رايونىمىزدىڭ جەر - جەرى جۇڭگو شيپاگەرلەر مەرەكەسىن قۇتتىقتاۋ قيمىلدارىن ورىستەتتى
جاڭا داۋىردەگى ەڭ سۇيىكتى ادامدارعا قۇرمەت ءبىلدىردى
8 - ايدىڭ 19 - كۇنى اقسۋ ايماقتىق انا - بالالار دەنساۋلىعىن ساقتاۋ شيپاحاناسى بوبەكتەر ءبولىمىنىڭ شيپاگەرلەرى تيان ليشيا (وڭدا) مەن جاۋ جين - يان (سولدا) بوبەكتى تەكسەرۋدە. سۋرەتتى ياڭ شو تۇسىرگەن
8 - ايدىڭ 19 - كۇنى لوپنۇر اۋداندىق حالىق شيپاحاناسىنداعى شيپاگەرلەر قىزمەت ورىندارىنان تاپجىلماي، مەرەكەنى قاربالاس قىزمەت ىشىندە وتكىزدى. سۋرەتتى چاڭ شۋەحۇي تۇسىرگەن
8 - ايدىڭ 19 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانادا مەملەكەتتىك جاڭا تيپتى ايدارشا ۆيرۋس وكپە قابىنۋىنا شالدىققانداردى مەديتسينالىق ەمدەۋ - قۇتقارۋ ماماندار گرۋپپاسىنىڭ مامانى جاۋ جيانپيڭ (وڭنان 1 - ادام) مەن اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىنا شالدىققانداردى مەديتسينالىق ەمدەۋ - قۇتقارۋ ماماندار گرۋپپاسىنىڭ مامانى ياڭ ينيڭ (وڭنان 2 -ادام) بالنيتسالاردى ارالاۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى شيە لۇڭ تۇسىرگەن
8 - ايدىڭ 19 - كۇنى 3 - رەتكى جۇڭگو شيپاگەرلەر مەرەكەسى. بىرنەشە كۇننەن بەرى، رايونىمىزدىڭ جەر - جەرى ينتەرنەت جەلىسىندە، جەلىدەن تىس ءبىر قىدىرۋ قۇتتىقتاۋ قيمىلدارىن وتكىزىپ، ءار ۇلت ەمدەۋ قىزمەتكەرلەرىنە مەرەكەلىك قۇتتىقتاۋ جانە سالەم جولدادى.
8 - ايدىڭ 19 - كۇنى ءۇرىمجى حالىقارالىق شيپاحاناسى جۇڭگو شيپاگەرلەر مەرەكەسى بايلانىسىمەن اڭگىمە، اۋىس - كۇيىس جانە نەگىزگى تاقىرىپتىق پارتيا كۇنى قيمىلىن وتكىزىپ، بارلىق قىزمەتكەرلەردى ۇزدىكسىز كۇرەس جاساۋدىڭ قايىسپاس ستيلىن ساۋلەلەندىرىپ، العان بەتتەن قايتپايتىن كۇرەس كۇيىن ساقتاپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزۋگە شابىتتاندىردى.
”حالىقتى بارىنەن جوعارى قويۋ، ءومىردى بارىنەن جوعارى قويۋ“. وسى شيپاحانانىڭ سالماقتى اۋرۋلار مەديتسيناسى ءبولىمىنىڭ مەڭگەرۋشىسى ۋاڭ يانجۇن ءوزىن وسى ءسوزدىڭ ۇزدىكسىز ىنتالاندىرىپ، شابىتتاندىرىپ كەلگەنىن ايتتى. ”مۇنان كەيىن مەن باس شۋجي شي جينپيڭنىڭ تاپسىرماسىن ەستە بەرىك ساقتاپ، قۇلشىنا ۇيرەنىپ، ءبىلىمىمدى جاڭالاپ، ۇيرەنگەندەرىم ارقىلى قوعامعا قىزمەت ەتەمىن“، - دەدى ول.
بۇل شيپاحانا ءبىرىنشى شەپتەگى ەمدەۋ - كۇتىمدەۋ قىزمەتكەرلەرىنە تاماشا قامتاماسىزدىق ازىرلەپ قانا قويماي، ولاردىڭ وتباسىلارىمەن دە بايلانىس جاساۋ، قارىم - قاتىناس ارناسىن ورناتىپ، ەمدەۋ - كۇتىمدەۋ قىزمەتكەرلەرىن الدىمەن ۋايىمنان ارىلتتى. ىندەت تۋىلعاننان كەيىن، وسى شيپاحانانىڭ شيپاگەرى ۋ جينپيڭ قىزمەت ورنىندا بەرىك تۇردى، ونىڭ جۇبايى سىرت جەردە قىزمەت ىستەيتىن. شيپاحانا ارنايى ادام جىبەرىپ الەۋمەتتىك اۋماقپەن بايلانىس جاساپ، ۇيدەگى بالالارىنىڭ ۇيرەنۋ، تۇرمىس جاعدايىن ۇعىسىپ، قيىنشىلىقتارىن شەشتى.
