تيانشان تورىنىڭ حابارى (ءتىلشى جاۋ مەي حابارلايدى). ”اعاي - اپايلار كۇندە ارلى - بەرلى شاپقىلاپ بىزگە كوكونىس، جەمىس - جيدەك جەتكىزىپ، دەنە تەمپەراتۋرامىزدى ولشەيدى، راسىندا وتە جاپالى، مەن وسى ساز بالشىقتان جاسالعان ءمۇسىن ارقىلى ’ىندەتكە‘ قارسى اتتانۋ شەبىندەگى ەرىكتىلەرگە، ەمدەۋ قىزمەتكەرلەرىنە قۇرمەت بىلدىرەمىن“،- دەدى 8 - ايدىڭ 19 - كۇنى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) گۋاڭجوۋ كوشەسى الەۋمەتتىك اۋماعىندا تۇراتىن 10 جاستاعى وقۋشى ۋ كاييان تىلشىگە، ول ساز بالشىقتان 20 نەشە ءمۇسىن جاساپ، ”قاھارمانداردىڭ“ ىندەتكە قارسى اتتانۋ بارىسىنداعى جان تەبىرەنتەرلىك كورىنىستەرىن بەينەلەدى.
اسەمونەرگە اۋەس ۋ كاييان ءۇرىمجى قالالىق 122 - باستاۋىش مەكتەپ 4 - جىلدىعىنىڭ وقۋشىسى. جۋىقتا، ول ەرىكتىلەردىڭ تۇرعىندارعا جاپالى قىزمەت وتەپ جۇرگەنىن كورىپ، بالشىق ءمۇسىن جاساپ ىندەتكە قارسى اتتانۋدىڭ ءبىرىنشى شەبىندەگى ”قاھارماندارعا“ قۇرمەت ءبىلدىرۋ ويىنا كەلدى. ول بۇل ويىن تەلەفون ارقىلى مەكتەپتەگى اسەمونەر وقىتۋشىسى جيڭ يافاڭعا ايتتى.
”بالانىڭ جاسامپازدىق ويىن تىڭداپ، شابىتتاندىرۋ كەرەك دەپ ويلادىم، ءسويتىپ ەرىكتىلەر مەن ەمدەۋ قىزمەتكەرلەرىنىڭ ناقتى سۋرەتتەرىن جيناقتاپ، ۋيشين، ەكران، دبىس تاسىلدەرى ارقىلى وعان جەتەكشىلىك ەتتىم“،-دەدى جىڭ يافاڭ، بىرنەشە كۇننەن كەيىن، ۋ كاييان وبرازى جاندى، الپەتى وزگەشە ىندەتكە قارسى اتتانۋ ”قاھارماندارىنىڭ“ وبرازىن جاساپ شىقتى.
”بالشىق مۇسىندەردە ەرىكتىلەردىڭ تۇرعىندارعا تۇرمىستىق بۇيىم جەتكىزىپ بەرگەن، تۇرعىنداردىڭ قوقىر - قوقسىعىن توككەن، ەمدەۋ قىزمەتكەرلەرىنىڭ، ەرىكتىلەردىڭ ءجۇرىس - تۇرىسى قولايسىز قارتتاردى نۋكلەين قىشقىلىن تەكسەرتۋگە اپارعانى سىندى ۇقساماعان كورىنىستەر بار“. ۋ كاييان بۇدان بىلاي ءتىپتى دە كوپ تۋىندىلار جاساپ، شينجياڭعا، ۇرىمجىگە مەدەت بەرەتىندىگىن ايتتى. (سۋرەتتى سۇحبات قابىلداۋشى بەرگەن)
