تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

ولقىلىقتاردى تولىقتاپ، ءالسىز تۇستاردى كۇشەيتىپ، كەدەيلىكتەن ارىلتۋ قىزمەتىن تىڭعىلىقتى ىستەدى

شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ جىلي، ياڭ شۋحان، ۋاڭ جىن، ان شىيۇي، جانبولات ماناربەك

  قاراقاش اۋدانى اقساراي اۋىلى ايا - ارۋ قىستاعىنىڭ تۇرعىنى ءمامتىمىن نۇرمامەت، وسى بىرنەشە جىلدا، ءوزى مەن اۋىلداستارىنىڭ كەدەيلىكتەن ارىلۋ جولىنداعى ءبىر - بىرلەگەن جاڭا وزگەرىستەرى تۇگەلدەي ءار دارەجەلى كادرلار ۇنەمى ايتاتىن ”ولقىلىقتاردى تولىقتاۋدان“ ايرىلا المايتىندىعىن بايقادى.

  الدىڭعى جارتى جىلدا بۇكىل رايونداعى كەدەي حالىقتىڭ اۋىز سۋ حاۋىپسىزدىگى، اۋىل - قىستاق تۇرعىن ءۇي حاۋىپسىزدىگى جانە قونىس جاڭالاپ كەدەيلەردى سۇيەمەلدەۋ بويىنشا كوشىرۋدىڭ سايكەستى قۇرىلعىلار قۇرىلىسى مىندەتىن تامامداۋ جۇمىستارى جاپپاي اياقتادى.

ءالسىز تۇستاردى كۇشەيتىپ، كاسىپ سالاسىنىڭ نەگىزىن بەكەمدەدى

  كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە كاسىپ سالاسىن دامىتۋ − تەتىك. رايونىمىزدىڭ وڭتۇستىك شينجياڭىنداعى 4 ايماق - وبلىستىڭ كاسىپ سالاسى نەگىزى ءبىرشاما ءالسىز، ونىڭ ۇستىنە ىندەتتىڭ ىقپالىنا ۇشىراعاندىقتان، پارىقتاردى تاۋىپ، ولقىلىقتاردى تولىقتاۋدى، كاسىپ سالاسى ارقىلى كەدەيلەردى سۇيەمەلدەۋ سىندى ءتۇبىرلى شارانى، ۇزاق بولاشاقتىق جوسپاردى ويداعىداي يگەرۋدى تىپتەن قاجەت ەتەدى.

  7 - ايدىڭ 16 - كۇنى ءتىلشى ءپايزاۋات اۋدانى نان مادەنيەتى كاسىپ باقشاسىنا كەلىپ، ەنەرگيا ۇنەمدەپ، قورشاعان ورتانى قورعايتىن 360 توناردىڭ رەتتى ءتىزىلىپ تۇرعانىن كوردى. بۇل ارا ”نان كاسىپ سالاسى + شەبەرلىك باۋلۋى + كەدەيلەردى سۇيەمەلدەپ، جۇمىستاندىرۋ + ساياحاتتاپ، سەرۋەندەۋ“ كاسىپ سالاسىن دامىتۋ ۇلگىسىن قولداندى. كاسىپ باقشاسى كۇنىنە ورتا ەسەپپەن 260 مىڭ نان جابادى، 60 مىڭى ەلەكتروندى ساۋدا ارقىلى ىشكى وڭىرلەرگە ساتىلادى؛ زەرتتەپ اشقان نان ءتۇرى 120عا جەتەدى، ساياحاتشىلار ناقتى زات كورمەسى ارقىلى نان جابۋدىڭ جالپى بارىسىن بىلە الادى، سونداي - اق شاي ءىشىپ، نان جەپ، نان جابۋدى سەزىنۋىنە دە، ءداستۇرلى نان نەمەسە نان جابۋ قۇرالدارىن ساتىپ الۋىنا دا بولادى.

