تيانشان تورى   ›   ۇيرەنۋ   ›   شولۋ

اق حالاتتى جاۋىنگەرلەرگە قۇرمەت ءبىلدىرىپ، ىندەتكە قارسى اتتانۋ رۋحىن اسقاقتاتايىق

شينجياڭ گازەتىنىڭ شولۋشىسى

  3 - رەتكى جۇڭگو شيپاگەرلەر مەرەكەسى قارساڭىندا باس شۋجي شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتادى جانە ولاردان ىقىلاستى حال سۇرادى. ول بىلاي دەپ اتاپ كورسەتتى: قالىڭ ەمدەۋ قىزمەتكەرلەرى ىندەتكە قارسى اتتانۋدا قاجىرلى قۇلشىنىس جاساپ، ماڭىزدى ۇلەس قوسىپ، ءومىردى قاستەرلەيتىن، اجالعا اراشاشى، جارالىعا مەدەت بولاتىن، ۇلەس قوسۋعا پەيىل، شەكسىز ۇلى سۇيىسپەنشىلىك ارنايتىن اسقاق رۋحتى ايگىلەدى؛ ”تۇتاس قوعامدا شيپاگەرلەردى قۇرمەتتەپ، دەنساۋلىققا ءمان بەرەتىن تاماشا ورتا جاپپاي قالىپتاستىرۋدى ىلگەرىلەتۋ كەرەك“ دەپ باسا دارىپتەدى. باس شۋجيدىڭ ماڭىزدى نۇسقاۋىنىڭ رۋحى تيانشاننىڭ وڭتۇستىگى مەن سولتۇستىگىندە، ءسوز جوق، ەمدەۋ قىزمەتكەرلەرىنە قۇرمەت ەتىپ، قامقورلىق كورسەتەتىن قوعامدىق راي قالىپتاستىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋگە قۋاتتى كۇش ۇيىستىرادى.

  ىندەت − بۇيرىق، اق حالات − ساۋىت. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، رايونىمىزداعى قالىڭ ەمدەۋ قىزمەتكەرلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ ۇندەۋىنە ءۇن قوسىپ، حالىقتىڭ ماڭىزدى تاپسىرماسىن ارقالاپ، اتويلاپ العا شىعىپ، اق حالاتتان ساۋىت كيىپ ىندەتكە قارسى اتتاندى. جىل باسىنداعى ىندەتتەن ساقتانۋ - تىزگىندەۋدەن، سوناۋ حۋبەيعا كومەككە بارعاننان، وسى ءبىر كەزدەن بەرگى ىندەتتەن ساقتانۋ - تىزگىندەۋدەن قامال الۋ شايقاسىنا دەيىن، ولار جاپاعا ەرەكشە ءتوزىمدى بولاتىن، ەرەكشە شايقاس جۇرگىزەتىن رۋحتى تولىق ساۋلەلەندىرىپ، قايسارلىقپەن كۇرەسىپ، كۇندى تۇنگە جالعاپ ەرلىكپەن شايقاسىپ، دەن قويا ەمدەۋ - قۇتقارۋ جۇرگىزىپ، ىندەتكە قارسى اتتانۋدىڭ ءبىرىنشى شەبىندەگى تىرەككە اينالدى. قازىر ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايىنىڭ بەلسەنە جاقسارعان اۋقىمى كەڭەيۋدە، ساقتانۋ - تىزگىندەۋ قىزمەتى كەزەڭدىك ناتيجەگە قول جەتكىزدى، اق حالاتتى جاۋىنگەرلەردىڭ ەڭبەگى ەرەسەن. ولار حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ الدىڭعى ورىنعا قويىپ، ەشتەڭەدەن تايسالماي، تيتتەي دە قورىقپاي، باتىلدىقپەن جاۋاپكەرشىلىك ارقالاپ، ۇلەس قوسۋعا پەيىل بولىپ، شىڭدالعان قىزمەت ستيلىمەن جانە كاسىپتىك تەحنيكاسىمەن جاڭا داۋىردەگى ەمدەۋ قىزمەتكەرلەرىنىڭ تاماشا وبرازىن ورناتتى. ولاردىڭ اسەرلى ءىس - ىزدەرى اجالعا اراشاشى، جارالىعا مەدەت بولاتىن وسكەلەڭ رۋحتى ايگىلەپ، شيپاگەرلىك ىزگىلىكتىڭ شەكسىز سۇيىسپەنشىلىگىن ءتۇسىندىرىپ، ءار ۇلت تيانشان پەرزەنتتەرىنىڭ ءوزارا قارايلاسىپ، ۋاقىتتىق قيىنشىلىقتى بىرگە جەڭىپ، قاتەردەن قورىقپاي، ەرلىكپەن العا تارتاتىن رۋحاني بەت - بەينەسىن شوعىرلى بەينەلەدى.

