تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر ۋاڭ چيميڭ، چين پىڭ، جاڭ ۋاندى، ەرىكتى تىلشىلەر چىن يۇنلياڭ، ۋاڭ يۋە، سۇي داچيڭ). ۇرىمجدەگى ىندەتتەن ساقتانۋ - تىزگىندەۋدەن قامال الۋ شايقاسىندا ءار كاسىپ، ءار سالاداعىلار ەرىكتىلەر قىزمەت وتەۋ قوسىندارىن قۇردى. ولاردىڭ اراسىندا تىزە قوسا كۇش قوسقان انا مەن بالا، تۇرعىندارعا قىزمەت وتەگەن ەرلى - زايىپتى، سونداي - اق داشۋە وقۋشىسى سەرىكتەر دە بار، كوپشىلىك ءبىر نيەتپەن سەلبەسىپ، ىندەتتى جەڭۋگە ورتاق ۇلەس قوستى.
جەلەكتىلەر اراسىنداعى سەرىكتەر ”اناسى مەن قىزى“
ءۇرىمجى قالاسى تيانشان رايونى كاڭتاي الەۋمەتتىك اۋماعىنداعى 20 نەشە ايەل ”جەلەكتىلەر ەرىكتى قىزمەت وتەۋ اترەتىن“ قۇردى، انالى - بالالى يان شياۋحۋا مەن لي تيڭ سولاردىڭ ءبىرى. ەكەۋى ءار كۇنى تۇرعىندارعا كوكونىس، استىق، ماي، جەمىس - جيدەك، كۇندەلىكتى بۇيىمدار قاتارلى تۇرمىستىق قاجەتتى كەرەك - جاراقتاردى جەتكىزۋدى قامتاماسىزداندىرۋ قىزمەتىن وتەيدى. ”ءبىز قولىمىزدان كەلگەنىنشە، ىندەتكە قارسى تۇرۋعا كۇش قوسساق دەيمىز“،-دەدى يان شياۋحۋا.
انالى - بالالى يان شياۋحۋا (وڭدا ) مەن لي تيڭ.
”F27“ دەگى اعالى - ىنىلەر قۇراماسى
”F27“ ەرىكتىلەر قىزمەت وتەۋ اترەتى ءۇرىمجى قالاسى سايباق رايونى چيماشان الەۋمەتتىك اۋماعى يحى شانجۋاڭ شاعىن رايونىنىڭ 27- عيماراتىنا جاۋاپتى ەرىكتىلەر قوسىنى. يحى شانجۋاڭ 27 - عيماراتىندا 7 دانيۋان بار، قازىر71 وتباسى، 203 تۇرعىن بار. ىندەت تۋىلعاننان كەيىن، 27 - عيماراتتاعى 15 تۇرعىن ىرىقتىلىقپەن ەرىكتى بولۋعا تىزىمدەلىپ، كوپشىلىككە قىزمەت وتەدى.
مۇنىڭ ىشىندە، بەيسەنجان مەن ما ۋىنبين ۇزاق جىلدىق كورشىلەر، ما ۋىنبين وزىنەن ۇلكەن بەيسەنجاندى ”باي اعا“ دەسە، باي شىڭجياڭ ونى ”شياۋ ما“ دەپ شاقىرادى. اعالى -ءىنىلى ەكەۋى بار ىنتا - پەيىلىمەن تۇرعىندارعا قىزمەت وتەپ، تۇرعىنداردىڭ سەنىمى مەن القاۋىنا بولەندى. ”ادەتتە كورشىلەر تاتۋ -ءتاتتى وتەمىز، قازىر شامامنىڭ كەلىسىنشە كوپشىلىككە قىزمەت ەتسەم دەيمىن، شارشاعانىممەن كوڭىلدىمىن“،-دەدى بەيسەنجان.
اعالى -ءىنىلى باي شىڭجياڭ (وڭدا) مەن ما ۋىنبين.
”F27“ ەرىكتىلەر قىزمەت وتەۋ اترەتىندە تاعى ” كوكەسى مەن نەمەرە ىنىسىنەن“ قۇرالعان ءبىر جۇپ سەرىكتەر بار، ولار چىن يۇنلياڭ مەن نەمەرە ءىنىسى جاڭ يۇيجيا. ”ءبىزدىڭ دانيۋاندا ەر ازاماتتار از، جاسى ۇلعايعان كىسىلەر ءبىرشاما كوپ، مەن 24 جاستاعى نەمەرە ىنىممەن بىرگە ەرىكتى بولدىم. قازىر ءاربىر قاراپايىم جان قۇلشىنا بوداۋ بەرۋدە، ءبىز ءسوزسىز جەڭىسكە جەتەمىز“،-دەدى چىن يۇنلياڭ.
چىن يۇنلياڭ (سولدا) مەن نەمەرە ءىنىسى جاڭ يۇيجيا.
”مەنىڭ ۇيىمدەگى“ داشۋە وقۋشىسى سەرىكتەر
ءۇرىمجى قالاسى حۋاڭحى جولى اۆتونوميالى رايوندىق تۇرمە باسقارۋ مەكەمەسىنىڭ تۇرعىندار اۋلاسىندا 300 دەن استام تۇرعىن تۇرادى، 35 تۇرعىن ”مەنىڭ ءۇيىم“ ەرىكتىلەر قىزمەت وتەۋ اترەتىن قۇردى، ولاردىڭ ىشىندە كوممۋنيستىك پارتيا مۇشەلەرى، شيپاگەرلەر، مەملەكەت قىزمەتكەرى، اقپارات قىزمەتكەرلەرى، قوسىننان شەگىنگەن اسكەريلەر، داشۋە وقۋشىلارى بار.
داشۋە وقۋشىسى ەرىكتىلەر سۇن رۇي مەن ۋاڭ شينشۇي وسى ەرەكشە ەرىكتى قىزمەت وتەۋگە بەلسەنە قاتىناستى، ول ەكەۋى ءبىر - بىرىنە سەرىك بولىپ كۇندە تۇرعىنداردىڭ دەنە تەمپەراتۋراسىن ولشەۋ، كوكونىس جەتكىزۋ، ءدارى جەتكىزۋ، كاريدوردى زارارسىزداندىرۋ، قوقىر - قوقسىق تازالاۋ سىندى قىزمەتتەرگە جاۋاپتى بولدى.
داشۋە وقۋشىسى ەرىكتىلەر سۇن رۇي (سولدا) مەن سەرىگى ۋاڭ شينشۇي.
ەرلى - زايىپتىلار كىدىرمەي ىستەپ، تۇرعىندارعا قىزمەت وتەدى
ايەلى توتەنشە مۇقيات، تىزىمدىك بويىنشا كوكونىس تاڭداۋعا جاۋاپتى، جولداسى شاپشاڭ، وتباسىلارىنا كوكونىس جەتكىزۋگە جاۋاپتى بولدى، بۇل ءبىر ايدان بەرگى ۋاڭ چى مەن ليۋ چيڭ ەرلى - زايىپتىلاردىڭ ”كىدىرمەي ىستەۋ “ قىزمەت وتەۋ ۇلگىسى. ءۇرىمجى قالاسىنداعى كوپتەگەن ەرىكتىلەر قىزمەت وتەۋ اترەتىندە، مۇنداي ”ەرلى - زايىپتى سەرىكتەر“ كوپ كەزدەسەدى.
جولداسى ۋاڭ چى جەر بەتىندەگى اۆياتسيا قىزمەتكەرى، ايەلى ليۋ چيڭ بالا باقشا وقىتۋشىسى. ەرلى - زايىپتى ەكەۋى ءۇرىمجى جوعارى جاڭا تەحنيكا كاسىپ سالالارىن اشۋ رايونى (جاڭا قالا رايونى) يىڭبين جولى باتىس الەۋمەتتىك اۋماعى لاييىن جۋاڭيۋان C3 ءنومىرلى عيماراتىنداعى تۇرعىنداردىڭ تۇرمىسىن قامتاماسىزداندىرۋعا جاۋاپتى ءارى الەۋمەتتىك اۋماققا كومەكتەسىپ قاتىستى قىزمەتتەردى ورىستەتەدى.
ەرلى - زايىپتىلار ۋاڭ چى (وڭدا) مەن ايەلى ليۋ چيڭ.