  ”بىلتىردان باستاپ ءپايزاۋات اۋدانى نان كاسىپ سالاسىنىڭ دامۋ جولىن ءدال تاۋىپ، بوس تۇرعان زەردەلى جىلىجاي سياقتى قۇرىلعىلاردى نان مادەنيەتى كاسىپ باقشاسىنا وزگەرتىپ، جارامسىز مال - مۇلىككە جان ءبىتىردى، تاعى 1200 ادامدى جۇمىستاندىردى. ەندىگى جەردە، ءبىز ۇزدىكسىز ولقىلىقتاردى تولىقتاپ، نان كاسىپ سالاسىنىڭ 1 - ، 2 - ، 3 - كاسىپتەر توعىسا دامۋىنىڭ جەبەۋشىسى بولۋىنا مۇمكىندىك جاسايمىز“، - دەدى ءپايزاۋات اۋدانىنىڭ ورىنباسار اكىمى پاڭ شۋەچين.

  قاشقاردان حوتانعا دەيىن، مەملەكەت جولى 315 - لەنياسىن بويلاپ، يەڭەسار، ياركەن، قاعىلىق، گۇما، قاراقاش سياقتى بىرنەشە اۋداندى باسىپ وتەسىز. كاسىپ سالاسىمەن كەدەيلەردى سۇيەمەلدەۋدەگى ولقىلىقتاردى تولىقتاۋ شارالارى ارقىلى وسى اۋدانداردىڭ كوپتەگەن ەرەكشە كاسىپ سالالارى كىشكەنەدەن ۇلعايىپ، السىزدەن كۇشەيە ءتۇستى.

  ءتىلشىنىڭ شينجياڭ كۇنلۇن لۇييۋان اۋىل شارۋاشىلىعى عىلىم - تەحنيكا دامىتۋ (توبى) شەكتى جاۋاپكەرشىلىك سەرىكتەستىگىنەن ۇعىسۋىنشا، سەرىكتەستىك جىلىنا 19 ميلليون تاۋارلىق قويان ءوندىرىپ، 5000نان استام شارۋا وتباسىن كەدەيلىكتەن ارىلىپ، كىرىستەرىن ارتتىرۋعا جەتەكتەگەن. گۇما اۋداندىق پارتكومنىڭ ورىنباسار شۋجيى لي چيڭچۇن بىلاي دەپ تانىستىردى: كەدەيلىكتەن ارىلتۋدان قامال الۋ بارىسىندا، گۇما اۋدانىنىڭ وتباسىلىق باعىمشىلىققا ىزدەنىس جاساعانىنا تالاي جىل بولدى، قازىرگىدەي ەگجەي - تەگجەيلىلەندىرىلگەن، كولەمدەندىرىلگەن، كوپ تۇرلىلەندىرىلگەن، ماركالاندىرىلعان كاسىپ سالاسى جاعدايىن قالىپتاستىرا الۋى حوتان ايماعىنىڭ سوڭعى جىلدارى ”ءجۇز مىڭ، ءبىر ميلليون، ون ميلليون، ءجۇز ميلليون“ دارەجەلى اۋىل شارۋاشىلىعى جەتەكشى كاسىپ سالاسى شوعىرىن ءتۇيىندى تۇلعالاپ، ەرەكشە ءۇي قۇستارى باعىمشىلىعىنداعى ءىشىنارا ولقىلىقتاردى تولىقتاۋىنىڭ ارقاسى.

جۇمىستانۋدى ورنىقتىرىپ، ىشكى قوزعاۋشى كۇشتى ارتتىردى

  كەدەيلىكتەن ورنىقتى ارىلتۋدىڭ، كەدەيلىكتەن جوعارى ساپامەن ارىلتۋدىڭ تەتىگى − ىشكى قوزعاۋشى كۇشتى قاۋلاتۋدا.

  پامير ۇستىرتىنە ورنالاسقان اقتاۋ اۋدانى بۇلۇڭكول اۋىلىنىڭ تەڭىز دەڭگەيىنەن ورتاشا بيىكتىگى 3400 مەتر، ”بۇلت ۇستىندەگى اۋىل“ دەپ اتالعان. وسى اۋىلدىڭ سۋباش قىستاعىنىڭ بايۋ باستاماشىسى ساۋىت سەتۋالدى وسى بىرنەشە جىلدا اۋىلداستاردىڭ نە شەكارا قورعاۋشىسى بولىپ، باعىمشىلىق كاسىبىن دامىتىپ، نە ساياحات كاسىبىنە ات سالىسىپ، ۇيلەرىنەن شىعىپ جۇمىس ىستەگەنىن، بارلىق ادامنىڭ ىستەيتىن جۇمىسى، اي سايىن تاباتىن اقشاسى بار بولعانىن، كەدەيلىكتەن ارىلىپ، بايۋ بەلسەندىلىكتەرىنىڭ بارعان سايىن جوعارىلاعانىن تەرەڭ سەزىندى.

  ”اۆتونوميالى رايون جۇمىستاندىرۋ ارقىلى كەدەيلەردى سۇيەمەلدەۋ تەبىنىن ۇزدىكسىز ارتتىرىپ، شارالاردى ۇزدىكسىز مولايتتى. ءبىزدىڭ وزگەشە ەكولوگيالىق باسىمدىعىمىز بەن مال شارۋاشىلىعى، ساياحات بايلىعىمىز بار، ءبىر جاعىنان، بۇقاراعا كومەكتەسىپ جۇمىس ورىندارىن كەڭەيتىپ، كىرىستى ارتتىرۋ ارناسىن اشساق، ەندى ءبىر جاعىنان، پارتيا قۇرىلىسى ارقىلى دامۋدى جەبەۋ، پارتيا مۇشەلەرى جۇمىستانۋعا باستاۋ سىندى قوعامدىق جونگە سالۋ جاڭا ۇلگىسىن جاسادىق. كادرلار قۇلشىنا جەتەكتەپ، بۇقارانىڭ كەدەيلىكتەن ارىلىپ، بايىپ، دوڭگەلەك داۋلەتتىلىككە ۇمتىلۋداعى ىشكى قوزعاۋشى كۇشىن ۇزدىكسىز قاۋلاتتى“، - دەدى بۇلۇڭكول اۋىلدىق پارتكومنىڭ شۋجيى لي ۋىنجۋان.

  ”كاسىپ ارقىلى ادامدى ورنىقتىرۋ، كاسىپ ارقىلى ادامدى الاڭسىز ەتۋدى“ جۇزەگە اسىرۋ ءۇشىن، قاراقاش اۋدانى شەبەرلىككە باۋلۋ، جۇمىستاندىرۋ ارناسى سياقتى ولقىلىقتاردى تولىقتاپ، ”تىزىمدىك ۇلگىدە“ باۋلۋ، باعىتتامالى باۋلۋ، ناقتى ىستەتىپ باۋلۋ، ىستەۋ ارقىلى جەتەكتەپ باۋلۋ جۇرگىزىپ، تۇرلىشە ەرەكشەلىكتەگى ەڭبەكشىلەرگە لايىقتى جۇمىستانۋ ورايىن ازىرلەدى. سونىمەن بىرگە، كەدەيلەردى سۇيەمەلدەۋ ساياساتىنا قانىق ادام، كەدەيلىكتەن ارىلىپ، بايۋعا باستاماشى ادام، وركەنيەتتى سالتتى تاراتۋشى ادام باۋلۋ ارقىلى بۇقارانىڭ كەدەيلىكتى جەڭۋ سەنىمىن، بەكىمىن قاۋلاتتى.

ۇزاق بولاشاققا دەن قويدى، كەدەيلىكتەن ارىلتۋ تابىستارىن بەكەمدەدى

  ولقىلىقتاردى تولىقتاۋدىڭ تىڭعىلىقتى بولعان - بولماعانى، كەدەيلىكتەن ارىلتۋ تابىستارىنىڭ ورنىقتى بولعان - بولماعانى، دوڭگەلەك داۋلەتتىلىكتىڭ ”ساپاسىنا“ سايادى.

