سەنىمدى بەكەمدەپ، باستان - اياق ساق بولىپ، تيتتەي دە بوساڭسىماي، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزەيىك
چىن چۋانگو ماجىلىسكە قاتىناستى ءارى ءسوز سويلەدى
شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 19 - كۇنى ۇرىمجىدەن حابارلايدى. 8 - ايدىڭ 19 - كۇنى كەشتە اۆتونوميالى رايوندىق پارتكوم بەينە ەكران ءماجىلىسىن اشىپ، باس شۋجي شي جينپيڭنىڭ شيپاگەرلەر مەرەكەسى جونىندەگى ماڭىزدى نۇسقاۋىنىڭ رۋحىن جەتكىزىپ، ۇيرەنىپ، ىندەت جاعدايىنا تالداۋ جاساپ، زەرتتەۋ جۇرگىزىپ، ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.
اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
چىن چۋانگو بىلاي دەپ اتاپ كورسەتتى: جۇڭگو شيپاگەرلەر مەرەكەسى قارساڭىندا باس شۋجي شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتاپ جانە ولاردان ىقىلاستى حال سۇراپ، قالىڭ ەمدەۋ قىزمەتكەرلەرىنىڭ ىندەتكە قارسى اتتانۋدا جاساعان جاپالى قۇلشىنىستارىن، قوسقان ماڭىزدى ۇلەستەرىن تولىق تۇراقتاندىردى، ەمدەۋ قىزمەتكەرلەرىنىڭ سالاماتتى جۇڭگو قۇرۋ، حالىقتىڭ سالاماتتىعىن، ىرىس - قۇتىن ارتتىرۋعا تىڭ ۇلەس قوسۋعا شابىتتاندىردى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەمدەۋ، دەنساۋلىق ساقتاۋ ىستەرىنە وسكەلەڭ ءمان بەرگەندىگىن، ەمدەۋ قىزمەتكەرلەرىنە دەگەن ەرەكشە قامقورلىعى مەن تەرەڭ سۇيىسپەنشىلىگىن تولىق ايگىلەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، تۇتاس قوعامدا شيپاگەرلەردى قۇرمەتتەيتىن، دەنساۋلىققا ءمان بەرەتىن تاماشا ورتانى جاپپاي قالىپتاستىرىپ، ەمدەۋ قىزمەتكەرلەرىنە كوڭىل ءبولىپ، ولاردى ايالاپ، العاباسار ىزگى ىستەرىن اسقاقتاتىپ، كاسىپتىك تاربيەلەۋدى كۇشەيتىپ، عىلمي ساقتانۋدى، قورعانۋدى كۇشەيتىپ، ءىس جۇزىندىك قيىنشىلىقتاردى شەشىپ، قام - قايعىدان ارىلتىپ، قالىڭ ەمدەۋ قىزمەتكەرلەرىن ءومىردى قاستەرلەيتىن، اجالعا اراشاشى، جارالىعا مەدەت بولاتىن، ۇلەس قوسۋعا پەيىل، شەكسىز ۇلى سۇيىسپەنشىلىك ارنايتىن وسكەلەڭ رۋحتى اسقاقتاتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋعا ءتىپتى دە زور ۇلەس قوسۋعا اناعۇرلىم شابىت بەرۋ كەرەك.
چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ قولداۋىندا، جەتەكشىلىگىندە، مەملەكەتتىك دەنساۋلىق ساقتاۋ، سالاماتتىق كوميتەتى سياقتى ءارقايسى مينيسترلىكتەردىڭ، كوميتەتتەردىڭ جانە تۋىسقان ولكەلەردىڭ، قالالاردىڭ بار كۇشپەن قولداۋىندا تۇتاس رايونداعى ءار ۇلت كادرلارى مەن بۇقاراسى ەل بىرلىگىنەن بەرىك قامال تۇرعىزىپ، ىنتىماقتاسا كۇرەس جۇرگىزدى، تۇتاس رايوننىڭ ىندەتتەن ساقتانۋ - تىزگىندەۋ جاعدايىندا بەلسەندى، جاقسارعان اۋقىم ۇزدىكسىز بەكەمدەلىپ، كەڭەيىپ، ىندەتتەن ساقتانۋ - تىزگىندەۋ قىزمەتى كەزەڭدىك ناتيجەگە قول جەتكىزدى. الايدا ىندەت جاعدايىنىڭ ءالى دە كۇردەلى، قاتاڭ ەكەندىگىن، قايتا بەلەڭ بەرۋ حاۋىپ - قاتەرىنە نەمقۇرايدى قاراۋعا كەلمەيتىندىگىن، ءبىراز بوساڭسيتىن بولساق ەڭبەگىمىز ەش بولاتىندىعىن، اۋىر بوداۋ بەرەتىندىگىمىزدى، ءسوز جوق، سەرگەكتىكپەن كورە ءبىلۋىمىز كەرەك. وڭاي - وسپاق قولعا كەلمەگەن ساقتانۋ - تىزگىندەۋ شايقاسىنىڭ تابىسىن بارىنشا قاستەرلەپ، تاباندىلىقتى ساقتاپ، توزىمدىلىك كورسەتىپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي ىستەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك.