  ناعىز ەر اۋمالى - توكپەلى زاماندا كورىنەدى. اق حالاتتى جاۋىنگەرلەر اۋىر جۇك ارقالاپ، ەرلىكپەن العا تارتىپ، ءبىزدى قۇرمەت سەزىمىنە بولەدى. بۇگىن ءبىز اق حالاتتى جاۋىنگەرلەرگە قۇرمەت بىلدىرەمىز، ولاردىڭ پارتياعا، حالىققا بارىنشا جاۋاپتى بولعان وسكەلەڭ رۋحىنا قۇرمەت بىلدىرەمىز، ولاردىڭ باستان - اياق حالىقتىڭ ءومىرىنىڭ حاۋىپسىزدىگى مەن دەنساۋلىعىن الدىڭعى ورىنعا قويعان بەرىك سەنىمىنە قۇرمەت بىلدىرەمىز، ولاردىڭ قاتەردەن قورىقپاي، ەشتەڭەدەن تايسالماي، ەرلىكپەن العا تارتىپ، ادامداردى قۇتقارۋعا ءوزىن ارناپ جاۋاپكەرشىلىك ارقالاعانىنا قۇرمەت بىلدىرەمىز.

  كوپتىڭ قامىن جەگەندى، كوپ تە كۇتەر قادىرلەپ. بۇكىل رايونداعى ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ، مەملەكەتتىك كەڭەستىڭ ەمدەۋ قىزمەتكەرلەرىنىڭ مامىلەسىن قامتاماسىز ەتۋدى كۇشەيتۋ جونىندەگى شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، قالىڭ ەمدەۋ قىزمەتكەرلەرىنە ىرىقتىلىقپەن كوڭىل ءبولىپ، قامقورلىق جاساپ، پارمەندى شارالار قولدانىپ، ولاردىڭ ەڭبەكاقى مامىلەسىن، دامۋ كەڭىستىگىن، كاسىپپەن شۇعىلدانۋ ورتاسىن جانە قوعامدىق ورنىن جوعارىلاتىپ، قامتاماسىز ەتىپ، ەمدەۋ قىزمەتكەرلەرىنىڭ كاسىپتىك داڭق سەزىمىن ۇزدىكسىز كۇشەيتىپ، ولاردىڭ الاڭسىز قىزمەت ىستەۋىنە ءتيىمدى شارت - جاعداي جاراتۋ كەرەك. تۇتاس قوعام تۇگەلدەي، شيپاگەرلەرگە قۇرمەت ەتۋ − ومىرگە قۇرمەت ەتۋ دەگەن تانىمدى ورناتىپ، عىلمي بولعان ءومىر كوزقاراسىن، دەنساۋلىق كوزقاراسىن دارىپتەپ، ەمدەۋ قىزمەتكەرلەرى مەن دەنساۋلىق ساقتاۋ، سالاماتتىق قىزمەتىنە بولعان تۇسىنىك پەن شىنايى تانۋدى ۇزدىكسىز كۇشەيتىپ، شيپاگەرلەردى قۇرمەتتەپ، دەنساۋلىققا ءمان بەرەتىن تاماشا ورتانى ۇزدىكسىز قالىپتاستىرۋ كەرەك.

  ۇلگىنىڭ كۇشى شەكسىز. اق حالاتتى جاۋىنگەرلەرگە قۇرمەت بىلدىرۋدە ءبىز ماڭىزدىسى اق حالاتتى شيپاگەرلەردى ۇلگى ەتىپ، ولاردىڭ پارتيا مەن حالىق قاجەت ەتكەن كەزدە كوكىرەك كەرە العا شىعىپ، قيىندىققا قارسى اتتاناتىن جاسقانباس ۇلى رۋحىن، شارشاپ - شالدىعۋدان قورىقپاي، ۇزدىكسىز شايقاس جۇرگىزەتىن جان قيارلىق رۋحىن ىشكەرىلەي ۇيرەنۋىمىز؛ ولاردىڭ بۇكىل ىنتا - پەيىلىمەن حالىق ءۇشىن قىزمەت ىستەيتىن ۇلەس قوسۋ رۋحىن، قۇربان بەرۋدەن قورىقپايتىن، جاپا - ماشاقاتتان تايسالمايتىن جاۋاپكەرشىلىك ارقالاۋ رۋحىن ۇيرەنىپ، ىندەتكە قارسى اتتانۋدىڭ وسى ۇلى كۇرەسىندە ازىرلەنگەن ىندەتكە قارسى اتتانۋدىڭ ۇلى رۋحىن تيانشاننىڭ وڭتۇستىگى مەن سولتۇستىگىندە بارىنشا ساۋلەلەندىرىپ، ءار ۇلت كادرلارى مەن بۇقاراسىن ءبىر نيەتپەن ىنتىماقتاسىپ، قيىندىققا قارسى اتتانىپ، ءورىس اشا العا ىلگەرىلەپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋ شايقاسىنىڭ شەشۋشى شايقاسىن جۇرگىزۋگە قۋاتتى رۋحاني قوزعاۋشى كۇش ازىرلەۋىمىز كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.