تيانشان تورىنىڭ حابارى (سۋرەتىن ءتۇسىرىپ حابارىن جازعان ٴتىلشى يۇي جياڭيان). ”ءاربىر ناۋقاسقا ەپيدەميولوگيالىق تەكسەرۋدى جاقسى جۇرگىزىپ، ناۋقاستىڭ وتكەن جارتى ايدان بەرگى ءجۇرىس - تۇرىس جاعدايىن تاپتەشتەي سۇراۋ كەرەك“ ... 8 - ايدىڭ 21 - كۇنى، ساعات 9:30 داعى تاڭەرتەڭگى داعدىلى باس قوسۋدا جاۋ پىڭ ۇجىمداعى ءاربىر ەمدەۋ قىزمەتكەرىنە ”يدەيالىق جاقتان تيتتەي دا بوساڭسۋعا بولمايتىندىعىن“ تاعى ءبىر رەت قاداعالاي تاپسىردى.
ٴۇرىمجى حالىقارالىق شيپاحاناسى قىزۋ امبولاتورياسىنىڭ جاۋاپتىسى رەتىندە، جاۋ پىڭ ۇلكەن جاۋاپكەرشىلىك ارقالاعان، ”قىزۋ امبولاتورياسى جاڭا تيپتى ايدارشا ۆيروس وكپە قابىنۋى ىندەتىن ايىراتىن ’الدىڭعى قاراۋىل‘، بىردە - ٴبىر ادامدى قاعىس قالدىرۋعا استە بولمايدى“.
وسى رەتكى ىندەت تۋىلعاننان بەرى، جاۋ پىڭ قىزمەت ورنىنان تاپجىلمادى، ەكەۋى دە ەمدەۋ شايقاس شەبىندە، ٴبىر قالادا تۇرسا دا ايەلى ەكەۋى ەكى جەردە ءبولىنىپ تۇردى، عاشىقتار مەرەكەسى كۇنى ول ۋيشين ارقىلى ايەلىنە كوڭىلىن مىنا ءبىر اۋىز سوزبەن ءبىلدىردى: ”بەرىك ماحاببات، شىنايى سۇيىسپەنشىلىك قاي - قاشاندا سولعىندامايدى“.
جاۋ پىڭ كومپيۋتەردىڭ الدىندا ناۋقاستاردىڭ ماتەريالىن الۋدا.
قىزمەتتە شوگەل، قىزمەتتەن تۇسكەن سوڭ توتەنشە باۋىرمال ادام
قىزۋ امبولاتورياسى الدىن الا تەكسەرىپ، ايىرىپ دياگنوز قويۋ بارىسىندا، ەمدەۋ قىزمەتكەرلەرى الدىمەن ناۋقاسقا ەپيدەميولوگيالىق تەكسەرۋ جۇرگىزىپ، ناۋقاستىڭ قاي جەرلەرگە بارعانىن، قانداي ادامدارمەن تىعىز جۋىسقانىن، ناۋقاستىڭ جارىم ايعا جۋىق، ٴتىپتى جاقىنعى ءبىر ايداعى ءجۇرىس - تۇرىس جاعدايىن تاپتەشتەي سۇرايدى.
كوپ ساندى ناۋقاستار سايكەسىپ، شيپاگەردىڭ سۇراۋىنا شىنايى جاۋاپ بەرەدى. الايدا كەيبىر ناۋقاستار ىشتەي قاپالانىپ، نارازىلىق بىلدىرەدى.
ٴبىر جولى، 70 جاستان اسقان ءبىر قاريا قىزۋ امبولاتورياسىنا اكەلىنگەننەن كەيىن، ەمدەۋ قىزمەتكەرلەرى ودان قاي جەرلەرگە بارعانىن سۇراعاندا، ول ءتىل قاتپاي وتىرىپ الادى.
”كەيىن مەن تاعى اۋرۋ بولمەسىنە كىرىپ، ول كىسىدەن ءمان-جايدى سۇراعانىمدا، ول قاباعىن ءتۇيىپ، ماعان الايا قارادى. قانداي سۇراۋ سۇراسام دا ’ماعان ەشتەڭە بولعان جوق، ۇيگە قايتام‘ دەگەننەن باسقا جاۋاپ بولمادى“،- دەيدى جاۋ پىڭ سول كەزدى ەسكە الىپ، ”سول كەزدە كوپشىلىك قاريامەن ءبىر ساعاتتان ارتىق اڭگىمەلەسسە دە، ول جۇمعان اۋزىن اشپادى“.
