تيانشان تورىنىڭ حابارى (سۋرەتىن ٴتۇسىرىپ حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 18 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ - تىزگىندەۋ قىزمەتى جونىندە 32 - رەتكى اقپار جاريالاۋ ٴماجىلىسىن اشتى.
ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، زاتتىق ماتەريالداردىڭ اينالىمى، بۇقارانىڭ نەگىزگى تۇرمىستىق قاجەتىن قامتاماسىزداندىرۋ ءۇشىن، ءۇرىمجى قالالىق ىندەتتەن ساقتانۋ - تىزگىندەۋ قىزمەتى قولباسشىلىق شتابى جاقىندا «ىندەتتەن ساقتانۋ - تىزگىندەۋ مەزگىلىندە پوچتا جەدەل جولداما كاسىبىنىڭ زاتتىق ماتەريالداردى جەتكىزۋ قىزمەتىن ويداعىداي ىستەۋ جونىندەگى ۇقتىرۋدى» شىعاردى، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ شارتىندا، بۇكىل قالاداعى پوچتا كاسىپورىندارىن ىندەتتەن ساقتانۋ جانە تۇرعىنداردىڭ نەگىزگى تۇرمىستىق زاتتىق ماتەريالدارىن جەتكىزۋدى قامتاماسىز ەتۋ قىزمەتىن تارتىپپەن ورىستەتۋگە ٴبىر تۇتاس ورنالاستىردى.
ٴۇرىمجى قالالىق حالىق ۇكىمەتىنىڭ ورىنباسار باس حاتشىسى ليۋ جۇن بىلاي دەپ تانىستىردى: بارلىق جەدەل جولدامالار تۇگەلدەي جۋىسپاي جەتكىزىلەدى، جەدەل جولدامانى جەتكىزۋشىلەر شاعىن اۋماققا كىرمەيدى، الەۋمەتتىك اۋماق قىزمەتكەرلەرىمەن تىكەلەي جۋىسپايدى. ٴارقايسى الەۋمەتتىك اۋماق (قىستاق) شاعىن اۋماق قاقپاسىنىڭ الدىنداعى اۋا الماساتىن جەردە ارناۋلى ورىن بەلگىلەپ جەدەل جولدامالاردى قابىلدايدى. جەتكىزۋشى جەدەل جولدامانى شاعىن اۋماق قاقپاسى الدىنداعى بەلگىلەنگەن ورىنعا جەتكىزىپ بەرگەننەن كەيىن قايتادى، الەۋمەتتىك اۋماق قىزمەتكەرلەرى جەدەل جولدامالاردى زارارسىزداندىرادى ٴارى سول جەردە ٴبىر ساعاتتان ارتىق ۋاقىت قويا تۇرادى، سودان كەيىن الەۋمەتتىك اۋماق قىزمەتكەرلەرى تۇرعىنداردىڭ ۇيىنە جەتكىزىپ بەرەدى، الەۋمەتتىك اۋماق قىزمەتكەرلەرىنىڭ پوچتا جەدەل جولداماسىن تاپسىرىپ الۋدان باس تارتۋىنا بولمايدى.
ليۋ جۇن بىلاي دەدى: ىندەتتەن ساقتانۋ - تىزگىندەۋگە سايكەستى جەدەل جولداما قىزمەت وتەۋ ٴتارتىبىن ورناتىپ جانە كەمەلدەندىرىپ، ىندەتتەن ساقتانۋ - تىزگىندەۋ قىزمەت تالاپتارىن قاتاڭ تياناقتاندىرىپ، جەدەل جولداما جەتكىزۋ حاۋىپسىزدىگىن باسقارۋ ٴتۇزىمىن قاتاڭ اتقارۋ كەرەك. ٴارقايسى پوچتا جەدەل جولداما كاسىپورىندارى تۇلعالىق جاۋاپكەرشىلىكتى ۇستىنە الىپ، قىزمەت ورنىنا قايتقان قىزمەتكەرلەردىڭ دەنساۋلىعىن باقىلاۋ - تەكسەرۋدى جانە حاۋىپسىزدىكتى قورعاۋدى كۇشەيتۋى كەرەك. ٴارقايسى كاسىپورىنداردىڭ ٴبولىپ تاراتۋ ورتالىقتارى، تيجارات جۇرگىزۋ تۇيىندەرى «ءۇرىمجى قالاسىنىڭ جەدەل جولداما جەتكىزۋ كاسىپورىندارىنىڭ پوچتا جولدامالارىن، جەدەل جولدامالاردى زارارسىزداندىرۋ قىزمەت باعدارناماسىنىڭ» تالابى بويىنشا، پوچتا جولدامالارىن، جەدەل جولدامالاردى جانە سىرتقى ورتانى زارارسىزداندىرۋ قىزمەتىن ويداعىداي ىستەپ، ٴار كۇنى جەتكەن اۆتوكولىكتەردى، قايتقان اۆتوكولىكتەردى، قايتۋدان بۇرىنعى اۆتوكولىكتەردى بۇركۋ تاسىلىمەن زارارسىزداندىرۋ كەرەك. ٴبىرىنشى شەپتەگى جەدەل جولداما جەتكىزۋشىلەر قىزمەت ورنىنا قايتۋدان بۇرىن ٴسوزسىز نۋكلەين قىشقىلىن اقىسىز تەكسەرتەدى، كەيىنگى قىزمەت بارىسىندا، ٴار 7 كۇندە ٴبىر رەت نۋكلەين قىشقىلىن تەكسەرتەدى.
بۇدان سىرت، ٴارقايسى پوچتا جەدەل جولداما كاسىپورىندارى تەمپەراتۋرا ولشەۋىش، زارارسىزداندىرۋ سۇيىقتىعى، ماسكى، قولعاپ سياقتى ساقتانۋ - تىزگىندەۋ زاتتىق ماتەريالدارىن زاپاس ساقتاۋ، پايدالانۋ جۇمىستارىن ويداعىداي ىستەپ، جەتكىزۋشىلەردىڭ ماسكىنى، قولعاپتى عىلمي تۇردە تاعۋىنا جەتەكشىلىك ەتۋى كەرەك. بارلىق قىزمەتكەرلەردى جابىق باسقارىپ، ٴبىر تۇتاس جاتاققا ورنالاستىرىپ، وڭاشالانىپ تاماقتاندىرۋ كەرەك، قىزمەت ۋاقىتىنان سىرت بەتالدى سىرتقا شىعۋعا بولمايدى، سونداي - اق ٴار كۇنى جاتاق ورتاسىن زارارسىزداندىرىپ، اۋا الماستىرۋ كەرەك.
