تيانشان تورى   ›   جاڭالىقتار   ›   شينجياڭ حابارلارى

ءسىز ءومىردى قورعاڭىز، ءبىز بار پەيىلىمىزبەن ءسىزدى قورعايمىز

شينجياڭ گازەتىنىڭ جالپىلىق اقپارات قۇرالدارى تىلشىلەرى سۋ لۋپيڭ، چاۋ جين

  وسى رەتكى ىندەت تۋىلعاننان بەرى، رايونىمىزداعى قالىڭ ەمدەۋ قىزمەتكەرلەرى پارتيا مەن حالىقتىڭ ماڭىزدى تاپسىرماسىن ورىنداپ، ەشتەڭەدەن تايسالماي ساقتانۋ - تىزگىندەۋدىڭ ءبىرىنشى شەبىندە اتويلاپ، ىندەتكە قارسى كۇرەستە جاپالى قۇلشىنىس جاساپ، ماڭىزدى ۇلەس قوستى. رايونىمىزداعى ءار دارەجەلى، ءارقايسى تاراۋلار جانە قوعامنىڭ ءار سالاسى ەمدەۋ قىزمەتكەرلەرىن قورعاۋعا، كوڭىل بولۋگە، ايالاۋعا ايرىقشا ءمان بەرىپ، ەڭ ىقلاستى قامقورلىقتى ءبىرىنشى شەپتەگى ەمدەۋ قىزمەتكەرلەرىنە جەتكىزىپ، ەڭ پارمەندى ارەكەتپەن الدىڭعى شەپتى قولداپ، شيپاگەرلەردى قۇرمەتتەپ، دەنساۋلىققا ءمان بەرەتىن تاماشا ورتا قالىپتاستىرىپ، ولاردىڭ باستان - اياق كۇشتى جاۋىنگەرلىك قۋاتتى، اسقاقتاعان جىگەردى، تاسقىنداعان ارىندى ساقتاپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە قول جەتكىزۋگە ۇزدىكسىز، اقاۋسىز ات سالىسۋلارىنا مۇمكىندىك جاسادى.

ءسىزدىڭ تۇرمىسىڭىزعا مەن قارايلاسامىن

  اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ءبىر تۇتاس ورنالاستىرۋىمەن، رايونىمىزدان 2023 ەمدەۋ قىزمەتكەرى دياگنوزى تۇراقتانعان ناۋقاستاردى، اۋرۋ بەلگىسى جوق جۇعىمدالۋشىلاردى مەديتسينالىق قۇتقارۋ - ەمدەۋگە قاتىسىپ، ىندەتپەن بەلدەستى.

  ءۇش دارەجەلى ساقتانۋ - قورعانۋ كيىمىن كيەدى، ماڭداي تەرى تۇيىق كوزىلدىرىككە تامىپ توقتاماي اعادى؛ ناۋقاستار رايونىنا كىرگەننەن كەيىن 6 − 7 ساعات ءدام تاتپايدى، سۋ ىشپەيدى، تارتپا جىپتەردىڭ دەنە تەرىسىنە سالعان تارام - تارام جاراقاتتارى؛ دەنەنىڭ زورىعۋى، پسيحيكالىق اۋىر سالماق... ەمدەۋ قىزمەتكەرلەرىنىڭ جاقسى دەمالۋىنا، جاقسى تۇرمىس كەشىرۋىنە شىنايى كەپىلدىك ەتۋ ءۇشىن، رايونىمىز ىلگەرىندى - كەيىندى ءۇرىمجى قالاسىنداعى 18 قوناق ءۇيدى شيپاحانا ەمدەۋ قىزمەتكەرلەرىنىڭ شوعىرلى تۇرمىس ورنى ەتىپ بەلگىلەپ، 51 ارناۋلى قىزمەتكەردى تاڭداپ قوناق ۇيدە تۇرىپ قىزمەت وتەۋدى قامتاماسىز ەتۋ گرۋپپاسىن قۇرىپ، وسى جەرلەردى تازالاپ، زارارسىزداندىرىپ، قۇرىلعىلاردى قورعاپ، ەمدەۋ قىزمەتكەرلەرىنە لايىقتى تاعام ازىرلەپ، قورەكتىكتى كۇشەيتىپ، ولاردىڭ قيىنشىلىعىن، تالابىن سايكەستىرىپ شەشتى.