”شيپاگەر دەگەن كاسىپتى تاڭداعان ەكەنسىڭ، بەلگىلى دارەجەدەن العاندا قىزمەت پەن وتباسىن تەڭ الىپ ءجۇرۋ تىم وڭايعا تۇسپەيدى. سالاماتتىقتىڭ تياناعى، ءومىردىڭ اماناتى. بۇل شيپاگەرلىكتەگى سەرت ءارى ءبىزدىڭ دە سەرتىمىز“، - دەدى ۋ جينپيڭ.
8 - ايدىڭ 19 - كۇنى تۇستەن بۇرىن بۇراتالا موڭعۇل اۆتونوميالى وبلىستىق حالىق شيپاحاناسى ينتەرنەت جەلىسىندە جۇڭگو شيپاگەرلەر مەرەكەسىن قۇتتىقتاۋ جانە ماداقتاۋ - سيلاۋ جينالىسىن وتكىزدى. بۇل شيپاحانا بەينە ەكران ارقىلى 2020 - جىلى ۇزدىك جەتەكتەۋ، ۇيرەتۋ ءبولىمى، تاڭداۋلى جەتەكتەۋ، ۇيرەتۋ ۇستازى داڭقتى اتاعىنا، اۆتونوميالى رايون دارەجەلى جانە ونان جوعارعى داڭقتى اتاققا يە بولعان كوللەكتيۆتەر مەن جەكەلەردى ماداقتاپ - سيلادى.
مەرەكەدە بۇراتالا وبلىستىق حالىق شيپاحاناسىنىڭ ەمدەۋ قىزمەتكەرلەرى قىزمەت ورىندارىنان تاپجىلمادى، ەشقانداي بوساڭسىمادى. وسى شيپاحانانىڭ جۇعىمدالۋ ءبولىمىنىڭ مەڭگەرۋشىسى يىن مىڭ بىلاي دەدى: ”ءار رەتكى قۇلشىنىس تۇگەلدەي اۋەلگى ماقساتتى بەرىك ساقتاۋ، ءار رەتكى ىلگەرىلەۋ تۇگەلدەي ارمانعا دەگەن تالپىنىس سانالادى. ەمدەۋ قىزمەتكەرى رەتىندە، ءبىز، ءسوز جوق، ءاربىر ناۋقاسقا دەن قويا، سۇيىسپەنشىلىكپەن، كۇش سالا ويداعىداي قىزمەت ەتىپ، ءومىردى قاستەرلەۋ، اجالعا اراشاشى، جارالىعا مەدەت بولۋ، ۇلەس قوسۋعا پەيىل بولۋ، شەكسىز ۇلى سۇيىسپەنشىلىك ارناۋ رۋحىن اسقاقتاتىپ، ءومىردى قورعايمىز“.
8 - ايدىڭ 18 - كۇنى اقسۋ ايماقتىق جۇڭگوشا شيپاگەرلىك شيپاحاناسىنىڭ جۇڭگو شيپاگەرلەر مەرەكەسىن قۇتتىقتاۋ قيمىلى ايبىندى سەرت بەرۋ ءۇنى ىشىندە شىمىلدىعىن اشتى. شيپاگەرلەر ۋاكىلى وڭ قولدارىن كوتەرىپ، قۋاتتى ءسوز - سويلەمدەرمەن شيپاگەرلەردىڭ تۇتاس قوعامعا، ناۋقاستارعا دەگەن ايبىندى ۋادەسىن بەينەلەدى.
اقسۋ ايماقتىق جۇڭگوشا شيپاگەرلىك شيپاحاناسى تەكسەرۋ ءبولىمىنىڭ باستىعى ءاديلا تۇردى سەرت بەرگەننەن كەيىن اسەرلەنە: ”مەن جاۋاپكەرشىلىگىمنىڭ اۋىر ەكەندىگىن تەرەڭ سەزىندىم، ەمدەۋ قىزمەتكەرى رەتىندە، ءسوز جوق، پارتيا مەن حالىق جۇكتەگەن مىندەتىمىزدى بۇلجىتپاستان ورىنداپ، حالىق بۇقاراسىنىڭ دەنساۋلىعىن قورعايمىز“، - دەدى.
