تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

شەكارا وتكەلىنە ىرگەلەس وتىرۋى اقشا تابۋىنا قولايلى بولدى

تاۋ قويناۋىنان كوشىپ شىعىپ، الەۋمەتتىك اۋماققا كەلدى

شەكارا وتكەلىنە ىرگەلەس وتىرۋى اقشا تابۋىنا قولايلى بولدى

سۋرەتىن ءتۇسىرىپ، حابارىن جازعان: شينجياڭ گازەتىنىڭ جالپىلىق اقپارات قۇرالدارى ءتىلشىسى وتكىر نيجات

2013 - جىلى 4 - ايدىڭ 30 - كۇنى ۇلىقشات اۋدانى تويۇن اۋىلى سۇيەك قىستاعىنىڭ مالشىسى مالىن ورىستەن قايتارىپ كەلە جاتىر.

مالشى تۇرعالي قۇڭبا تورعات شەكارا وتكەلىندەگى جۇك الاڭىندا جۇك تۇسىرۋدە (سۋرەت 6 - ايدىڭ 2 - كۇنى تۇسىرىلگەن).

تورعات شەكارا وتكەلىنىڭ ىرگەسىندەگى قونىس جاڭالاپ كەدەيلەردى سۇيەمەلدەۋ ءتۇيىنى (سۋرەت 6 - ايدىڭ 2 - كۇنى تۇسىرىلگەن).

  6 - ايدىڭ 2 - كۇنى ۇلۇقشات اۋدانى تورعات شەكارا وتكەلىندەگى ءبىر جۇك الاڭىندا، قىرعىز جىگىت تۇرعالي قۇڭبا جۇمىستاستارىمەن بىرگە جۇك اۆتوموبيلىنەن جۇك ءتۇسىرىپ جاتتى. وتكەلدىڭ جۇك الاڭىندا زات تيەپ - تۇسىرەتىن جۇمىسشى بولىپ ىستەيتىن تۇرعاليدىڭ ايلىق كىرىسى 4000 − 5000 يۋان. تۇرعالي: زات تيەپ - تۇسىرەتىن جۇمىسشىلىقتان تاباتىن تابىسىم وتكەندە قوي باققانداعىمنان الدەقايدا جاقسى، - دەدى.

  2017 - جىلى 6 - ايدىڭ الدىندا، تۇرعالي تاۋلى رايونعا ورنالاسقان ۇلۇقشات اۋدانى بايقۇرۇت اۋىلى قىزىلاعىن قىستاعىندا تۇراتىن. بۇگىنگى كۇندە ونىمەن ءبىر قىستاقتاعى مالشىلاردىڭ جاڭا ۇيلەرى تۇگەلدەي كەدەيلەردى قونىس اۋدارتىپ سۇيەمەلدەۋ ءتۇيىنى − بايقۇرۇت اۋىلى توپا الەۋمەتتىك اۋماعىنا ىرگە تەپتى. اۋىل كوشىپ كەلگەن ءاربىر وتباسىنداعى مالشىعا جاڭادان قىزمەت قاراستىرىپ بەردى، تۇرعالي سياقتى 17 اتپال ازامات بىرگە شەكارا وتكەلىنە كەلىپ جۇك تيەپ - ءتۇسىرۋشى بولىپ ىستەپ جاتىر.

  ولارمەن بىرگە توپا الەۋمەتتىك اۋماعىندا تۇراتىن تۇرعىنالي تۇرسىن بۇرىن ۇلۇقشات اۋدانى تەرەكساي اۋىلى قاراتەرەك قىستاعىندا تۇراتىن، تاۋ قويناۋىنان كوشىپ تۇسكەننەن كەيىن ونىڭ وتباسىنا عيماراتتان 83 شارشى مەترلىك ءۇي ءتيىپ عانا قالماستان، تاعى ءبىر بولمەلى 40 شارشى مەترلىك دۇكەن بەرىلدى. بۇگىنگى كۇندە تۇرعىنالي شاعىن اۋماقتا اماندىق قورعاۋشى بولىپ ىستەيدى، ايلىق ەڭبەكاقىسى 2000 يۋاننىڭ ۇستىندە. ”بۇرىن تاۋدا وتىرعاندا، اۋىزسۋدى تاسىپ اكەلەتىنبىز، قىستا جىلىنۋ ءۇشىن مەشكە وت جاعاتىنبىز. توپا الەۋمەتتىك اۋماعىنا كوشىپ كەلگەن سوڭ، تۇرمىسىمىز نەشە ەسە جاقساردى“! - دەيدى تۇرعىنالي.

  روزگۇل مامەتتۇردۇ بۇرىن ۇلۇقشات اۋدانى تويۇن اۋىلى سۇيەك قىستاعىندا تۇراتىن. تىگىنشىلىك جۇمىستارىن ىستەي الاتىندىقتان، الەۋمەتتىك اۋماققا كوشىپ كەلگەننەن كەيىن، روزگۇل وزدەرىنىڭ دۇكەن ۇيىنەن كيىم - كەشەك دۇكەنىن اشتى، كۇيەۋىنىڭ جۇمىس ىستەپ تاپقان كىرىسىن قوسقاندا، ولاردىڭ وتباسىنىڭ تۇرمىس ورەسى نەداۋىر كوتەرىلىپ قالدى.

  بۇگىنگى تاڭدا توپا الەۋمەتتىك اۋماعىنا تاۋ قويناۋىنان كوشىپ كەلگەن 136 مالشى وتباسى ورنالاستى. كەدەي مالشىلار جاڭا قونىسقا كوشىپ كەلىپ، جۇرت جاڭالاپ، كەدەيلىكتىڭ تامىرىنا بالتا شابۋدى شىنىمەن جۇزەگە اسىرىپ، تۇرمىس جاعدايلارى جاقسارا ءتۇستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.