  شينجياڭ كادرلار شۋەيۋانى (زۋگۇڭ عيماراتى) قىزمەت وتەۋدى قامتاماسىز ەتۋ گرۋپپاسىنىڭ باستىعى، ءۇرىمجى قالالىق حالىق ىستەرى مەكەمەسى پارتيا باسشىلىق گرۋپپاسىنىڭ شۋجيى جوۋ گوشىنىڭ قىزمەت ۇستەلىندە ءبىر بۋدا سالاماتتىق ارحيۆى تۇر، وندا ەمدەۋ قىزمەتكەرلەرىنىڭ ءتۇرلى دەنە كورسەتكىشتەرى ەگجەي - تەگجەيلى ەستەلىككە الىنعان. قامتاماسىز ەتۋ گرۋپپاسى 13 ماماننان ۇيىمداسقان ۋاقىتشا ەمدەۋ اترەتىن قۇرىپ، شۇعىل اۋرۋ بەلگىسى بايقالعان ەمدەۋ قىزمەتكەرلەرىن دەرەۋ قۇتقارىپ - ەمدەدى.

  ەمدەۋ - كۇتىمدەۋ قىزمەتكەرلەرىنىڭ قىسىمىن جەڭىلدەتۋ ءۇشىن، رايونىمىز ءارقايسى ۇلكەن شيپاحانالاردان مامانداردى تاڭداپ اكەلىپ، پسيحيكالىق اقىل - كەڭەس بەرۋ كاسىپتىك ۇجىمىن ۇيىمداستىرىپ، ينتەرنەت جەلىسىندە اقىل - كەڭەس بەرۋ، جەلىدەن تىس بىرگە ءبىر پسيحيكالىق جەتەكتەۋ، تەلەفوندا، ۋيچاتتا اقىل - كەڭەس بەرۋ سياقتى تاسىلدەردەن پايدالانىپ، ەمدەۋ اترەتىندەگىلەرگە پسيحيكالىق اقاۋسىزدىق جونىنەن اقىل - كەڭەس بەرىپ، ولاردىڭ مازاسىزدانعان كوڭىل كۇيىن ساباسىنا ءتۇسىردى. سونىمەن بىرگە، مەديتسينالىق ارالاپ دياگنوز قويۋ اترەتىن ۇيىمداستىرىپ، ءار كۇنى ولار تۇرعان قوناق ۇيلەرگە بارىپ ەمدەۋ قىزمەتكەرلەرىنە دياگنوز قويۋ قيمىلىن ورىستەتىپ، ەمدەۋ قىزمەتكەرلەرىنە جۇڭگوشا قايناتپا دارىلەر تاراتىپ، ولاردىڭ اۋرۋعا قارسىلىق قۋاتىن كۇشەيتتى.

  ايرىقشا ىجداعاتتى قامقورلىق ەمدەۋ قىزمەتكەرلەرىنىڭ اۋرۋمەن بەلدەسۋىندەگى كۇشتى قوزعاۋشى كۇشكە اينالدى، ناۋقاستار ەمدەۋ قىزمەتكەرلەرىنىڭ قۇلشىنىسىنىڭ ارقاسىندا ساۋىعىپ شيپاحانادان شىقتى.

ءسىزدىڭ حاۋىپسىزدىگىڭىزگە مەن جاۋاپتىمىن

  ساقتانۋ - قورعانۋ كيىمى ەمدەۋ قىزمەتكەرلەرىنىڭ اسكەري شاپانى. اۆتونوميالى رايوندىق پارتكوم مەن ۇكىمەت ەمدەۋ قىزمەتكەرلەرىنىڭ جەكەلىك ساقتانۋ - قورعانۋىنا ايرىقشا ءمان بەرىپ، ”مەديتسينالىق ەمدەۋ - قۇتقارۋدى قامتاماسىز ەتۋدى، ءتۇيىندى ءبىرىنشى شەپتى قامتاماسىز ەتۋدى، شۇعىل جاعدايعا توتەپ بەرۋ سۇرانىسىن قامتاماسىز ەتۋدى“ تالاپ ەتتى.

  ىندەت تۋىلعاننان بەرى، اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابى مەديتسينالىق زاتتىق ماتەريالداردى ساتىپ الۋ، ۇلەستىرۋ، جەتكىزۋ، زاپاس ساقتاۋ قىزمەتىن ويداعىداي ىستەپ، ىندەتتەن ساقتانۋ - تىزگىندەۋ مەديتسينالىق زاتتىق ماتەريالدارىنىڭ شۇعىل جاعدايداعى سۇرانىسىن بار كۇشپەن قامتاماسىز ەتتى.

  بىرنەشە كۇننەن بەرى، ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) سولتۇستىك رايونىنداعى ونەركاسىپ باقشاسىندا ماشينالاردىڭ داۋىسى گۇرىلدەپ، ءارقايسى مەديتسينالىق زاتتىق ماتەريالداردى وندىرەتىن كاسىپورىندار ”تەزدەتۋ تەتىگىن“ باسىپ، جاڭا جابدىقتار ەنگىزىپ، ءوندىرىس تەحنولوگياسىن جوعارىلاتىپ، ساقتانۋ - قورعانۋ زاتتىق ماتەريالدارىن كۇش سالا ءتۇيىندى تۇردە ءوندىردى.