8 - ايدىڭ 17 - كۇنى سانجى حۇيزۋ اۆتونوميالى وبلىستىق حالىق شيپاحاناسى الەۋمەتتىك نومىردە ەمدەۋ قىزمەتكەرلەرى وزدەرى جازىپ، وزدەرى جاساعان بەينەماتەريال «سۇيىسپەنشىلىك اتىمەن» دەگەن ويىن ءنومىردى جاريالادى. 5 مينۋتتىق بۇل بەينەماتەريال ەمدەۋ قىزمەتكەرلەرىنىڭ قىزمەت بارىسىنداعى كورىنىستەرى ارقىلى شيپاگەر سىندى قاراپايىم دا ۇلى قاۋىمدى قوعامعا كورسەتىپ، جۇرتشىلىققا شيپاگەرلەردىڭ اجالعا اراشاشى، جارالىعا مەدەت بولۋىنىڭ ارعى جاعىنداعى ءۇن - ءتۇنسىز بوداۋىن سەزىندىردى. توراپتاستار قالدىرعان لەبىزدەردە اسەرلەنۋ، العىس ايتۋ، قامقورلىقتى ءبىلۋ سىندى سوزدەر ەڭ كوپ قولدانىلدى.
سانجى وبلىستىق حالىق شيپاحاناسى شۇعىل ەمدەۋ ءبولىمىنىڭ مەڭگەرۋشىسى لي دايحۋا شۇعىل ەمدەۋ بولىمىندە 30 جىلدان استام ۋاقىت قىزمەت ىستەگەن، ول: ”مەنىڭ سوزدىگىمدە كۇندىز، ءتۇن جانە اپتا سوڭى دەگەندەر جوق، شۇعىل قۇتقارۋ - ەمدەۋ تەلەفونىن الۋ دەگەنىمىز بۇيرىق، ءسوز جوق، دەرەۋ قۇتقارۋ قىزمەتىنە كىرىسۋ كەرەك. مەن ەڭ زور قۇلشىنىسىم ارقىلى ءار ءومىردىڭ جالعاسۋىنا مۇمكىندىك جاسايمىن“، - دەدى.
8 - ايدىڭ 19 - كۇنى بيڭتۋان 13 - شىسى حۇڭشيڭ شيپاحاناسى پارتكومى وسى شيپاحانانىڭ 38 بولىمىنە ارنايى جاساتتىرعان تورت جانە سيىر ءسۇتىن تاراتتى ءارى شيپاگەرلەرگە مەرەكەلىك قۇتتىقتاۋ ايتتى. ”ءبىز بارىنشا مەيىرگە بولەندىك، ءبىز اناعۇرلىم تاسقىنداعان قىزمەت ىنتاسىمەن ءار ۇلت بۇقاراسىنىڭ دەنساۋلىعىن ويداعىداي قورعايمىز“، - دەدى حۇڭشيڭ شيپاحاناسى اس قورىتۋ ىشكى اۋرۋلار ءبولىمىنىڭ ورىنباسار مەڭگەرۋشىسى يە لينا.
ىندەتتەن ساقتانۋدىڭ ءبىرىنشى شەبىندە تاپجىلماي تۇرعان ەمدەۋ قىزمەتكەرلەرىنە، ساقشى ىستەرى قىزمەتكەرلەرىنە، الەۋمەتتىك اۋماق قىزمەتكەرلەرىنە، ەرىكتىلەرگە دەگەن العىسىن بەينەلەۋ ءۇشىن، قورعاس اۋدانى ساقا كادرلاردىڭ تۇڭعىش كەزەكتى اۋەدەگى ولەڭ وقۋ جينالىسىن وتكىزدى.
قورعاس اۋداندىق پارتكوم قارت كادرلار مەكەمەسىنىڭ شيياڭحۇڭ ۋيچات توبىندا قارت كادرلار اسقاق سەزىممەن ولەڭ - جىر تۋىندىلارىن وقىدى، قورعاس اۋداندىق پارتكوم قارت كادرلار مەكەمەسىنىڭ ءبي مۇعالىمى جۋ شينرۇڭ بىلاي دەدى: ”ولەڭ وقۋ جينالىسىندا ءبىز، باستىسى، ۇلى وتاندى جىرلاپ، ىندەتكە قارسى اتتانۋدىڭ، ىندەتتەن ساقتانۋدىڭ ءبىرىنشى شەبىندە شايقاس جاساپ جاتقان جاڭا داۋىردەگى ەڭ سۇيىكتى ادامداردى ماداقتادىق، كوپشىلىكتىڭ ات سالىسۋ ىنتاسى وتە جوعارى بولدى“.
(شينجياڭ گازەتىنىڭ جالپىلىق اقپارات قۇرالدارى تىلشىلەرى جيڭ بو، شيا چيڭ، بۇراتالا وبلىسىنداعى تىلشىلەر پۋنكتىنەن جاڭ شياۋمين، ەرىكتى تىلشىلەر ۋاڭ ۋي، ۋاڭ ۋىن، جاڭ چىنجۋان، ما چيان جازعان)
