تيانشان تورىنىڭ حابارى (سۋرەتىن ٴتۇسىرىپ حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 20 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ - تىزگىندەۋ قىزمەتى جونىندە 34 - رەتكى اقپار جاريالاۋ ٴماجىلىسىن اشتى. ماجىلىستە، ٴۇرىمجى قالالىق اۋرۋدىڭ الدىن الۋ، تىزگىندەۋ ورتالىعىنىڭ مەڭگەرۋشىسى رۇي باۋليڭ ٴتىلشىنىڭ شوعىرلى مەديتسينالىق باقىلاۋ تۇيىندەرىنىڭ توڭىرەگىندەگى ورتانىڭ حاۋىپسىز -حاۋىپسىز ەمەس جونىندە قويعان سۇراۋىنا جاۋاپ بەردى.
رۇي باۋليڭ بىلاي دەدى: شوعىرلى مەديتسينالىق باقىلاۋ تۇيىندەرىن قۇرۋ — قالا تۇرعىندارىنىڭ دەنساۋلىق حاۋپىسىزدىگىن قامتاماسىز ەتۋ شاراسى.
رۇي باۋليڭ مىنالاردى باسا دارىپتەدى: شوعىرلى مەديتسينالىق باقىلاۋعا الىنعاندار دياگنوزى تۇراقتاندىرىلعان ناۋقاستار ەمەس، كۇماندى ناۋقاستار دا ەمەس، تەك ناۋقاسقا قاتىستى بايقالۋ تاريحى نەمەسە جاقىنداسۋ تاريحى بار، جۇعىمدالۋ مۇمكىندىگى بارلار. ەرتە بايقاپ، ەرتە مالىمدەپ، ەرتە اۋاشالاپ، ەرتە ەمدەۋگە شىنايى كەپىلدىك ەتۋ ٴۇشىن، بۇل ادامداردى بەلگىلى ۋاقىت ىشىندە شوعىرلى مەديتسينالىق باقىلاۋعا الۋ، ۇكىمەتتىڭ قالا تۇرعىندارىنىڭ اماندىعىنا كەپىلدىك ەتۋ ٴۇشىن قولدانعان قاجەتتى شاراسى. وسى ارقىلى جاسىرىن كەزىندە نەمەسە جاسىرىن جۇعىمدالۋ مەزگىلىندە تۇرعان جاقىن جۋىسۋشىلاردىڭ قالىڭ قاۋىمعا تاراتۋىنان ساقتانۋ.
شوعىرلى مەديتسينالىق باقىلاۋ تۇيىندەرىندە، ەمدەۋ قىزمەتكەرلەرى ٴار كۇنى ورتانى جانە ٴتۇرلى بۇيىمداردى ساقتانۋ سيپاتتى زارارسىزداندىرادى. كاسىپتىك قىزمەتكەرلەر اۋاشالانعان ادامداردىڭ دەنساۋلىعىن باقىلاپ تەكسەرەدى، قالىپسىزدىق بايقالسا، دەرەۋ ەمدەۋ قۇرىلىمىنا جەتكىزىپ ءبىر - بىرلەي تەكسەرۋ جۇرگىزەدى. سونىمەن بىرگە شوعىرلى مەديتسينالىق باقىلاۋ تۇيىندەرىنەن شىققان تۇرمىستىق قوقىر - قوقسىقتاردى ارناۋلى زارارسىزداندىرىپ، قاتاڭ ٴبىر جاقتى ەتىپ، بەلگىلەنگەن ورىندا تازالاپ تاسىمالدايدى، توڭىرەكتەگى ورتاعا ىقپال جاسامايدى. توڭىرەكتەگى تۇرعىنداردىڭ دەنساۋلىعىنا ٴتىپتى دە قاتەر توندىرمەيدى.
رۇي باۋليڭ بىلاي دەپ تانىستىردى: جاڭا تيپتى ايدارشا ۆيرۋسپەن جۇعىمدالۋدان بولعان وكپە قابىنۋى باستىسى ۆيرۋستىڭ تىنىس جولىنداعى شاشىراندىلارىنان جانە جۋىسۋىنان تارالادى، ۆيرۋس ٴسوزسىز، قان، دەنە سۇيىقتىعى، سىلەكەي، تۇشكىرىك شاشىراندىسى قاتارلى تاسىمالداۋشىلار ارقىلى تارالادى. جۇعىمدالۋشىلارمەن جاقىن تۇرىپ سويلەسپەسە، بىرگە تاماقتانباسا، نەمەسە جۇعىمدالۋشىلار تۇشكىرگەندەگى تۇشكىرىك شاشىراندىلارىنا جۋىسپاسا بولدى. قالىپتى جاعدايدا جۇعىمدالمايدى. كەيبىرەۋلەر اەروزولدى تارالۋ قۇبىلىسىنان الاڭدايدى، ول مىناداي ٴۇش شارتتى ازىرلەگەندە عانا تۋىلادى: ٴبىرىنشى، ۆيرۋستىڭ قويۋلىعى ٴبىرشاما جوعارى بولعاندا؛ ەكىنشى، سالىستىرمالى جابىق ورتادا؛ ٴۇشىنشى، جۋىسۋ ۋاقىتى ٴبىرشاما ۇزاق بولعاندا.
رۇي باۋليڭ بىلاي دەدى: شوعىرلى مەديتسينالىق باقىلاۋ تۇيىندەرىن قۇرۋ توڭىرەكتەگى تۇرعىندارعا ىقپال جاسامايدى، شوعىرلى مەديتسينالىق باقىلاۋ تۇيىندەرىنىڭ توڭىرەگىندە تۇراتىن تۇرعىنداردىڭ الاڭداۋىنىڭ قاجەتى جوق.