ارتىنان، جاۋ پىڭ اسحاناعا تاپسىرىس بەرىپ، قارياعا ارنايى جۇمىرتقا كەسپە كوجەسىن دايىنداتىپ اكەلتكىزىپ بەرەدى، كەشتە ونى ەڭ جاقسى اۋرۋ بولمەسىنە ورنالاستىرادى، سەسترالاردىڭ دەن قويا كۇتىمدەۋىندە، ەكىنشى كۇنى قاريانىڭ كوڭىلى ورنىعىپ، ەمدەۋ قىزمەتكەرلەرىنىڭ سۇراقتارىنا مۇقيات جاۋاپ بەرەدى.
”ەپيدەميولوگيالىق تەكسەرۋ جۇرگىزۋدە ناۋقاستاردىڭ قاس - قاباعىنا قاراۋعا تۋرا كەلەدى، كوپتەگەن ناۋقاستار العاش كەلگەندە نارازى كوڭىل كۇيدە بولادى، ەمدەۋ قىزمەتكەرلەرى ەڭ اۋەلى ولاردى پسيحولوگيالىق جاقتان جەتەكشىلىك ەتىپ، ناۋقاسقا تەكسەرۋ جۇرگىزۋدىڭ قاجەتتىلىگىن ايتىپ، بۇل قىزمەتتىڭ ءارى وزىنە جاۋاپتى بولۋ، ءارى باسقالارعا جاۋاپتى بولۋ ەكەنىن انىق تۇسىندىرەدى“،- دەدى جاۋ پىڭ.
ناۋقاستىڭ ءجۇرىس - تۇرىس جاعدايى مەن تىعىز جۋىسقان ادامدارىن سۇراستىرىپ بولعاننان كەيىن، كەلەسى قادامدا ناۋقاسقا ءبىر قىدىرۋ تەكسەرۋلەر جۇرگىزىپ، ونان سوڭ جالپىلق سارالاۋ جۇرگىزىلەدى.
بۇل رەتكى ىندەتتە الدىن الا تەكسەرىپ، ايىرىپ دياگنوز قويۋدا ءدوپ كەلگەن ماسەلە، كوپتەگەن ناۋقاستار اۋرۋ بەلگىسى جوق جۇعىمدالۋشىلار بولدى، قىزۋى ورلەۋدەي كلينيكالىق اۋرۋ بەلگىسى جوق، قىزۋ امبولاتورياسى ءسوزسىز ءبىر قىدىرۋ تەكسەرۋلەر ارقىلى ناۋقاس ادامعا جالپى جاقتان سارالاۋ جۇرگىزەدى.
ٴتىلشىنىڭ ٴۇرىمجى حالىقارالىق شيپاحاناسىنان ۇعىسۋىنشا، ىندەتتىڭ ورشىگەن كەزىندە، قىزۋ امبولاتورياسى كۇنىنە نەشە ونداعان ناۋقاس قابىلداعان، كەيدە سالماقتى ناۋقاسقا شالدىققان باسقا دا ناۋقاستاردى قۇتقارۋعا تۋرا كەلەدى ەكەن. سوڭعى كۇندەرى جاۋ پىڭ تۇنگى كەزەككە شىعىپ كەلەدى، تۇندە كەلەتىن ناۋقاستار كۇندىزگىگە قاراعاندا ءبىرشاما كوپ بولدى.
8 - ايدىڭ 19 - كۇنى ٴتىلشى جاۋ پىڭمەن كەزدەسكەندە، ول تۇنگى كەزەكشىلىكتەن ەندى عانا ءتۇسىپ، ساقتانۋ - قورعانۋ كيىمىن شەشتى، شارشاۋدان كوزى قانتالاپ كەتىپتى، ”مەن پارتيا مۇشەسىمىن، قاتەرلى ساتتە، ٴسوز جوق، اتويلاپ الدا ٴجۇرۋىم كەرەك، تابانداپ تۇرىپ، اجالعا اراشاشى، جارالىعا مەدەت بولۋىمىز ءتيىس بۇل شيپاگەر بولعان ءبىزدىڭ جاۋاپكەرشىلىگىمىز جانە بورىشىمىز“.
قىزۋ امبولاتورياسى ىندەتتەن ساقتانۋ - تىزگىندەۋدەگى ”الدىڭعى قاراۋىل“، قىزۋ امبولاتورياسى ”الدىڭعى قاراۋىل ورنىنىڭ جاۋاپتىسى“ بولعان ول قىزمەتتەستەرىنىڭ نازارىندا، قىزمەتكە شوگەل، قاتاڭ دا مۇقيات، قىزمەتتەن تۇسكەن سوڭ توتەنشە باۋىرمال. ”جاۋاپكەرشىلىگى كۇشتى، شوگەل، جاۋاپتى، قانشالىق قيىنشىلق بولسا دا سوڭىنا دەيىن تاباندى بولادى“،- دەدى ٴۇرىمجى حالىقارالىق شيپاحاناسى قىزۋ امبولاتورياسىنىڭ سەسترالار باستىعى لي ايحۇڭ.