  ”شوعىرلى ءبىر تۇتاس باسقارۋ، وڭىرلەر بويىنشا ءبىر تۇتاس جوسپارلاۋ، جاقىن ماڭنان سەپتەپ ورنالاستىرۋ“ پرينسيبى بويىنشا، رايونىمىز باستاماشى ەمدەۋ، ءدارى - دارمەك كاسىپورىندارىن نەگىز، باسقا ەمدەۋ، ءدارى - دارمەك ساۋداگەرلەرىن قوسىمشا ەتكەن جەدەل جەتكىزۋ ارناسىن اشتى. اۆياتسيا سەرىكتەستىگى ”جولاۋشىلار ۇشاعىن جۇك ۇشاعىنا وزگەرتىپ“ شينجياڭنىڭ ىندەتتەن ساقتانۋ زاتتىق ماتەريالدارىنىڭ تاسىمالىن قامتاماسىز ەتتى؛ جەدەل جەتكىزۋ سەرىكتەستىكتەرى زات اينالىمى جۇك ۇشاقتارى ارقىلى ىندەتتەن ساقتانۋ زاتتارىن تاسىمالدادى؛ اۋەجاي ىندەتتەن ساقتانۋ زاتتىق ماتەريالدارى تيەلگەن كەزەكشى ۇشاقتاردىڭ الدىمەن ۇشۋىنا كەپىلدىك ەتتى... ەڭ قىسقا ۋاقىت ىشىندە دالمە - ءدال، جوعارى ءونىمدى جەتكىزۋدى جۇزەگە اسىردى.

  قازىر اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ جالپى تۇلعالىق ورنالاستىرۋىمەن، شيپاحانالارعا قاجەتتى مەديتسينالىق ساقتانۋ - قورعانۋ كيىمى، وپەراتسيا كيىمى، ساقتانۋ - قورعانۋ ماسكىسى (N95)، حيرۋرگيالىق ماسكى، تۇيىق كوزىلدىرىك، ءبىر رەتتىك ساقتانۋ - قورعانۋ بەت قالقاسى سياقتى ساقتانۋ - قورعانۋ زاتتارى تولىق دايىندالدى.

وتباسىڭىزداعىلارعا مەن قارايلاسامىن

  ولار شيپاگەر، سەسترا، ءارى بىرەۋلەردىڭ ۇلى، قىزى، اكەسى، شەشەسى.

  ”سىزدەر ناۋقاستاردى الاڭسىز قۇتقارىپ - ەمدەڭىزدەر، وتباسىلارىڭىزداعى جۇمىستارىڭىزعا ءبىز بارمىز“. اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ”ءبىرىنشى شەپتەگى ەمدەۋ قىزمەتكەرلەرىنە كوڭىل ءبولۋ، قامقورلىق جاساۋ“ تالابى بويىنشا، ءارقايسى ۇلكەن شيپاحانا ارناۋلى ادام ورنالاستىرىپ، ەمدەۋ قىزمەتكەرلەرىنىڭ وتباسىنداعىلاردان ۋاق - ۋاق حابار الىپ، وتباسىنداعىلارىنىڭ قيىنشىلىقتارى مەن ماسەلەلەرىن كۇش سالا شەشىپ، ولاردى الاڭسىز ەتتى.

  اۆتونوميالى رايوندىق پارتكومنىڭ كوڭىل ءبولۋىن، قامقورلىعىن تولىق تياناقتاندىرۋ ءۇشىن، 7 - ايدىڭ 27 - كۇنى اۆتونوميالى رايوندىق پارتكومنىڭ ۇيىمداستىرۋ ءبولىمى «اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ ەمدەۋ اترەتىندەگىلەرگە كوڭىل ءبولۋ، قامقورلىق جاساۋعا قاتىستى قىزمەتتەردى ويداعىداي ىستەۋ جونىندەگى حابارلاندىرۋدى» باسىپ تاراتىپ، ءار دارەجەلى ۇيىمداستىرۋ، تازالىق - دەنساۋلىق ساقتاۋ تاراۋلارىن، سونداي - اق ادام جىبەرگەن ورىنداردى جانە قاراستى الەۋمەتتىك اۋماقتاردى سايكەستىرىپ، ”بىرگە ءبىر“ كوڭىل ءبولۋ، قامقورلىق جاساۋ بايلانىس قىزمەت وتەۋ مەحانيزمىن ورناتىپ، تەلەفوندا اڭگىمەلەسۋ، ۋيچاتتا حابارلاسۋ، وتباسىنداعىلارعا ارناۋلى امانداسۋ سياقتى تاسىلدەرمەن ءبىرىنشى شەپتەگى ەمدەۋ قىزمەتكەرلەرىنە كوڭىل ءبولۋ، قامقورلىق جاساۋدىڭ ءتۇرلى قامتاماسىز ەتۋ شارالارىن ەگجەي - تەگجەيلى تياناقتاندىرىپ، ولاردىڭ ءىس جۇزىندىك قيىنشىلىعىن شەشتى.

