تيانشان تورى   ›   جاڭالىقتار   ›   سپورت الەمى

جاۋىنگەردىڭ CBAعا كىرۋ ارمانى ورىندالدى: اتا - انام وسى ساتكە كۋا بولسا قانداي جاقسى

  تيانشان تورىنىڭ حابارى ( ٴتىلشى حۋاڭ شيڭ حابارلايدى). ”مەن توتەنشە قۋاندىم، ارمانىم جۇزەگە استى، اكەمنىڭ مەنى باستان - اقىر قولداعانىنا العىس ايتامىن، ەگەر وسى ساتكە اتا - انام كۋا بولسا قانداي جاقسى بولار ەدى“، - دەدى 8 - ايدىڭ 21 - كۇنى تۇستە، 25 جاستاعى شينجياڭ داشۋەسىنىڭ دوپشىسى جاۋىنگەر قويشان تەلەفوندا تىلشىگە، 3 ساعاتتىڭ الدىندا، ول 2020 - جىلعى C B A ياعني (جۇڭگو ەرلەر باسكەتبول كاسىپتىك بىرلەسپە جارىسى) جاڭا شەبەرلەردى تاڭداۋ جينالىسىندا التىنشى بولىپ، جياڭسۋ تۇڭشي داشىڭ كلوبىنا تاڭدالدى.

مەيىر ـ شاپاعات ونىڭ باسكەتبول شەبەرى بولۋ ارمانىنا دەم بەردى  

  قازاق جىگىتى جاۋىنگەر بيىل 25 جاستا، شينجياڭنىڭ تارباعاتاي ايماعىنىڭ تولى اۋدانىندا دۇنيەگە كەلگەن، ول وتە كىشكەنە كەزىندە شەشەسى قايتىس بولادى. اعايىندى ۇشەۋىن اكەسى باعىپ جەتكىزەدى. سەمياسى تىم باياشات ەمەس ول وزىمەن جاستى بالالاردان اقىلدى بولىپ وسەدى.

  2016 ـ جىلى ول شينجياڭ داشۋەسىنە وقۋعا تۇسەدى. بۇل جىل ونىڭ ومىرىندەگى ەڭ قيىن كەزەڭ بولدى. اكەسى قويشان راك اۋرۋىنا شالدىعىپ، ءوز كۇنىن ءوزى كورۋىنە تۋرا كەلەدى. پان ميڭحۇي جاتتىقتىرۋشىنىڭ دوسى لي جياشۋاڭ باسكەتبول اۋەسكەرى ەدى، ول جاۋىنگەردىڭ قيىنشىلىعىن ەستىگەننەن كەيىن، داشۋەنى بىتىرگەنگە دەيىن، وعان ايىنا 1000 يۋاننان كومەك بەرۋگە بەكيدى.

  ”وسى كۇنگە دەيىنگى ءومىر ساپارىمدا كوپتەگەن ىزگى نيەتتى ادامدار ماعان كومەكتەسىپ كەلەدى“،- دەدى جاۋىنگەر تەبىرەنە، ”ورتا مەكتەپتەگى دەنە تاربيە وقىتۋشىم ەرجان مەنى دەنە تاربيە الەمىنە اكەلدى؛ ٴۇرىمجى قالالىق 101 ـ ورتا مەكتەپتىڭ باسكەتبول جاتتىقتىرۋشىسى پان ميڭحۇي ماعان كاسىپتىك باسكەتبول جاتتىعۋىنا باۋلىدى؛ شينجياڭ داشۋەسى ەرلەر باسكەتبول كومانداسىنىڭ باس جاتتىقتىرۋشىسى لۋ جۇن ماعان ٴوز قابىلەتىمدى ايگىلەيتىن تەكشە ازىرلەپ بەردى؛ شينجياڭ تيانشان قىرانى باسكەتبول كومانداسىنىڭ باس جاتتىقتىرۋشىسى ماۋلان ماعان كاسىپتىك باسكەتبولدى تانىتتى، دەنە ساپام مەن سپورتتىق قابىلەتىمدى ءوسىردى“.

بەينەسى كورنەكتى بولىپ، شەبەرلەردى تاڭداۋ جينالىسىنا قاتىناستى  

  2019 ـ جىلى جازعى دەمالىستا، شينجياڭ تيانشان بۇركىتى باسكەتبول كومانداسىنىڭ باس جاتتىقتىرۋشىسى ماۋلان جاۋىنگەردى شينجياڭنىڭ تيانشان بۇركىتى باسكەتبول كلۋبىنا كەلىپ، شوعىرلى جاتتىعۋعا قاتىناسۋىن ۇسىنىس ەتەدى.

  C U B A دەگى بەينەسى جاقسى بولعاندىقتان، جاۋىنگەر 2020 - جىلعى C B Aعا شەبەر تاڭداۋ جينالىسىنا قاتىناستى. شەبەر تاڭداۋ كۇنى، جاۋىنگەر شينجياڭ تيانشان قىرانى باسكەتبول كلوبى جاتتىعۋ بازاسىنىڭ جاتاعىندا، قول تەلەفون ارقىلى شەبەر تاڭداۋ جينالىسىن كوردى.

  ”C B Aدىڭ قارسىلىق قۋات، سپورتتىق قابىلەت، كۇش قۋات، تەحنيكالىق تاكتيكا قابىلەتى جونىندەگى تالاپتارىن C U B A مەن سالىستىرعاندا ەكەۋىندە جەر مەن كوكتەي پارىق بار. ونىڭ بۇل قيىنشىلىقتاردى مۇمكىندىكتىڭ بارىنشا جەڭىپ، تاماشا بولاشاققا قول جەتكىزۋىن ٴۇمىت ەتەمىن“،- دەدى ماۋلان تىلشىگە.

  ”كومانداعا تاڭدالۋ جاڭا باستاما عانا، بۇدان كەيىن ءتىپتى دە قۇلشىنۋىم كەرەك، سوندا عانا C B Aدىڭ جارىس مايدانىندا تابان تىرەپ تۇرا الاتىن بولامىن“، جاۋىنگەردىڭ بۇل ءسوزى العىس پەن بولاشاققا دەگەن ۇمىتكە تولى ەدى. (سۋرەتتى سۇحبات قابىلداۋشى بەرگەن)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.