چىن چۋانگو بىلاي دەپ باسا دارىپتەدى: ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي ىستەۋ ءۇشىن، يدەيادا استە بوساڭسىماۋ كەرەك. كەزەكتە ساقتانۋ - تىزگىندەۋ ءالى دە شيەلەنىستى قامال الۋ كەزەڭىندە تۇر، سالعىرتسۋ يدەياسىنان، شايقاستان قاجۋ كوڭىل كۇيىنەن، باق سىناۋ ويىنان، بوساڭسۋ پيعىلىنان ەرەكشە ساقتانىپ جانە ونى جويىپ، تاۋقىمەت تانىمىن كۇشەيتىپ، تومەنگى شەك وي جەلىسىن بەرىك ورناتىپ، ءسوزسىز، جەڭىسكە جەتۋ سەنىمىن بەكەمدەپ، ءتۇرلى ساقتانۋ - تىزگىندەۋ قىزمەتىن ۇزدىكسىز تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، تولىق جەڭىسكە جەتپەيىنشە استە العان بەتتەن قايتپاۋ كەرەك.
چىن چۋانگو بىلاي دەپ باسا دارىپتەدى: ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي ىستەۋ ءۇشىن، شارانى استە بوساڭسىتپاۋ كەرەك. ”ءتورت ەرتە بولۋ“ شاراسىن قاتاڭ تياناقتاندىرىپ، عىلمي ساقتانىپ - تىزگىندەپ، زاڭ بويىنشا ساقتانىپ - تىزگىندەپ، تابىستاردى ۇزدىكسىز بەكەمدەپ، شايقاس تابىسىن كەڭەيتۋ كەرەك. الەۋمەتتىك اۋماقتاردىڭ، اۋىل - قىستاقتاردىڭ ساقتانۋ - تىزگىندەۋ نەگىزىن بەكەمدەپ، باسقارۋدى، قىزمەت وتەۋدى كۇشەيتىپ، بۇقارالىق قىزمەتتى سۇيىسپەنشىلىكپەن جانە جاۋاپكەرشىلىكپەن ىشكەرىلەي دەن قويا ويداعىداي ىستەپ، نەگىزگى تۇرمىستى كۇش سالا قامتاماسىز ەتىپ، ەرەكشە قيىنشىلىقتار مەن ماسەلەلەردى دەر كەزىندە شەشىپ، قيىنشىلىعى بار بۇقارانى ەڭ تومەنگى شەكتەن تۇسىرمەي قامتاماسىز ەتۋدى كۇشەيتۋ؛ شوعىرلى مەديتسينالىق باقىلاۋ تۇيىندەرىنىڭ ساقتانۋ - تىزگىندەۋىن، باسقارۋىن ونان ارى كەمەلدەندىرىپ، عىلمي، دالمە - ءدال شارانى تياناقتاندىرىپ، سالاماتتىق شارلاۋ تەكسەرۋىنىڭ تولىق تياناقتانۋىن، قىزمەت وتەۋ قامتاماسىزدىعىنىڭ تولىق تياناقتانۋىن، زارارسىزداندىرۋدىڭ، تازارتۋدىڭ تولىق تياناقتانۋىن، پسيحيكالىق جاقتان جەتەكشىلىك ەتۋدىڭ تولىق تياناقتانۋىن ورىنداۋ؛ قىزۋ امبولاتورياسىن باسقارۋدى، ونىڭ جۇمىس جۇرگىزۋىن ارناعا ءتۇسىرىپ، ”الدىڭعى قاراۋىلدىق“ رولىن شىنايى ساۋلەلەندىرىپ، الدىن الا كەلىسىپ ءنومىر الۋ مەن الدىن الا تەكسەرىپ، ءبولىپ دياگنوز قويۋدى ويداعىداي ىستەپ، شيپاحانا ىشىندە ايقاسپالى جۇعىمدالۋدان باتىل ساقتانۋ؛ ”ءتورتتى شوعىرلاندىرۋ“ پرينسيبىنە تاباندى بولىپ، كوپتەگەن پاندەرگە قاتار باسا ءمان بەرىپ، جۇڭگوشا، باتىسشا شيپاگەرلىكتى ۇشتاستىرىپ، ىڭعايلاندىرا، ولشەمدەندىرە ەمدەپ، ساۋىقتىرۋ سالىستىرماسىن ۇزدىكسىز جوعارىلاتۋ كەرەك.
