شينحياڭ گازەتىنىڭ جالپىلىق اقپارات قۇرالدارى تىلشىلەرى جاۋ جىيۇن، يۋان لەي 8 - ايدىڭ 21 - كۇنى ۇرىمجىدەن حابارلايدى. رايونىمىزدىڭ ىندەتتەن ساقتانۋ - تىزگىندەۋ قابىلەتىن اناعۇرلىم جوعارىلاتۋ، ىندەتتەن ساقتانۋ - تىزگىندەۋ ۇدايىلانعان قىزمەتىنىڭ نەگىزگى ساتىداعى نەگىزىن بەكەمدەۋ ءۇشىن، 8 - ايدىڭ 20 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بىلىمدەرى بەينە ەكران كۋرسىن اشىپ، اۆتونوميالى رايوننىڭ ءارقايسى كوميتەت، كەڭسە، مەڭگەرمە، مەكەمەلەرىنىڭ، حالىقتىق توپتاردىڭ، ءارقايسى ايماق، وبلىس، قالانىڭ، ءارقايسى اۋدان، قالا، رايوننىڭ، اۋىل، قالاشىق، ءمالىنىڭ جانە بيڭتۋان ورگانىنىڭ، شى، قالانىڭ، تۋان الاڭدارىنىڭ قاتىستى قىزمەتكەرلەرىنە جاڭا تيپتى ايدارشا ۆيرۋس وكپە قابىنۋ ىندەتى بىلىمدەرى باۋلۋىن جۇرگىزدى.
مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتەن ساقتانۋ - تىزگىندەۋ ماماندار گرۋپپاسىنىڭ مۇشەسى، جۇڭگو اۋرۋدان ساقتانۋ - تىزگىندەۋ ورتالىعىنىڭ اعا شيپاگەرى، پروفەسسور يىن ۋىن - ۋ جاڭا تيپتى ايدارشا ۆيرۋس وكپە قابىنۋ ىندەتىنەن ۇدايىلانعان ساقتانۋ - تىزگىندەۋ جالپى تۇلعالىق تاكتيكاسى جانە شاراسى نەگىزگى تاقىرىبىندا، جاڭا تيپتى ايدارشا ۆيرۋس وكپە قابىنۋىنىڭ جەر شارىندا تارالۋ جاعدايىن جانە تۇرلىشە ساقتانۋ - تىزگىندەۋ تاكتيكالارىن قاراپايىم تىلمەن تەرەڭدەي ءتۇسىندىرىپ تانىستىردى. ەلىمىزدىڭ بەلسەنە قورعانۋ تاكتيكاسىن تاڭداۋىنىڭ ماڭىزدى سەبەبىنە تالداۋ جاساعاننان كەيىن، يىن ۋىن - ۋ بىلاي دەپ اتاپ كورسەتتى: ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي ىستەۋ ءۇشىن، يدەيانى بوساڭسىتپاي، شارانى بوساڭسىتپاي، ءتۇرلى ساقتانۋ - تىزگىندەۋ قىزمەتتەرىن ۇزدىكسىز قاتاڭ، شىنايى، ەگجەي - تەگجەيلى يگەرۋ، ”ءتورت ەرتە بولۋ“ شاراسىن قاتاڭ تياناقتاندىرۋ كەرەك. وسى رەتكى ىندەتتەن ساقتانۋ - تىزگىندەۋ بارىسىنداعى تاجىريبەلەردى جانە ادىستەردى مۇقيات قورىتىندىلاپ، تاكتيكانى ساپالىلاندىرىپ، مەحانيزمدى ساپالىلاندىرىپ، بارىستى ساپالىلاندىرىپ، ىندەتتەن ساقتانۋ - تىزگىندەۋدىڭ باياندى مەحانيزمىن ورناتۋ كەرەك.
ۇعىسۋعا قاراعاندا، وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بىلىمدەرى بەينە ەكران كۋرسى 8 - ايدىڭ 23 - كۇنىنە دەيىن جالعاسادى ەكەن.
