندارىنا ءتىپتى دە كوپ جۇمىس ورنىن دايىنداماقشى. ”كەلەر جىلى، مەن جەمىس باقشاسىن باسقارۋ تەبىنىن ارتتىرىپ، جەمىس ونىمدەرىنىڭ ساپاسىن جوعارىلاتىپ، ونىمدىلىكتى ارتتىرامىن، بۇل جەرگە ءتىپتى دە كوپ قىزمەتكەر قاجەت، مەن كوپشىلىكتى وزىممەن بىرگە كىرىستى ارتتىرىپ، اۋقاتتانۋ جولىنا باستايمىن“،-دەدى ليۋ حۋايىڭ.