چىن چۋانگو بىلاي دەپ باسا دارىپتەدى: ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي ىستەۋ ءۇشىن، ستيلدە بوساڭسىماۋ كەرەك. ەڭ ماشاقاتتى شەشۋشى كەزەڭگە نەعۇرلىم تاياعان سايىن قايراتقا مىنەتىن بەكىم جانە قامال الىپ، قيىندىقتى جەڭەتىن قايسارلىق سولعۇرلىم كۇشتى بولۋ، قاتاڭ، ەگجەي - تەگجەيلى، تەرەڭ، ناقتى بولۋ ستيلى مەن شىنايى يگەرىپ، ناقتى ىستەۋ ارەكەتى سولعۇرلىم تياناقتى بولۋ كەرەك. شايقاستىق كۇيدى باستان - اياق ساقتاپ، ات ۇستىلىكتەن، قۇرعاق ۇرانعا بەرىلۋدەن، جاۋاپكەرشىلىكتەن قاشىپ ءبىر - بىرىنە يتەرمەلەۋدەن باتىل ساقتانىپ، فورماشىلدىقتى، تورەشىلدىكتى باتىل تيىپ، شىن مانىندە ناقتى ورىننان كىرىسىپ، نازىك تۇسقا كۇش سالىپ، قىزمەتتىڭ باعىتتامالىلىعىن، دالمە - دالدىگىن، ونىمدىلىگىن ۇدايى كۇشەيتىپ، ساتىلار بويىنشا كۇش سالىپ، سوڭىنا دەيىن يگەرىپ، جاۋاپكەرشىلىكتى شىنايى ارقالاۋ، قىزمەت مىندەتىن ويداعىداي اتقارۋ، شارانى تىڭعىلىقتى تياناقتاندىرۋ كەرەك.
چىن چۋانگو بىلاي دەپ باسا دارىپتەدى: ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي ىستەۋ ءۇشىن جاۋاپكەرشىلىكتى بوساڭسىتپاۋ كەرەك. بۇكىل شينجياڭ ءبىر تۇتاس جۇيە بولۋ، بيڭتۋان مەن جەرگىلىكتى ورىن ءبىر تۇتاس جۇيە بولۋ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ ارەكەتتەنۋ كەرەك، ءار دارەجەلى پارتكومدار مەن ۇكىمەتتەر ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى قىزمەت رەتىندە قاراپ، باس جاۋاپكەرشىلىكتى ءبىرىنشى باسشى ءوزى يگەرۋ كەرەك؛ ءار دارەجەلى باسشى كادرلار ءبولىپ كوتەرمەگە الۋ جاۋاپكەرشىلىك ءتۇزىمىن تياناقتاندىرىپ، ءبىرىنشى شەپتە قولباسشىلىق ەتىپ، ورنالاستىرۋ جاساۋ، ءبىرىنشى شەپتە اتويلاپ، شايقاس جۇرگىزۋ كەرەك. نەگىزگى ساتى پارتيا ۇيىمدارى مەن قالىڭ كوممۋنيستىك پارتيا مۇشەلەرى جاۋىنگەر قورعاندىق جانە اۆانگارد ۇلگىلىك رولدارىن تولىق ساۋلەلەندىرىپ، پارتيا تۋىن ىندەتتەن ساقتانۋ - تىزگىندەۋدەن قامال الۋ شايقاسىنىڭ ءبىرىنشى شەبىندە اسقاق جەلبىرەتۋ كەرەك. ىندەتتەن ساقتانۋ - تىزگىندەۋدىڭ ءبىرىنشى شەبىندە كادرلاردى تەكسەرۋگە، تانۋعا، باعالاۋعا، ىستەتۋگە باسا ءمان بەرىپ، بەينەسى كورنەكتى بولعاندارىن بارىنشا ماداقتاۋ، جۇرەكتىلىكپەن ىستەتۋ، ءوسىرىپ ماڭىزدى قىزمەتكە قويۋ؛ جاۋاپكەرشىلىك ارقالاماعان، ىسكەرلىك كورسەتپەگەن، ستيلدە ءۇستىرت، قىزمەتتە شالاعاي، پەيىلسىز ىستەپ تايساقتاعان، جاۋاپكەرشىلىكتەن قاشىپ ءبىر - بىرىنە يتەرمەلەگەندەردى ءتارتىپ، زاڭ بويىنشا جاۋاپكەرشىلىگىن قاتاڭ قۋزاۋ، جاۋاپقا تارتۋ كەرەك.
