تيانشان تورى
تيانشان تورى   ›   جاڭالىقتار   ›   ءۇرىمجى

ىندەتكە قارسى اتتانۋدىڭ ءبىرىنشى شەبىندەگى پارتيا مۇشەسى |ەرىكتى شى شياۋباۋ: ءبىر ايدا 2 كيلوگرام ارىقتادى، كوپشىلىككە قىزمەت وتەپ كوڭىلدى بولدى

  تيانشان تورىنىڭ حابارى (ءتىلشى ۋاڭ جيڭجيڭ حابارلايدى) ءۇرىمجى جوعارى جاڭا عىلىم - تەحنيكالىق كاسىپ سالالارىن اشۋ رايونى (جاڭا قالا رايونى) بەيجيڭ جولى شينجيڭيۋان شاعىن اۋماعى 1-عيمارات 4-دانيۋاننىڭ تۇرعىندار ۋيشين توبىندا كوپشىلىك ەڭ كوپ شاقىراتىن ەرىكتى شى شياۋباۋ، ”شياۋشى دا، شياۋباۋ دا مەنمىن، 48 جاستامىن، عيماراتتاعى پەنسياعا شىققان اعاي-اپايلارمەن سالىستىرعاندا ەڭ جاسىمىن“،-دەدى 8-ايدىڭ 22-كۇنى اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنىڭ قىزمەتكەرى شى شياۋباۋ.

  7-ايدىڭ 19-كۇنى شاعىن اۋماقتىڭ ەرىكتىلەر قىزمەتىنە قاتىناسقاننان بەرى، ول شينجيڭيۋان شاعىن اۋماعى 1-عيمارات 4-دانيۋانىنداعى تۇرعىنداردىڭ ەڭ سەنىمدى ادامىنا اينالدى. ءبىر ايدان استام ۋاقىتتان بەرى، شى شياۋباۋ ءار كۇنى عيمارات پەن شاعىن اۋماق قاقپاسىنىڭ اراسىندا كەم دەگەندە 20 نەشە رەت بارىپ-كەلەدى، دەنە سالماعى 2 كيلوگرام ءتۇستى، ”قىزىم سىرت جەردە داشۋە وقيدى، ۇيدە جۇبايىم ەكەۋىمىز عانا، مەن وسى دانيۋانداعى ەڭ جاسىمىن، پارتيا مۇشەسى رەتىندە، مەن ەرىكتى بولۋ قىزمەتىن ءسوزسىز جاقسى ىستەۋىم كەرەك“،-دەدى شى شياۋباۋ.

8-ايدىڭ 8-كۇنى تۇرعىندار نۋكلەين قىشقىلىن تەكسەرتكەندە، شى شياۋباۋ ەرىكتى رەتىندە سول جەردە كوپشىلىكتىڭ دەنە تەمپەراتۋراسىن ولشەدى. سۋرەتتى سۇحبات قابىلداۋشى بەرگەن.

  شاعىن اۋماق 2 كۇندە ءبىر رەت كوكونىس ساتىپ الادى، تۇرعىندار قاجەتتەرىن ۋيشين توبىنا جولدايدى، شى شياۋباۋ مەن باسقا ەرىكتىلەر بىرگە بارىپ ساتىپ الادى. ”ءار جولى كەرەك-جاراقتاردى جەتكىزگەندە، ول ۇنەمى ساتىپ الاتىن تاعى قانداي زاتتار كەرەك دەيدى، قولىنداعى نارسەلەردى جەتكىزىپ بولعاننان كەيىن بارىپ ساتىپ اكەلەدى، استە اۋرە كورمەيدى، كوپتەگەن تۇرعىندار بىزگە ءسوز جولداپ ونى ماداقتايدى“،-دەدى ءۇرىمجى جوعارى جاڭا عىلىم - تەحنيكالىق كاسىپ سالالارىن اشۋ رايونى (جاڭا قالا رايونى) ارگۇڭ ءمالى باسقارماسى شياۋشيگوۋ الەۋمەتتىك اۋماعىنىڭ كادرى ارزىگۇل ياسىن.

  4-دانيۋانداعى 28 وتباسىنا جاۋاپتى بولۋدان سىرت، شى شياۋباۋ تاعى الەۋمەتتىك اۋماق ەرىكتىلەر اۆتوكولىك اترەتىنىڭ مۇشەسى، ۇنەمى تۇرعىنداردى شيپاگەرگە كورسەتۋگە، ءدارى ساتىپ الۋعا اپارىپ-اكەلەدى، ەڭ كوپ بولعان ءبىر كۇنى ول 6 رەت بارىپ-كەلدى. 8-ايدىڭ 3-كۇنى شاعىن اۋماقتاعى ءبىر قارتتىڭ اياق استىنان نەسەبىنە قان ارالاسىپ كەلەدى، شى شياۋباۋ الەۋمەتتىك اۋماقتىڭ تەلەفونىن قابىلدايدى، ونى اۆتوكولىگىن ايداپ الەۋمەتتىك اۋماق قىزمەتكەرىمەن بىرگە قارتتى شيپاحاناعا اپارۋعا جىبەرەدى، ”قارتتى شيپاحاناعا اپارىپ، B ،تيپتى ۋلترا دىبىس تولقىنىن جاساتىپ بولعاننان كەيىن، شيپاگەر ۇلكەن ماسەلە جوق ەكەنىن ايتتى، شاعىن اۋماققا قايتار جولدا، اعاي ماعان كوپ رەت راقىمەت ايتتى، ەرەكشە قۋاندىم، قانشا شارشاسامدا تاتيدى“،-دەدى شى شياۋباۋ.

  شاعىن اۋماقتا تاعى ءبىر قارت بار، اپتا سايىن شيپاحاناعا بارىپ قان سۇزدىرەدى، شى شياۋباۋ قارتتى ۇنەمى اپارىپ-اكەلەدى، ءار جولى قان ءسۇزدىرىپ بولعاننان كەيىن، قارتتىڭ قولىنداعى ۋكول سالعان جەردەن ىلعي قان شىعادى، ۇيىندەگى ماقتا شىرپىسى تاۋسىلىپ قالعان ەدى. شى شياۋباۋ احۋالدان حاباردار بولعاننان كەيىن، ەكى ۇلكەن قوراپتى ماقتا شىرپىسىن اپارىپ بەردى. ”اعاي ماقتا شىرپىسىن العاندا، ماعان كىرىپ وتىرۋدى ايتتى، ەرەكشە مەزگىل بولعاندىقتان باس تارتتىم، ىندەت اقىرلاسقاننان كەيىن امانداسا بارامىن“،-دەدى شى شياۋباۋ.

  ءار كۇنى تۇستەن كەيىن ساعات 7دە، شى شياۋباۋ وتباسىلارىن ارالاپ قوقىر-قوقسىق جيناعان كەزدە، تۇرعىندار قوقىر-قوقسىق قالتاسىنىڭ اۋىزىن جاقسى بايلاپ قانا قويماي، راقىمەت، جاپا شەكتىڭىز، دەگەن جاپسىرمالار جاپسىرىپ، ۇستىنە كۇلىمسىرەگەن بەينەلىك سىزادى، تۇرعىندار وسىنداي تاسىلدەرمەن وعان العىسىن ءبىلدىردى.

  ”بۇل رەت ەرىكتى بولۋ كەشىرمەم ماعان شىنايى قۋانىشتى سەزىندىردى، مەن ساقا جاۋىنگەرمىن، ساقا پارتيا مۇشەسىمىن، بۇكىل ىنتا-پەيىلمەن حالىق ءۇشىن قىزمەت ەتەتىن اۋەلگى ماقساتتى ەشقاشان ۇمىتپايمىن. ىندەتتەن كەيىن، ەرىكتى قىزمەتىمە تاباندى بولا بەرەمىن“،-دەدى شى شياۋباۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.