اقسۋ ايماعى: مول ٴونىم الدى

　　بىرنەشە كۇننەن بەرى، اقسۋ ايماقتىق ساياسي كەڭەس ورگانىنىڭ اقسۋ قالاسى يگەرشى اۋىلى سورتتى تۇقىم جوعارعى شوعتال قىستاعىندا تۇراتىن قىزمەت اترەتىنىڭ مۇشەلەرى قىستاق تۇرعىندارىنىڭ جۇگەرى جيناۋىنا كومەكتەستى.

　　تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر دۋان شياۋماۋ، ياڭ شو، ەرىكتى تىلشىلەر نياز راحىمان، جوۋ جۇنجيە). جيىن - تەرىن ماۋسىمىندا، ۇشى قيىرسىز اتىز ادامدى ءتانتى ەتەتىن رەڭگە، جۇرك تەبىرەنتەتىن كورىنىسكە تولادى، باجايلاپ كوز سالساڭىز، زور تابىس پەن مول ءونىم شاتتىعىن كورە الاسىز.

　　ٴتىلشىنىڭ شينجياڭ اقسۋ ايماقتىق ساۋدا مەكەمەسىنەن ۇعىسۋىنشا، قازىرگە دەيىن اقسۋ ايماعىنداعى 25 استىق ٴوندىرىس كاسىپورنى قالىپتى ٴوندىرىس، تيجارات جۇرگىزىپ، كۇندىك استىق ءوندىرۋ مولشەرى 470 توننا، قامبادا ساقتالعان استىق 9125 توننا، قامبادا ساقتالعان اۋەلگى استىق 63 مىڭ 172 توننا، ازىقتىق ماي مانەرلەۋ كاسىپورىندارىنىڭ قامباداعى شاعىن قوراپتى ازىقتىق ماي 1355 توننا بولعان. 25 سويىس الاڭى قالىپتى تيجارات جۇرگىزىپ، سىير، قوي، شوشقا ەتتەرىنىڭ كۇندىك بازارعا سالىنۋ مولشەرى 73.4 تونناعا جەتىپ، الدىڭعى كۇنمەن تەڭەسىپ وتىرعان، ءۇي قۇستارى جۇمىرتقاسىنىڭ ءونىم مولشەرى 120 توننا، سيىر ءسۇتىنىڭ ءونىم مولشەرى 60 توننا بولىپ، بازار قامداۋى جەتكىلىكتى. شينجياڭ حۇڭچيپو اۋىل شارۋاشىلىق زات اينالىمى باقشاسى، شينجياڭ (اقسۋ) اۋىل شارۋاشىلىق ونىمدەرى ساۋدا ورتالىعى سىندى ەكى ۇلكەن كوكونىس تولايىم بازارى 7 - ايدىڭ 27 - كۇنىنەن بەرى جالپى 23 مىڭ 739 توننا كوكونىس جوتكەلىپ، 20 مىڭ 665 توننا كوكونىس ساتىلعان.

　　اقسۋ ايماعىنىڭ جەر - جەرى ىندەتتەن ساقتانۋ - تىزگىندەۋ شارالارىن تياناقتاندىرۋ العى شارتىندا، ٴار جاقتاعى كۇشتەردى ۇيىمداستىرىپ جانە سايكەستىرىپ، ديقاندارعا كومەكتەسىپ جيناۋ، ساتۋ قاتارلى قىزمەتتەردى جاقسى ىستەدى، اتىزدان بازارعا، بازاردان شاعىن اۋماققا دەيىن، اۋىل شارۋاشىلىق ونىمدەرىنىڭ ساتىلۋ ارناسىن ۇزدىكسىز ىركىلىسسىزدەندىرىپ، شارۋالاردىڭ كىرىستى ارتتىرۋىنا كومەكتەسىپ، جەمىس ـ جيدەك، كوكونىسپەن قامداۋدى جانە باعانىڭ ورنىقتىلىعىن ساقتاۋدى بار كۇشپەن قامتاماسىز ەتتى.

。