تيانشان تورى
تيانشان تورى   ›   جاڭالىقتار   ›   شينجياڭ حابارلارى

تيتتەي دە بوساڭسىماي، ىندەتتەن ساقتانۋ - تىزگىندەۋدەن قامال الۋ شايقاسىندا باتىل جەڭىسكە جەتەمىز

رايونىمىزداعى كادرلار مەن بۇقارا باس شۋجي شي جينپيڭنىڭ شيپاگەرلەر مەرەكەسى جونىندەگى ماڭىزدى نۇسقاۋىنىڭ رۋحىن ۇيرەندى، دايەكتىلەندىردى −

تيتتەي دە بوساڭسىماي، ىندەتتەن ساقتانۋ - تىزگىندەۋدەن قامال الۋ شايقاسىندا باتىل جەڭىسكە جەتەمىز

شينجياڭ گازەتىنىڭ جالپىلىق اقپارات قۇرالدارى تىلشىلەرى

  سوڭعى كۇندەردەن بەرى، رايونىمىزداعى ءار ۇلت كادرلار مەن بۇقارا باس شۋجي شي جينپيڭنىڭ شيپاگەرلەر مەرەكەسى جونىندەگى ماڭىزدى نۇسقاۋىنىڭ رۋحىن مۇقيات ۇيرەندى، دايەكتىلەندىردى. كوپشىلىك مىنالاردى ءبىلدىردى: جوعارى - تومەن ءبىر نيەتكە كەلىپ، قيىندىققا قارسى اتتانىپ، وڭاي - وسپاق قولعا كەلمەگەن ساقتانۋ - تىزگىندەۋ شايقاسىنىڭ تابىستارىن بارىنشا قاستەرلەپ، تاباندىلىقتى ساقتاپ، قايسارلىق كورسەتىپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي جاقسى ىستەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزەمىز.

  وسى ءبىر مەزگىلدە شينجياڭ مەديتسينا داشۋەسىنە قاراستى وسپە اۋرۋلار شيپاحاناسى سالماقتى اۋرۋلار مەديتسينالىق ءبولىمى پارتيا ياچەيكاسىنىڭ شۋجيى، ءبولىمنىڭ ورىنباسار مەڭگەرۋشىسى 39 جاستاعى لياڭ ۋي اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ ICU3 ناۋقاستار اۋماعىندا تابانداپ تۇرىپ، قاتەرلى، سالماقتى ناۋقاستارعا بار زەيىنىمەن قارادى. ”بۇل ارا ەڭ حاۋىپتى جەر، سونداي - اق ءبىزدى ەڭ قاجەت ەتەتىن جەر. ءبىز باس شۋجيدىڭ تاپسىرماسىن ەستە بەرىك ساقتاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ىندەتكە قارسى اتتانۋ رۋحىن اسقاقتاتىپ، دياگنوز قويۋ جانە ەمدەۋ بارىسىنداعى قيىن وتكەلدەردەن قامال الىپ، ناۋقاستاردى قۇتقارۋعا بارىنشا قۇلشىنىپ، ءومىردى قورعايمىز“، - دەدى لياڭ ۋي.

  قيىنشىلىعى بار تۇرعىندارعا كوكونىس جەتكىزۋ، قوقىر - قوقىس ءۇيىن زارارسىزداندىرۋ قىزمەتىن تەكسەرۋ... 8 - ايدىڭ 20 - كۇنى ساعات 7دە، قىزمەت داپتەرىنە قىزمەت ورنالاستىرۋلارىن ەستەلىككە العاننان كەيىن، ءۇرىمجى قالاسى تيانشان رايونى ىنتىماق جولى اۋماعىن باسقارۋ كوميتەتى جۇڭچۋان كوشەسى وڭتۇستىك الەۋمەتتىك اۋماعى پارتيا ياچەيكاسىنىڭ شۋجيى گۇلباھار عوپۇر ءبىر كۇنگى قاربالاستىعىن تاعى باستاپ كەتتى. ول بىلاي دەدى: ”ەمدەۋ قىزمەتكەرلەرى بىزگە قاراعاندا كوپ جاپا شەگىپ جاتىر، ءبىز شيپاگەرلەردى قۇرمەتتەۋىمىز، ايالاۋىمىز، ولاردى ۇلگى ەتىپ، ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، تۇرعىندارعا دەن قويا، سۇيىسپەنشىلىكپەن قىزمەت وتەۋىمىز كەرەك. كوپشىلىك بىرگە قۇلشىنىپ، قالامىزدىڭ تىرشىلىك لەبى مەن ومىرشەڭدىگىنىڭ ەرتەرەك قالپىنا كەلۋىنە مۇمكىندىك جاسايىق“.

  شي جينپيڭنىڭ بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتاعان جانە ولاردان حال سۇراعان حاباردى كورگەننەن كەيىن، ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) يىنچۋان جولى اۋماعى چۋانجوۋ كوشەسى الەۋمەتتىك اۋماعىنىڭ ەرىكتىسى شۇي فا دەرەۋ ۋيچات دوستىق شەڭبەرىنە كوشىرىپ تاراتتى. ول بىلاي دەدى: ”وسى ارقىلى اق حالاتتى پەرىشتەلەرگە قۇرمەت ءبىلدىرىپ، ولاردان ۇيرەنىپ، جاپا - ماشاقاتتان قورىقپاي، ۇلەس قوسۋعا پەيىل بولۋدى ءۇمىت ەتەمىن، مەن دەنە تەمپەراتۋراسىن ولشەۋ، كوكونىس، ءدارى - دارمەك جەتكىزۋ سياقتى ەرىكتى قىزمەت وتەۋ جۇمىسىمدى ۇزدىكسىز جاقسى ىستەپ، اق حالاتتى پەرىشتەلەرمەن بىرگە تىزە قوسا شايقاس جاساپ، ىندەتكە بىرگە قارسى اتتانامىن“.