  ”قىستاعىمىز بۇرىن كەدەي قىستاق بولاتىن، پارتيانىڭ ابزال ساياساتىنىڭ كومەگىندە، سۇيەمەلدەۋىندە، قىستاقتا تۇراتىن كادرلار مەن قىستاق كادرلارىنىڭ جەتەكتەۋىندە كەدەيلىكتەن ارىلىپ، كەدەيلىك قالپاعىن الىپ تاستاپ، بۇكىل اۋدانداعى ايگىلى العاباسار قىستاققا اينالدى. كەدەيلىكتەن ارىلعاننان كەيىن، ءبىز حالىققا تيىمدىلىك جاساۋ ساياساتتارىنىڭ ازايماعاندىعىن، كىرىستى ارتتىرۋ جولدارىنىڭ دا كەڭەيە تۇسكەنىن بايقادىق. بۇقارادا نە كەم بولسا، ۇكىمەت سونى تولىقتادى؛ بۇقارا نەنى قاجەت ەتسە، كادرلار سونى جەتكىزدى“، - دەدى 8 - ايدىڭ 10 - كۇنى كەلپىن اۋدانى شىلان اۋىلى باقچا قىستاعىنىڭ تۇرعىنى ساتتار حالىق.

  ءتىلشى اقسۋ ايماقتىق پارتكوم رەفورما كەڭسەسىنەن مىنانى ۇعىستى: اقسۋ ايماعى 2019 - جىلدىڭ سوڭىندا تۇتاستاي كەدەيلىكتەن ارىلىپ، كەدەيلىك تىزىمىنەن شىعارىلعاننان كەيىن، كەدەيلىكتەن ارىلتۋدان قامال الۋدى بەكەمدەۋدى، جوعارىلاتۋدى، ءبىر تۇتاس جوسپارلاۋدى اۋىل - قىستاقتى گۇلدەندىرۋ ستراتەگياسىنا ەنگىزىپ، كەدەيلىكتەن ارىلتۋداعى قاداعالاناتىن وتباسىلاردى، كەدەيلەسۋگە تاياعان وتباسىلاردى، تومەن كىرىستى قاۋىمدى اۋقىمدىق قاداعالاۋ جانە كومەكتەسىپ سۇيەمەلدەۋدى كوزدە ۇستاپ، كەدەيلىكتەن ارىلعان حالىقتىڭ قايتا كەدەيلەسپەۋىن جالپى بەتتىك بەكەمدەۋگە، كەدەيلەسۋگە تاياعان، وڭاي كەدەيلەسەتىن حالىقتا جاڭادان كەدەيلەسۋدىڭ بولماۋىنا، تومەن كىرىستى قاۋىمنىڭ كىرىستەرىن ۇزدىكسىز، ورنىقتى ارتتىرۋىنا شىنايى كەپىلدىك ەتكەن.

  ولقىلىقتاردى تولىقتاۋ − ەكونوميكانىڭ ورنىقتى اينالىمىن ساقتاپ، جوعارى ساپالى دامۋدى ىلگەرىلەتۋدىڭ قاجەتتى تالابى، قامداۋ جاعىنداعى قۇرىلىمدىق رەفورمانى تەرەڭدەتۋدىڭ ءتۇيىندى مىندەتى. كەدەي وڭىرلەر مەن كەدەي حالىق − جاپپاي دوڭگەلەك داۋلەتتى قوعام ورناتۋداعى ەڭ ۇلكەن ولقىلىق، رايونىمىزداعى قالىڭ پارتيالى كادرلار كەدەيلەردى دالمە - ءدال سۇيەمەلدەۋدە پارىقتاردى تابۋدى، ولقىلىقتاردى تولىقتاۋدى، ءالسىز تۇستاردى كۇشەيتۋدى كوزدە ۇستاپ، ءسوزسىز جەڭىسكە جەتۋ بەكىمىمەن كەدەيلىكتەن ارىلتۋدى جوعارى ساپامەن تىڭعىلىقتى جاقسى ىستەۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى