ساۋىعىپ شيپاحانادان شىققان ناۋقاستاردىڭ جانە مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 700دەن استى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 21 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى مەديتسينالىق ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن 8 - ايدىڭ 21 - كۇنى ءۇرىمجى قالاسىندا دياگنوزى تۇراقتاندىرىلعان تاعى 47 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، اۋرۋ بەلگىسى جوق 15 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن دياگنوزى تۇراقتاندىرىلعان 599 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 160 جۇعىمدالۋشى مەديتسينالىق باقىلاۋدان بوساتىلىپ، جالپى سانى 759 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: قازىرگە دەيىن وسى جولعى ىندەتتەن ساۋىعىپ شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 700دەن استى، بۇل ءبىزدىڭ قۇتقارۋ - ەمدەۋ قىزمەتىمىزدە كەزەڭدىك تابىسقا قول جەتكىزگەندىگىمىزدى تۇسىندىرەدى ءارى ەمدەۋ قىزمەتكەرلەرىنىڭ ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋ سەنىمىن اناعۇرلىم كۇشەيتتى. ءبىز ەندى «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىن (سىناق رەتىندە اتقارىلاتىن 8 - نۇسقاسى)» ۇزدىكسىز قاتاڭ اتقارىپ، ناۋقاستاردىڭ دەنساۋلىعىن قالپىنا كەلتىرۋگە باسا ءمان بەرىپ، جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردىڭ تىنىس الۋ يقۋاتىنىڭ، دەنە يقۋاتىنىڭ، سونداي - اق پسيحيكالىق يقۋاتىنىڭ كەدەرگىگە ۇشىراۋىنا قاراتا، ساۋىقتىرۋ جاتتىعۋىن جانە ارالاسۋدى بەلسەنە جۇرگىزىپ، مۇمكىندىكتىڭ بارىنشا ناۋقاستاردىڭ دەنە قۋاتىن، دەنە ساپاسىن جانە يممۋنيتەتتىك قابىلەتىن قالپىنا كەلتىرەمىز.
