شينجياڭ گازەتىنىڭ جالپىلىق اقپارات قۇرالدارى ءتىلشىسى سۋ لۋپيڭ
8 - ايدىڭ 22 - كۇنى تاڭەرتەڭ ءۇرىمجى قالاسى سايباق رايونى لۋيۋان كوشەسى اۋماعىن باسقارۋ كوميتەتى لۋيۋان كوشەسى الەۋمەتتىك اۋماعى جۇنتاي سارايىنىڭ الدىندا روزىگۇل ساۋۇت كىشكەنە داپتەرىنە ەرىكتىلەردىڭ تاپسىرىسىن ەگجەي - تەگجەيلى ەستەلىككە الدى، ”چيۋ جيڭ اپەكەم كەشە تاعى ءتۇننىڭ ءبىر ۋاعىنا دەيىن قاربالاستادى، دايىندىق قىزمەتىن الدىن الا ويداعىداي ىستەپ قويسام دەيمىن“، - دەدى ول.
بيىل 4 - ايدا روزىگۇل قاراقاش اۋدانىنان ۇرىمجىگە كەلىپ، لۋيۋان كوشەسى اۋماعىن باسقارۋ كوميتەتىنە قىزمەتكە تۇردى. روزىگۇلدىڭ قالا قىزمەتىنە جانە تۇرمىسىنا اناعۇرلىم تەز ارادا قانىق بولۋى، ۇيلەسۋى ءۇشىن، باسقارۋ كوميتەتى ونى جەتەكتەۋگە ”ۇستاز“ تاۋىپ بەرگەن، ول وزىنەن 3 جاس ۇلكەن چيۋ جيڭ ەدى.
قاجىرلى دا تىرىسشاڭدىق − روزىگۇلدىڭ چيۋ جيڭعا قالدىرعان تۇڭعىش اسەرى بولدى. ”قىزمەتكە قاتىناسۋدان بۇرىنعى تاربيە كەزىندە، ونىڭ قولىنان قاشاندا قالام، قاعاز تۇسپەيتىن، مۇقيات ەستەلىككە الۋمەن قاتار الدىن الا پىسىقتاپ كەلەتىن“. العاش كەلگەندە روزىگۇل پۋتۇڭحۋادا جاتىق سويلەي الماعاندىقتان، چيۋ جيڭ ءبىر مەزگىل ونىڭ ماشىقتانۋىنا سەرىك بولادى. قازىر روزىگۇل قاراپايىم ۇگىت - لەكسيالاردى جۇرگىزە الاتىن بولدى.
ءسىڭلىسىنىڭ ۇرىمجىدە جالعىز تۇراتىنىن، ورتا اۋىستىرعاندىقتان ازدى - كوپتى ۇيلەسە الماي جۇرگەنىن ويلاعان چيۋ جيڭ تۇرمىستا وعان كوبىرەك قامقورلىق جاسادى. ونىڭ قىزمەت ورتاسىمەن تانىسۋىنا جەتەكشىلىك ەتىپ، قىزمەت ادىستەرىن ۇيرەتتى؛ قولى تيگەندە ونى تاماق ىشۋگە، بازار قىدىرۋعا شاقىردى، ەكەۋى بارعان سايىن ەتەنە بولا ءتۇستى.
7 - ايدىڭ ورتا شەنىندە شاعىن اۋماق جابىق باسقارۋدى اتقاردى، وتباسىن كوتەرەگە العان كادر رەتىندە، چيۋ جيڭ جۇنتاي سارايىندا قىزمەت وتەۋمەن قامتاماسىز ەتۋ جانە كەزەكشىلىككە تۇرۋ مىندەتىن ۇستىنە الدى. جۇنتاي سارايىندا وتباسى كوپ، كۇندىز ”شابارماندىققا“ چيۋ جيڭ مەن ەرىكتىلەر عانا جۇگىرەتىندىكتەن، قاربالاستىقتان مۇرىندارىنا سۋ جەتپەي جۇرەتىن - دى.
”مەن اپەكەممەن بىرگە بىلەك بىرىكتىرۋىم كەرەك“. ءالى تاربيەلەۋ مەزگىلىندە بولعاندىقتان، تۇراقتى قىزمەت ورنى جوق روزىگۇل الەۋمەتتىك اۋماققا چيۋ جيڭمەن ۋاقىتشا سەرىكتەس بولۋعا ءوتىنىش ەتەدى، ”ەكى ادام بولىسە كوتەرسە جەڭىلىرەك بولادى“.
ءار كۇنى قىزمەتكە شىعا سالىسىمەن، چيۋ جيڭ مەن روزىگۇل جۇنتاي سارايىنىڭ الدىنا ۋاعىندا بارىپ، ەرىكتىلەر جيناعان تۇرعىنداردىڭ تاپسىرىسىن رەتتەيدى. چيۋ جيڭ الەۋمەتتىك اۋماقتىڭ كوكونىستى تىكە ساتۋ ورنى كوكونىستى ەرتە اكەلگەن كۇنى ەكەۋىنىڭ الدىمەن بارىپ قاتارعا تۇرىپ كوكونىس ۇلەستىرىپ، تاسىپ اكەلىپ ەرىكتىلەردىڭ ءبولىپ تاراتىپ بەرۋىنە تاپسىراتىندىقتارىن؛ كوكونىستى جاي اكەلگەن كۇنى ەكەۋى جەكە - جەكە ەرەن بازارعا، ءدارىحاناعا بارىپ تۇرعىندارعا ساتىپ اكەلىپ بەرەتىندىگىن ايتتى. تۇرعىندار شۇعىل شيپاحاناعا بارۋ قاجەت بولعاندا، چيۋ جيڭ تۇرعىنداردى شيپاحاناعا جەتكىزۋگە جاۋاپتى بولادى ەكەن دە، روزىگۇل كەزەكشىلىككە تۇرىپ، ەرىكتىلەرگە سايكەسۋگە جاۋاپتى بولادى.
8 - ايدىڭ 22 - كۇنى ءۇرىمجىنىڭ ەڭ جوعارى اۋا تەمپەراتۋراسى 30 سەلتسي گرادۋسقا جەتپەسەدە، ءبىر كۇنگى قاربالاستىقتان اپەكەلى - سىڭلىلى ەكەۋىنىڭ قورعانۋ كيىمدەرى تەرگە مالشىنىپ كەتىپتى. ”سىڭلىمدەي جاقسى كومەكشىم بولعاندىقتان، جۇمىسقا تەبىنىم ارتا ءتۇستى“، - دەدى چيۋ جيڭ.
