شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، يۇي مىڭران
سالماقتى، حاۋىپتى ناۋقاستاردى قۇتقارۋ - ەمدەۋ ۋاقىپتەن جارىسۋ سانالادى. 8 - ايدىڭ 22 - كۇنى يۇي كايجياڭ بۇرىنعىسىنداي اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا قۇتقارۋ - ەمدەۋگە بەلگىلەگەن شيپاحانانىڭ ICU1 ناۋقاستار اۋماعىن كۇزەتتى، ول بۇل جەردە سوڭىنا دەيىن بولاتىندىعىن ايتتى.
يۇي كايجياڭ حاربين مەديتسينا داشۋەسىنە قاراستى 1 - شيپاحانانىڭ باستىعى، كەزىندە حيلۇڭجياڭ ولكەسىنىڭ جاڭا تيپتى ايدارشا ۆيرۋس وكپە قابىنۋىنا شالدىققان سالماقتى ناۋقاستاردى قۇتقارۋ - ەمدەۋ ماماندار گرۋپپاسىنىڭ باستىعى بولعان ول مەملەكەتتىك بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ۇرىمجىدە تۇرىپ قۇتقارۋ - ەمدەۋگە قاتىناسۋعا جىبەرگەن مەملەكەتتىك ماماندار گرۋپپاسىنداعى 18 ماماننىڭ ءبىرى رەتىندە 7 - ايدىڭ 31 - كۇنى ۇرىمجىگە كەلگەن بولاتىن.
”ەرەكشە مەزگىلدە جايشىلىقتاعى داعدىلى قىزمەت حاۋىپتىلىگى اسا جوعارى قيىن قىزمەتكە اينالۋى مۇمكىن. ىندەت كەزىندە قىزمەت كۇشەمەلىلىگى، قيىندىعى تۇگەلدەي زور دارەجەدە ارتتى“. ۇرىمجىگە كەلگەننەن كەيىن يۇي كايجياڭ قىزمەت كۇيىنە تەز ەندى، جوعارى تەمپەراتۋرادا ۇستىندەگى قابات - قابات قورعانۋ كيىمى بىردەم تەرگە مالشىنسا، بىردەم قۇرعايدى.
ناۋقاستاردىڭ جاعدايىنا قاراي مەملەكەتتىك ماماندار گرۋپپاسى مەن شينجياڭ ماماندار گرۋپپاسىنان ۇيىمداسقان بىرلەسكەن ماماندار گرۋپپاسى اقىلداسىپ ساتىعا ءبولىپ ەمدەۋ، عىلمي شارا قولدانىپ قۇتقارۋ - ەمدەۋ جوباسىن اتقارىپ، سالماقتى ناۋقاستار 1 - اۋماعىن، 2 - اۋماعىن، 3 - اۋماعىن بەلگىلەپ، ناۋقاستارعا عىلمي، دالمە - ءدال ەمدەۋ جۇرگىزدى.
”سالماقتى ناۋقاستاردىڭ تاۋىرلەنۋى ەمدەۋ - كۇتىمدەۋ قىزمەتكەرلەرىنىڭ دەن قويا قاراۋىنان ايىرىلا المايدى، ءبىز ناۋقاستارعا تاۋلىك بويى ۇزىكسىز ديناميكالى تۇردە مەديتسينالىق دەنەلىك بەلگىلەرىن باقىلاۋ - ولشەۋ، ارتەريا قان كۇشىنە كوپ رەتتىك تالداۋ جاساۋ سياقتىلار ارقىلى ناۋقاستاردىڭ ەڭ قيىن مەزگىلدەن ءوتىپ كەتۋىنە كومەكتەسۋىمىز قاجەت“، - دەدى يۇي كايجياڭ.
يۇي كايجياڭ ۇنەمى ءارقايسى بولىمدەردىڭ ماماندارىمەن بىرگە كوپ ءبولىم بىرلەسىپ دياگنوز قويىپ، ناۋقاستاردىڭ كلينيكالىق بەينەلەرىن جانە ناۋقاس تاريحىن زەرتتەپ، تالقىلاپ، تۇرلىشە ناۋقاس جاعدايىنا قاراي شارا قولداندى. ICUداعى ءاربىر سەكۋنت ءولىم مەن ءومىردىڭ ۋاقىت جارىسى؛ ءاربىر ناۋقاستىڭ حالى ناشارلاعاننان ساۋىققانىنا دەيىنگى جاعداي يۇي كايجياڭنىڭ كوز الدىندا.
”وسى رەت تەكسەرىپ ەمدەگەن ناۋقاستاردىڭ ىشىندە جاسى ەڭ ۇلكەنى 92 جاستا، جاسى ۇلعايعان ناۋقاستاردىڭ قاشاندا قوسانجارلانعان نەگىزدىك اۋرۋلارى بولادى؛ ۇرىمجىدەگى وسى رەتكى ناۋقاستاردىڭ كوبى سەمىزىرەك بولۋداي وڭىرلىك ەرەكشەلىك العان، بۇل قۇتقارۋ - ەمدەۋگە بەلگىلى دارەجەدە سايىس اكەلدى“. يۇي كايجياڭ بىلاي دەدى: سالماقتى ناۋقاستاردىڭ نەگىزدىك اۋرۋلارى كوپ بولۋ سياقتى ەرەكشەلىكتەرىنە ساي، ەمدەۋ اترەتى ۇزدىكسىز ىزدەنىس جاساپ، جاڭالىق اشىپ، ”كوپ اسكەر ءتۇرى بار جيتۋانجۇن“ فورماسىندا شايقاس جاساۋ ءتاسىلىن قولدانىپ، ەڭ مىقتى ەمدەۋ كۇشتەرىن شوعىرلاندىرىپ، جالپىلىق تاسىلدەر ارقىلى سالماقتى ناۋقاستاردى قۇتقارىپ ەمدەدى.
شايقاسقا تاعى اتتانعان يۇي كايجياڭ ءتىپتى دە تەرەڭ تولعاندى، ول بىلاي دەدى:”’نولگە تۇسسە دە‘ باستان - اياق ساق بولىپ، ىندەتتەن ساقتانۋ - تىزگىندەۋدى ۇدايىلاندىرۋدى جاقسى يگەرۋىمىز كەرەك، ’بەيبىت كەزدەگى مەن شايقاس كەزدەگىنى ۇشتاستىرۋ‘ شيپاحانا ءدوپ كەلگەن تىڭ تاقىرىپ بولىپ وتىر“.