  ليۋ ۋىنيا شينجياڭ مەديتسينا داشۋەسىنە قاراستى 1 - شيپاحانانىڭ شيپاگەرى، ىندەت تۋىلعاننان كەيىن ول اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناعا قىزمەتكە جىبەرىلدى، ونىڭ ەڭ الاڭدايتىنى 80 جاستاعى اناسى. ”بەلگىلەنگەن شيپاحاناعا كەلىسىممەن - اق، كوتەرمەگە الۋشى كادر حۋ شياڭحۇڭنىڭ تەلەفونىن قابىلدادىم، ول ماعان الاڭداماۋدى، بارلىق ىسكە ءوزى قارايلاساتىنىن ايتتى“. ليۋ ۋىنيا بىلاي دەدى: حۋ شياڭحۇڭ ءار كۇنى شەشەمە تاماق اپارىپ بەرىپ، قوقسىقتاردى توگىپ تۇرادى ەكەن، شەشەممەن تەلەفوندا سويلەسسەم ول ىشتەي قاتتى ريزا ەكەن.

  اۆتونوميالى رايوندىق باس جۇمىسشى ۇيىمى بەلگىلەنگەن شيپاحانانىڭ ەمدەۋ قىزمەتكەرلەرى شوعىرلى تۇرعان ورىنعا ماسا ىستاعىش، شۇعىل قۇتقارۋ ءدارى - دارمەك قوبديشاسى، قولايلى كەسپە، مينەرالدى سۋ سياقتى زاتتاردى سەپتەپ جەتكىزدى؛ اۆتونوميالى رايوندىق ايەلدەر بىرلەستىگى اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناداعى ايەل ەمدەۋ قىزمەتكەرلەرىنە ايەلدەرگە قاجەتتى كەرەك - جاراقتار جانە جۋىنىپ - شايىنۋ بۇيىمدارى ”مەيىر سيلاۋ دورباسىن“ بەردى؛ اۆتونوميالى رايوندىق وداق كوميتەتى قۇتقارۋ - ەمدەۋ ءبىرىنشى شەبىندەگى ەمدەۋ قىزمەتكەرلەرىنىڭ وقۋداعى (باستاۋىش، ورتالاۋ مەكتەپ) بالالارىنان 361 ادامعا ۇيرەنۋ بۇيىمدارى، كىتاپ سياقتىلار سالىنعان وقۋ ”سۇيىسپەنشىلىك سالەمدەمەسىن“ دايىنداپ، ولارعا وقۋ باستاۋ تارتۋى ەتىپ سيلادى؛ ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) كوڭىل ءبولۋ، قامقورلىق جاساۋ قىزمەتىنىڭ ارناۋلى كەزەكشىسىن ورنالاستىرىپ، ءاربىر ەمدەۋ قىزمەتكەرىنىڭ وتباسىنا ەكىدەن كوتەرمەگە الۋشى كادر سەپتەپ، ولار اڭىس ەتكەن ماسەلەلەردىڭ تەز شەشىلۋىنە شىنايى كەپىلدىك ەتتى...

  قيما سۋرەت، سۋرەت سالۋ، حات، بەينە ەكران... سونىمەن بىرگە شينجياڭداعى ءار ۇلت حالقىنىڭ قايراتتانۋعا شابىتتاندىرعان، مەدەت بەرگەن ۇنىنە، سونداي - اق ىقىلاستى تىلەكتەرىنە تولى ىندەتكە قارسى اتتانۋ تۋىندىلارى ينتەرنەت ارقىلى تيانشاننىڭ تۇستىگى مەن تەرىستىگىندە تارالىپ، ءبىرىنشى شەپتەگى ءاربىر ەمدەۋ قىزمەتكەرىن مەيىرگە بولەدى.

  ”شيپاگەرلەرگە قۇرمەت ەتۋ، شيپاگەرلەردى ايالاۋ شيپاگەر ءۇشىن عانا ەمەس، شيپاگەرلەر مەن ناۋقاستاردىڭ سەنىمىن نىعايتىپ، مەديتسينالىق قىزمەت وتەۋ دەڭگەيىن وسىرۋگە تاماشا ورتا ازىرلەۋ ءۇشىن، شىنىن قۋعاندا، ءاربىرىمىزدىڭ سالاماتتىعىمىز ءۇشىن“، - دەدى حۋ شياڭحۇڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى