شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، يۇي مىڭران، سۋ لۋپيڭ
8 - ايدىڭ 19 - كۇنى 3 - رەتكى جۇڭگو شيپاگەرلەر مەرەكەسى. باس شۋجي شي جينپيڭ بۇكىل ەلدەگى قالىڭ ەمدەۋ قىزمەتكەرلەرىن مەرەكە بايلانىسىمەن قۇتتىقتادى جانە ولاردان ىقىلاستى حال سۇرادى، قالىڭ ەمدەۋ قىزمەتكەرلەرىن تولىق تۇراقتاندىردى جانە ولارعا ەرەكشە قامقورلىق جاسادى.
وسى ەرەكشە مەرەكە ىندەتتەن ساقتانۋ - تىزگىندەۋدىڭ ءبىرىنشى شەبىندە كۇندى تۇنگە جالعاپ شايقاس جۇرگىزگەن قالىڭ اق حالاتتى پەرىشتەلەرگە ءتان. وسى ”جاڭا داۋىردەگى ەڭ سۇيىكتى ادامدارىمىز“ ىس - تۇتەكسىز شايقاس بارىسىندا ۋاقىتپەن جارىسىپ، اۋرۋمەن بەلدەسىپ، ءتان مەن جانعا تۇسكەن وي جەتكىسىز قىسىمعا توزە وتىرىپ، ناۋقاستارعا ءۇمىت پەن نۇر شۇعىلا سيلادى. ولار ىسىلعان شيپاگەرلىك ونەرلەرىمەن، تاڭداۋلى ستيلدەرىمەن، عىلمي رۋحپەن، كورنەكتى قىزمەتتەرىمەن ”ءومىردى قاستەرلەۋ، اجالعا اراشاشى، جارالىعا مەدەت بولۋ، ۇلەس قوسۋعا پەيىل بولۋ، شەكسىز ۇلى سۇيىسپەنشىلىك ارناۋ“ سىندى وسكەلەڭ رۋحىن تولىق ءتۇسىندىردى.
كەلەلى تاپسىرمانى ەستە بەرىك ساقتاپ، حالىق ەڭ قاجەت ەتكەن جەرلەرگە باردى
”شينجياڭ حالقى سىزدەرگە مۇقتاج!“ دەگەن بۇيرىق بەرىلىسىمەن حۋبەي، سىچۋان، جياڭسۋ، شاندۇڭ، لياۋنيڭ، شانشي، چۇڭچيڭ، حىنان، حۋنان، جيلين، جىجياڭ، شاڭحاي سياقتى 12 ولكە، قالانىڭ 21 تەكسەرۋ - ولشەۋ اترەتى شينجياڭعا كومەكتەسۋگە تىزگىن ۇشىمەن كەلدى.
ىندەت الدىندا، ۋاقىت − ءومىر، اۋەل باستان دەرەۋ ات سالىسۋ، ىندەتكە قارسى اتتانۋدىڭ ساقتىق شەبىن قورعاۋ − بارلىق ادامنىڭ بار قايراتىن سارقا جۇمساۋىن قاجەت ەتەدى. ”حۋبەيعا كومەكتەسكەن تاجىريبەمىز بار، وسى جولى ءبىز شينجياڭعا قىزمەتكە كەلدىك، كوپشىلىكتىڭ نۋكلەين قىشقىلىن تەكسەرۋ - ولشەۋ مىندەتىن جوعارى ونىمدىلىكپەن، دالمە - ءدال ورىنداۋعا سەنىمى مەن قابىلەتى قاپتال جەتەدى“، - دەدى جىجياڭ ولكەلىك اۋرۋدان ساقتانۋ - تىزگىندەۋ ورتالىعىنىڭ ساپا باسقارۋ جاۋاپتىسى لي جىن. جىجياڭ ولكەسىنەن شينجياڭعا كومەككە كەلگەن نۋكلەين قىشقىلىن تەكسەرۋ - ولشەۋ اترەتىندەگى جالپى 64 ادامنىڭ ورتاشا جاسى 34.3 جاس، جاس ۇجىم قاجىرلى دا كاسىپ سۇيگىش ەكەن.
مۇنىڭ استارىندا ادامدى اسەرلەندىرەتىن ونىمدىلىك جاتىر. تاجىريبەحانانىڭ جابدىقتارى كۇنى - ءتۇنى اينالىس جاساپ، تەكسەرۋ - ولشەۋشى قىزمەتكەرلەر 4 كەزەكپەن اۋىسىپ قىزمەت ىستەدى، 21 تەكسەرۋ - ولشەۋ اترەتى تاعى نۋكلەين قىشقىلىن الۋ جابدىعى، جارىق ەكراندى مولشەرلەۋ PCR جابدىعى، اكتيۆسىزدەندىرىپ جەتىلدىرۋ ساندىعى، سونداي - اق نۋكلەين قىشقىلىن تەكسەرۋ - ولشەۋ سىناماسى سياقتى زاتتىق ماتەريالداردى الىپ كومەككە كەلىپ، وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىنىڭ ىرىقتىلىعىن قولعا الۋعا قىمباتتى شەشۋشى ۋاقىتتى ۇتتى، جوعارى قىزمەت ونىمدىلىگىمەن قيىندىقتى بىلەك بىرىكتىرە جەڭىپ، ىندەتپەن شايقاستا جەڭىسكە جەتۋدىڭ بەرىك سەنىمىن الا كەلدى.
”ICU 2 - ناۋقاستار اۋماعىنداعى ءبىر سالماقتى ناۋقاستىڭ وڭەشى بىتەلىپ، قورەكتىك سۇيىقتىعى وتپەي جاتىر، بىرىگىپ دياگنوز جاساۋدى ءوتىنىش ەتەمىز“. شينجياڭ مەديتسينا داشۋەسىنە قاراستى 1 - شيپاحانانىڭ اس قورىتۋ 1 - ءبولىمىنىڭ شيپاگەرى چىن چيان دەرەۋ: ”مەنىڭ تاجىريبەم بار، قازىر بارامىن“، - دەپ جاۋاپ قايتاردى.
ۋحانعا كومەكتەسۋ تاجىريبەسى بار چىن چيان اسقازان ءدۇربىسى ارقىلى ناۋقاستىڭ وڭەشىن بىتەپ تۇرعان اس ىرتىگىن دەرەۋ تازالادى. وڭەشى اشىلىپ، قورەكتىك توقتاۋسىز قۇيىلدى، سالماقتى ناۋقاستىڭ جاعدايى دا جاقساردى.
چىن چيان بىلاي دەدى: ”باس شۋجي شي جينپيڭ ەمدەۋ قىزمەتكەرلەرىن تولىق تۇراقتاندىردى، بۇل مەن جونىنەن العاندا، وراسان زور شابىتتاندىرۋ. مەن باس شۋجيدىڭ تاپسىرماسىن ەستە ساقتاپ، شيپاگەرلىك ءمورالدى قادىرلەپ، ەمدەۋ شەبەرلىگىن ۇڭىلە زەرتتەپ، شيپاگەرلىك ستيلىن بەرىك ۇستانىپ، اۋىر مىندەتتى باتىلدىقپەن ارقالاپ، جاۋىنگەر سەرىكتەرىممەن بىرگە ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزەمىن“.
”حالىقتى بارىنەن جوعارى قويۋدىڭ، ءومىردى بارىنەن جوعارى قويۋدىڭ“ جاۋابىن جازدى
”ناۋقاستىڭ جانىنا بارماسام كوڭىلىم جاي تاپپايدى“. بەيجيڭ شيەحى شيپاحاناسى ICU ءبولىمىنىڭ مەڭگەرۋشىسى دۋ بين جاڭا تيپتى ايدارشا ۆيرۋس وكپە قابىنۋىن ەمدەۋ - قۇتقارۋ مەملەكەتتىك ماماندار گرۋپپاسىنىڭ مۇشەسى رەتىندە، جاڭا تيپتى ايدارشا ۆيرۋسپەن بەلدەسۋ بارىسىندا ۋحان، حيلۇڭجياڭ، بەيجيڭ، ءۇرىمجى سياقتى 4 جەردە بولىپ، قىستى، كوكتەمدى، جازدى وتكەردى.
ەرەكشە كەزدە ۇندەۋگە بويسۇندى. ۇرىمجىدە ىندەت تۋىلعاننان كەيىن، دۋ بين، چيۋ حايبو، جاۋ جيانپيڭ، جىڭ رۇيچياڭ قاتارلى 10نان استام تاجىريبەلى ”مەملەكەت قۇراماسىنىڭ“ ماماندارى شار تاراپتان كومەككە كەلىپ، ىندەتكە قارسى اتتانۋدىڭ جارىس الاڭىندا ۇزدىكسىز توپ باستاپ العا ۇمتىلدى.
ءار كۇنى اۋرۋ جاعدايىنا تۇجىرىم جاسادى، سالماقتى ناۋقاستاردىڭ توسەگىنىڭ جانىندا شيپاگەرلىك تاپسىرماسىن جازدى، جاس شيپاگەرلەردىڭ جۇمىسىنا جەتەكشىلىك ەتتى، ناۋقاستاردى سەنىمدى كۇشەيتۋگە شابىتتاندىردى...
”ناۋقاستاردى قورعاۋ شيپاگەردىڭ جاۋاپكەرشىلىگى، ناۋقاستاردىڭ ساۋىعۋى شيپاگەر جونىنەن ەڭ ۇلكەن ماراپات“. ماماندار گرۋپپاسىنىڭ مۇشەسى جىڭ رۇيچياڭ شارشاپ - شالدىقسادا جۇزىنەن ماقتانىش پەن قۋانىش مەن مۇندالايدى.
بۇكىل ەل كولەمىنەن ەڭ تاڭداۋلى شيپاگەرلەردى، ەڭ وزىق جابدىقتاردى، ەڭ شۇعىل قاجەت بايلىقتى جيناپ، قۇتقارۋ - ەمدەۋگە بار كۇشپەن كىرىستى. بەلگىلەنگەن شيپاحانادا ”مەملەكەت قۇراماسى“ ”شينجياڭ قۇراماسىن“ باستاپ، ءبىر نيەتپەن كۇش قوسىپ، ”ءومىردى قورعاۋ شايقاسىن“ باستادى. ءبىرىڭعاي، ولشەمدى قۇتقارۋ - ەمدەۋدى عىلمي ورىستەتۋ بارىسىندا توپ - توپ ناۋقاستار ساۋىعىپ شيپاحانادان شىقتى.
”وسى رەتكى شيپاگەرلەر مەرەكەسىندە ءبىز ىندەتپەن شايقاس جاسادىق. باس شۋجي ءبىزدى ’سالاماتتى جۇڭگو قۇرۋعا، حالىقتىڭ سالاماتتىق قۇت - ىرىسىن ارتتىرۋعا تىڭ ۇلەس قوسۋعا‘ شابىتتاندىردى. بۇل بىزگە قۋاتتى رۋحاني كۇش جانە قولداۋ بولدى“. شينجياڭ مەديتسينا داشۋەسىنە قاراستى 5 - شيپاحانانىڭ تىنىس جولى ءبولىمىنىڭ ورىنباسار مەڭگەرۋشىسى ۋاڭ حايشۇي جاۋاپتى بولعان ناۋقاستار اۋماعىنان كوپتەگەن ناۋقاستار ىركەس - تىركەس شيپاحانادان شىقتى، بۇعان ول ايرىقشا قۋاندى. ”حالىقتى بارىنەن جوعارى، ءومىردى بارىنەن جوعارى قويامىز. جەڭىس شۇعىلاسى الدىمىزدا، ءبىز باستان - اياق مۇقيات بولىپ، قاجىرلىلىقپەن توزىمدىلىك كورسەتىپ، تيتتەي دە بوساڭسىماي، جالپى بەتتىك جەڭىسكە قول جەتكىزبەيىنشە شەپتەن قايتپايمىز“.
