تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

كورلا المۇرتىنىڭ ساتىلۋ ارناسى كەڭەيدى

  تيانشان تورىنىڭ حابارى (سۋرەتكە ٴتۇسىرىپ، حابارىن جازعان ٴتىلشى جاڭ دۇڭمەي، ەرىكتى ٴتىلشى حۋ حاۋحاۋ). كورلا المۇرتى ٴپىسۋ الدىندا، بايىنعولين موڭعۇل اۆتونوميالى وبلىسى كورلا قالاسى «سىرتقا شىعىپ، ۇسىنىس ەتىپ اكەلۋ» ٴادىسىن قولدانىپ، ارت-ارتىنان المۇرتقا تاپسىرىس الدى.

  8-ايدىڭ 20-كۇنى، ٴتىلشىنىڭ كورلا قالالىق حالىق ۇكىمەتى كەڭسەسىنەن ۇعىسۋىنشا، 8-ايدىڭ 18-كۇنى، كورلا قالاسى چاڭشا قالاسىندا كورلا المۇرتىن ساتۋ «سىرتقا شىعارۋ» قيمىلىن ورىستەتىپ، كورلا قالاسىنىڭ نەگىزگى جاعدايىن، سونداي ـ اق كورلا المۇرتى كاسىبىن دامىتۋدا قولدانعان شارالار، قازىنالىق قوسىلىم، باسقارۋ ـ قىزمەت وتەۋ، ساپانى جوعارىلاتۋ، ماركا جاراتۋ سياقتى جاقتارداعى مازمۇنداردى ٴتۇيىندى تۇردە ۇگىتتەپ، تانىستىرىپ، ٴارى جەر - جەردەگى ساۋداگەرلەرگە ۇسىنىس ەتتى. ساتۋ ارناسى اناعۇرلىم كەڭەيىپ، كورلانىڭ 93 مىڭ توننا المۇرتقا تاپسىرىس الدى.

  سول كۇنى، كورلا قالاسى تاعى شىنجىن بايگويۋان كاسىپتىك دامۋ شەكتى سەرىكتەستىگى، شي ـ ان حىپيڭ جەمىس شارۋاشىلىعى شەكتى جاۋاپكەرشىلىك سەرىكتەستىگى، بەيجيڭ بۇراتالا عىلىم ـ تەحنيكانى دامىتۋ شەكتى سەرىكتەستىگى، گۇيجوۋ شۋاڭياڭ اۋىل شارۋاشىلىق ونىمدەرى شەكتى سەرىكتەستىگى سياقتى كاسىپورىندارمەن كورلا المۇرتىن ساتىپ الۋ كەلىسىمىن جاساستى.

  كورلا المۇرتىنىڭ ساتىلۋ ارناسىن ىركىلىسسىزدەندىرىپ، ىقپال كۇشىن كەڭەيتۋ ٴۇشىن، كورلا قالاسى ىندەتتەن ساقتانۋ- تىزگىندەۋ قىزمەتىن جاقسى ىستەۋ نەگىزىندە، ىشكى ولكەلەردەگى كوپتەگەن قالالارمەن الدىن الا تىعىز ۇشتاسىپ، كورلانىڭ المۇرت ساۋداسىن «سىرتقا شىعارۋ» قيمىلىن قانات جايدىرىپ، تانىستىرۋ ٴماجىلىسى، اڭگىمە ٴماجىلىسى سياقتى تاسىلدەر ارقىلى كورلا المۇرتىنىڭ ٴتىپتى دە جاقسى ساتىلۋىنا دەم بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.