شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 8 - ايدىڭ 19 - كۇنى ۇرىمجىدەن حابارلايدى. ”قازىر رايونىمىزدىڭ ىندەتتەن ساقتانۋ - تىزگىندەۋىنىڭ بەلسەندى جاقسارۋعا بەت العان اۋقىمى كەڭەيۋدە، ءبىراق، تۇرعىندار ءالى ۇيدە جاتقاندىقتان ءوزىن - ءوزى رەتتەۋدى كۇشەيتۋ، كەرەناۋ كوڭىل كۇيدى تەجەۋ، الەۋمەتتىك اۋماق قىزمەتكەرلەرىنىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە سايكەسۋ كەرەك“، - دەدى 8 - ايدىڭ 19 - كۇنى شينجياڭ رۋحاني سالاماتتىق ورتالىعى نىسان كەڭسەسىنىڭ مەڭگەرۋشىسى مو لانرۇڭ.
مو لانرۇڭ بىلاي دەدى: قازىر تۇرعىنداردىڭ ىندەتكە بولعان تانىمى مەن تۇسىنگى جىل باسىنداعىدان الدەقايدا ارتتى، ۇرەيلەنگەن كوڭىل كۇيى ازايدى. ءبىراق، قىزمەتتىڭ، تۇرمىستىڭ قالىپتى ريتىمىنىڭ وزگەرۋىمەن ۋاقىت ۇزارعان سايىن مازاسىزدانۋ، تورىعۋ، الاڭداۋ، دەگبىرسىزدەنۋ سياقتى كەرەناۋ كوڭىل كۇي پايدا بولادى.
1 - ايدىڭ 25 - كۇنىنەن باستاپ، شينجياڭ رۋحاني سالاماتتىق ورتالىعى پسيحيكالىق كومەك بەرۋ توتە لەنياسىنان 9ىن كوبەيتتى، ەڭ كوپ بولعان كەزدە 60قا تاياۋ رۋحاني سالاماتتىق كاسىپتىك قايراتكەرى توتە لەنيادا كەزەكشى بولىپ، توتە لەنيانى 24 ساعات بويى قابىلدايتىن ادام بولۋعا شىنايى كەپىلدىك ەتتى ءارى پسيحيكالىق كەڭەس بەرۋدىڭ ساپاسىنا كەپىلدىك ەتىپ، تۇرعىنداردىڭ كوڭىل كۇيلەرىن رەتتەۋىنە جانە مەڭگەرۋىنە جاردەمدەستى. قازىرگە دەيىن بۇل توتە لەنيا 10 مىڭ 300دەن استام پسيحيكالىق كەڭەس سۇراۋ تەلەفونىن قابىلدادى، مۇنىڭ ىشىندە 7 - ايدىڭ 17 - كۇنىنەن قازىرگە دەيىن 2700 تەلەفون قابىلدادى.
ءتىلشى تىلشىلىك ىستەگەن كەزدە، جاردەم سۇراعان توتە لەنيا توقتاۋسىز سايراپ تۇردى، قىزمەتكەرلەر كەڭەس سۇراۋشىلاردىڭ ايتقانىن مۇقيات تىڭدادى ءارى ءىس جۇزىندىك جاعدايعا قاراي قارسى جاقتىڭ كوڭىل كۇيى ساباسىنا تۇسكەنشە جەتەكشىلىك ەتتى.
”كەرەناۋ كوڭىل كۇيدىڭ بولۋى ەرەكشە مەزگىلدەگى قالىپتى قۇبىلىس، ءوزىن - ءوزى رەتتەۋ ارقىلى پسيحيكالىق اۋقاۋسىزدىقتى جانە تەپە - تەڭدىكتى ساقتاۋعا بولادى“. مو لانرۇڭ مىناداي ۇسىنىس قويدى: ەڭ اۋەلى، مۇنداي كوڭىل كۇي اسەرىن قابىلداۋ، ونان سوڭ بەلسەندى تۇردە وعان توتەپ بەرۋ كەرەك. ۇيدە جاتقاندا تاماقتانۋدا ءتارتىپ بولۋ، ۇيدە ىستەيتىن جۇمىس بولۋ كەرەك، تۇرعىندار مۋزيكا ەستۋ، تەلەۆيزور كورۋ، لايىقتى ارەكەت جاساۋ، سۋرەت سىزۋ، تاماق ىستەۋ سياقتى شەبەرلىكتەردى ۇيرەنۋى، سونىمەن بىرگە ۇيدەگىلەرىمەن ارقا - جارقا اڭگىمەلەسۋ سياقتىلار ارقىلى كوڭىل كۇيدى ورنىقتى ساقتاۋىنا بولادى. جوعارىدا ايتىلعان رەتتەۋ - ۇيلەسۋ ارقىلى شەشۋگە بولمايتىن قالىپسىز كوڭىل كۇي بولعان شاقتا، رۋحانى سالاماتتىق كاسىپتىك قايراتكەرلەرىنەن پسيحيكالىق جاردەم سۇراۋ نەمەسە پسيحيكالىق قۇرىلىمداردان كەڭەس الۋ، ەمدەلۋ كەرەك.
”سوڭعى كەزەڭدە، ءبىز ۇزدىكسىز پسيحيكالىق جاردەم بەرۋ توتە لەنياسىندا كەزەكشىلىك وتەپ، كوپشىلىكتىڭ ەرەكشە مەزگىلگە بەلسەندى سايكەسۋىنە، اقاۋسىز كوڭىل كۇيدى ساقتاۋىنا جاردەم بەرەمىز“، - دەدى مو لانرۇڭ.
