شينجياڭ گازەتىنىڭ جالپىلىق اقپارات قۇرالدارى ءتىلشىسى لياڭ ليحۋا 8 - ايدىڭ 21 - كۇنى ۇرىمجىدەن حابارلايدى. ەرىكتىلەرگە كوڭىل ءبولۋ، قامقورلىق جاساۋ قىزمەتىن اناعۇرلىم ويداعىداي ىستەۋ ءۇشىن، 8 - ايدىڭ 21 - كۇنى تۇستەن بۇرىن ءۇرىمجى ەكونوميكالىق - تەحنيكالىق اشۋ رايوندىق (توۋتۇنحى رايونى) ۇكىمەت پىڭحۋ جولى الەۋمەتتىك اۋماعى ۋاندا حۋافۋ شاعىن اۋماعىنداعى 8 ەرىكتىلەر ۋاكىلىنە ”سالاماتتىق حال سۇراۋ دورباسىن“ ۇسىندى. ”سالاماتتىق حال سۇراۋ دورباسىنا“ سپيريت، زارارسىزداندىراتىن دىمقىل ورامال سياقتى ساقتانۋ - قورعانۋ بۇيىمدارى سالىنعان، وسى توپتاعى ”سالاماتتىق حال سۇراۋ دورباسى“ وسى ايدىڭ سوڭىنان بۇرىن قاراستى رايونداعى 15 مىڭ 500 ەرىكتىنىڭ قولىنا بىرتىندەپ تاراتىپ بەرىلەدى.
پىڭحۋ جولى الەۋمەتتىك اۋماعىنداعى ەرىكتىلەردىڭ ىقىلاسپەن قىزمەت وتەۋى وسى شاعىن اۋماقتىڭ تۇرعىندارىن قاتتى اسەرلەندىردى، كوپشىلىك ۋيچات توبىندا وزدىكتەرىنەن جالعاسىپ ەرىكتىلەرگە سۋ ساتىپ اپەرىپ، سۋسىن ۇسىندى، ەرىكتىلەر بۇدان سىپايىلىقپەن باس تارتقان سوڭ، تاعى اماناتتاپ العىس ايتۋ كەرمە تۋىن جاساتىپ ەرىكتىلەرگە ۇسىندى.
”قىزمەتىمىزگە تۇرعىندار رازى بولسا بولعانى، تارتقان بارلىق جاپا - ماشاقاتىمىز، ەڭبەگىمىز تاتيدى“، - دەدى پىڭحۋ جولى الەۋمەتتىك اۋماعىنداعى پارتيالى ەرىكتى شيا نان.
ءۇرىمجى ەكونوميكالىق - تەحنيكالىق اشۋ رايوندىق (توۋتۇنحى رايونى) پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ياڭ ليڭيۇن تانىستىرىپ بىلاي دەدى: ەكونوميكالىق - تەحنيكالىق اشۋ رايونىنداعى 15 مىڭ 500 ەرىكتى پارتيالى كادرلار، وداق مۇشەلەرى، قوسىننان شەگىنگەن اسكەريلەر، تۇرعىندار قاتارلىلاردان قۇرالعان، ولار ىندەتتەن ساقتانۋ - تىزگىندەۋ قىزمەتىنە زور ۇلەس قوستى. ءبىز ەرىكتىلەردىڭ ارتقى شەپ قامتاماسىزداندىرۋىن ۇزدىكسىز جاقسى ىستەپ، ولارعا كەمەلدى ساقتانۋ - قورعانۋ جابدىقتارىن تۇگەل دايىنداپ بەرىپ، ولاردىڭ قىزمەت بارىسىنداعى جەكە باستىق اماندىعىنا شىنايى كەپىلدىك ەتەمىز. سونىمەن بىرگە، ينتەرنەت جەلىسىندە ەرىكتىلەردى قۇپتاۋ قيمىلىن ۇزدىكسىز ورىستەتىپ، اناعۇرلىم كوپ تۇرعىنداردى قاتىناستىرىپ، ەرىكتىلەردىڭ قالتقىسىز ۇلەس قوسقان رۋحىنا ماداق ايتىپ، شابىت بەرىپ، ىندەتتى جەڭۋ سەنىمى مەن كۇش - قۋاتىن ۇيىستىرامىز.