ءبىر نيەتپەن تىزە قوسا قورعاپ، سۇيىسپەنشىلىككە، ۇمىتكە، مەيىرگە بولەدى
ICU ناۋقاستار اۋماعىنداعى ءاربىر ناۋقاستىڭ جاعدايىن سالماقتى اۋرۋلار شيپاگەرلەرى كوڭىل تورىنە قويا ءبىلدى. ءاربىر باقىلاۋ - ولشەۋ كورسەتكىشىندەگى بولماشى وزگەرىستەر، ءار رەتكى ECMO مەن شۇعىل قۇتقارۋدىڭ، ءار رەتكى دالمە - ءدال ەمدەۋ، تۇجىرىم جاساۋدىڭ ارقاسىندا سالماقتى، قاتەرلى ناۋقاستار اجالدان اراشالاندى.
ءتۇن ورتاسى، شىرت ۇيقىداعى ناۋقاستىڭ تامىر سوعۋىن ولشەيتىن ساۋساق قىسقىشى ءتۇسىپ قالسا، شيپاگەر بارىپ قايتادان قىستىرىپ قويادى، ساعات سايىن اينالاسىندا ناۋقاستىڭ وتتەگىن سينتەزدەۋ كورسەتكىشىندەگى وزگەرىستى ولشەدى، ولار ”ناۋقاستىڭ ساۋىعۋى شيپاگەردىڭ ەڭبەگىنەن كەلەتىندىگىنە“ كامىل سەندى.
ناۋقاستار اۋماعىندا ”مەيىر ايالداماسى“ ”جۇمىسىن“ باستادى، ازىق - تۇلىك، تۇرمىستىق بۇيىمداردى ناۋقاستاردىڭ تاڭداپ پايدالانۋىنا تەگىن بەردى، مەيىر جەتكىزىپ، سۇيىسپەنشىلىك ۇيىستىردى.
ءار كۇنى تۇستە ناۋقاستار اۋماعىندا مۋزيكا اۋەنى كوتەرىلىپ، جەڭىل ناۋقاستار ەمدەۋ قىزمەتكەرلەرىنىڭ باستاۋىندا بادۋانجين گيمناستيكاسىنا جاتتىعىپ، سالاماتتىق گيمناستيكاسىن بيلەدى، ناۋقاستار اۋرۋ سەبەبىنەن تۇنجىراپ جابىرقامايتىن بولدى.
”سىزدەردىڭ قامقورلىقتارىڭىز بولعاندىقتان عانا ءبىز ساۋىقتىق، بىرگە قۇلشىنايىق“... ناۋقاستار اۋماعىندا قۇرىلعان ۋيچات توبىندا شيپاگەرلەر مەن ناۋقاستار ءبىر - ءبىرىن شابىتتاندىرىپ، جىگەر بەرىپ، اۋرۋدى جەڭۋدىڭ سەنىمىن نىعايتتى.
بىرەۋلەر، مىنە بۇل قامقورلىق، ءاربىر ومىرگە تۇگەلدەي مەيىرىممەن مامىلە جاساعاندىق دەستى.
بىرەۋلەر، مىنە بۇل تاباندىلىق، ىندەت تۋىلعاندا اتويلاپ العا شىعۋ دەستى.
ناۋقاس ليۋ اپاي ادەتتەگى ناۋقاستار بولمەسىنەن ICUعا، ونان قايتا ادەتتەگى ناۋقاستار بولمەسىنە اۋىسىپ، سوڭىندا ساۋىعىپ شيپاحانادان شىقتى، وسى ارالىقتا ول تالاي ەمدەۋ ۇجىمىنىڭ قۇنىتتى ەمدەۋ - قۇتقارۋىنا يە بولدى. ول: ”ىندەتتىڭ ەرتەرەك اياقتاپ، سىزدەردىڭ قورعانۋ - ساقتانۋ كيىمىن شەشىپ، وزدەرىڭىزدىڭ ەڭ كورىكتى بەينەلەرىڭىزدى بىزگە كورسەتۋلەرىڭدى تىلەيمىن“، - دەدى.