شيپاحانا الدىندا، قىزۋ امبولاتورياسىنىڭ ەمدەۋ قىزمەتكەرلەرى توپتىق سۋرەتكە ٴتۇستى، قولىنا ”چيڭ“ ٴارپىن ۇستاعان جاۋ پىڭ.
”90 - جىلداردىڭ تۇلەگى“ سەسترا ۋاڭ مىڭمىڭنىڭ نازارىندا، جاۋ پىڭ قىزمەتكە مۇقيات، جاۋاپتى بولىپ قالماستان، وتە ۇنامدى جان ” ٴبىزدىڭ كوڭىلىمىزدى كوتەرۋ ءۇشىن، كەڭسەسىندە كوپشىلىككە ءدامدى تاعامدار دايىنداپ بەرەدى نەمەسە ٴسۇتتى شاي قايناتىپ، كوپشىلىكتى داستارقانعا شاقىرىپ، ابىرجىعان كوڭىل كۇيىمىزدى ساباسىنا تۇسىرەدى“.
تىلشىلىك بارىسىندا، ءتىلشى جاۋ پىڭنىڭ ەكى بالاسى بارەكەنىن، ۇلىنىڭ 12 جاستا، قىزىنىڭ 4 جاسقا كەلگەنىن، جۇبايى ياڭ شۋەحۇڭنىڭ ٴۇرىمجى قالالىق 4 - حالىق شيپاحاناسى كەسكىنگە ءتۇسىرۋ بولىمىندە ىستەيتىنىن ۇعىستى. ” ٴبىز بۇل جاعدايدى بىلگەننەن كەيىن، 8 ـ ايدىڭ 11 ـ كۇنىنەن باستاپ، ياڭ شۋەحۇڭدى ۇيىندە دەمالىپ، بالالارىن قاراۋعا ەرىكسىز كوندىرىپ، وتباسىنىڭ بەرىك تىرەگى بولۋىن ءۇمىت ەتتىك“،- دەدى ٴۇرىمجى قالالىق 4 ـ حالىق شيپاحاناسى جۇمىسشى ۇيىمىنىڭ جاۋاپتىسى چين دۇڭمەي.
ٴۇيىن ساعىنعاندا، جاۋ پىڭ بوس ۋاقىتىندا ۇيىندەگىلەرمەن تەلەفوندا كەسكىندە جۇزدەسەدى، ٴار جولى كەسكىندە جۇزدەسكەندە، بالالارى اكەسىنەن ”قاشان ۇيگە قايتاسىز“ دەپ سۇرايدى.
8 - ايدىڭ 21 - كۇنى كەشتە، ٴتىلشى ياڭ شۋەحۇڭمەن حابارلاسقاندا، ول كەشكى اسىن جاڭا عانا ءىشىپ بولىپتى، ”بۇرىن اكە ـ شەشەم بالاعا قارايلاساتىن، قازىر مەن ۇيدەمىن، بالالار مەن اكە - شەشەمە جاقسى قاراپ، ونى الاڭسىز ەتەم“،- دەدى ياڭ شۋەحۇڭ، ”ۇيلەنگەنىمىزگە 16 جىل بولدى، ٴبىز مۇنداي كوپ ۋاقىت ٴبولىنىپ كورمەدىك، ونى ساعىنعانىممەن، كوپ ءسوزىم قاداعالاي تاپسىرۋلار عانا بولدى، ىندەتتىڭ تەز ارادا اياقتاپ، وتباسىمىزداعىلاردىڭ ەرتەرەك قاۋىشۋىن ءۇمىت ەتەم“.
”مەنىڭ الدىڭعى شەپتە الاڭسىز قىزمەت ىستەۋىم جۇبايىمنىڭ سەنىمى مەن شابىتتاندىرۋىنان ايرىلا المايدى“،- دەدى جاۋ پىڭ، عاشىقتار مەرەكەسى تاياپ قالدى، ونىڭ جۇبايىنا دايىنداعان جۇرەك ءسوزى:”بەرىك ماحاببات، شىنايى سۇيىسپەنشىلىك قاي - قاشاندا سولعىندامايدى“.