  اۆتونوميالى رايوندىق باس جۇمىسشى ۇيىمى ىندەتتەن ساقتانۋ - تىزگىندەۋ، قۇتقارۋ - ەمدەۋ ءبىرىنشى شەبىندە شايقاس جاساپ جاتقان ەمدەۋ اترەتىندەگىلەرگە ماسا ىستاعىش، شۇعىل قۇتقارۋ ءدارى - دارمەگى، قولايلى كەسپە سياقتى زاتتىق بۇيىمداردى جەتكىزىپ، ارتقى شەپ قامتاماسىز ەتۋ جاعىندا ساقتالعان قيىنشىلىقتاردى شەشۋگە كومەكتەستى. اۆتونوميالى رايوندىق باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى چىن جۇڭكۋان مىنالاردى ءبىلدىردى: ءبىز ءبىرىنشى شەپتەگى ەمدەۋ قىزمەتكەرلەرىن، سونداي - اق ولاردىڭ وتباسىنداعىلاردى قامتاماسىز ەتۋ قىزمەتىن كۇش سالا جاقسى ىستەۋمەن قاتار، ەڭبەك ۇلگىلەرى جانە ۇزدىك قىزمەتكەر سياقتى داڭقتى اتاقتار بويىنشا باعالاپ، تاڭداۋ بارىسىندا دەنساۋلىق ساقتاۋ، سالاماتتىق ىستەرىنىڭ دامۋىن ىلگەرىلەتۋگە كورنەكتى ۇلەس قوسقان كوللەكتيۆتەر مەن جەكەلەردى تاڭداۋعا باسا ءمان بەرىپ، بۇكىل رايونداعى قالىڭ قىزمەتكەرلەردى ءبىر نيەتپەن ىنتىماقتاسىپ، قيىندىققا قارسى اتتانىپ، ءورىس اشا العا ىلگەرىلەپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋگە شابىتتاندىرامىز.

  التاي ايماقتىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى چيان جىجياڭ مىنالاردى ءبىلدىردى: سوڭعى جىلداردان بەرى، التاي ايماعى نەگىزگى ساتىنىڭ الەۋمەتتىك ەمدەۋگە، دەنساۋلىق ساقتاۋعا قىزمەت وتەۋ قابىلەتىن ۇزدىكسىز جوعارىلاتىپ، اۆتونوميالى رايونداعى شيپاحانالارمەن ەتەنە بولعان ەمدەۋ بىرلەسكەن تۇلعاسىن بەلسەنە قۇرىپ، دارىندى باۋلۋ، ەنگىزۋ جانە ىستەتۋ جاعىنا بارىنشا كۇش سالىپ، ءبىر توپ ۇزدىك ەمدەۋ دارىندىسىنىڭ ونەرىن ايگىلەۋىنە مۇمكىندىك جاسادى. وسى رەت ىندەت تۋىلعاننان كەيىن، التاي ايماعىنان كوپتەگەن ۇزدىك ەمدەۋ - كۇتىمدەۋ قىزمەتكەرى ءۇرىمجى قالاسىندا نۋكلەين قىشقىلىنان ۇلگى الۋ قىزمەتىن ورىستەتۋگە كومەككە باردى. تيانشان پەرزەنتتەرى ءوزارا قارايلاسىپ، ۋاقىتتىق قيىنشىلىقتى بىرگە جەڭسە، سوڭعى جەڭىستىڭ، ءسوز جوق، بىزگە ءتان بولاتىندىعىنا سەنەمىز.

  كونەءشار اۋداندىق پارتكوم ۇگىت ءبولىمىنىڭ ورىنباسار باستىعى ليڭ زايكۇن بىلاي دەدى: ”ءبىز باس شۋجيدىڭ ماڭىزدى نۇسقاۋىنىڭ رۋحىن ءىس جۇزىندىك قىزمەت بارىسىندا تياناقتاندىرىپ، ءداستۇرلى اقپارات قۇرالدارى مەن جاڭا اقپارات قۇرالدارى تۇعىرىنان پايدالانىپ، ىندەتكە قارسى اتتانۋداعى ۇزدىك، تيپتىك ىزگى ىستەردى ۇگىتتەپ، ىندەتكە قارسى اتتانۋ ۇلى رۋحىن اسقاقتاتىپ، ونى جۇرەككە ۇيالاتىپ، ارەكەتتە ايگىلەپ، شيپاگەرلەردى قۇرمەتتەيتىن، دەنساۋلىققا ءمان بەرەتىن تاماشا ورتانىڭ قالىپتاسۋىن ىلگەرىلەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە قول جەتكىزۋگە كۇش قوسامىز“.

(ءتىلشى جاڭ يانفاڭ، جازۋعا قاتىناسقان تىلشىلەر يۇي مىڭران، يۇي شي، لياڭ ليحۋا، جاڭ تيڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.