تيانشان تورىنىڭ حابارى (سۋرەتىن ءتۇسىرىپ حابارىن جازعان ءتىلشى جاڭ ۋاندى، ەرىكتى ءتىلشى ۋ ۋانحۋا). ”قىزىم، اقىرى سەنى كوردىم، شەشەڭنىڭ جاعدايى جاقسى، مەنەن الاڭسىز بول، تاعى ءبىر قىزىم قارايلاسىپ جاتىر. سەن دە ءوزىڭدى كۇت، شەشەڭ سەنىڭ امان - ەسەن ورالۋىڭدى كۇتەدى...“ 8 - ايدىڭ 18 - كۇنى تۇستەن بۇرىن، 71 جاستاعى كوۋ سۋفاڭ قول تەلەفون بەينە ەكرانى ارقىلى، اۆتونوميالى رايوندىق جۇڭگوشا دارىگەرلىك شيپاحاناسىندا شايقاس جۇرگىزىپ جاتقان قىزى ۋاڭ ليشيامەن ”جۇزدەستى“.
كوۋ سۋفاڭ تەلەفون بەينە ەكرانى ارقىلى قىزى ۋاڭ ليشيامەن ”جۇزدەستى“.
قالبىنۇر باكىر كوۋ سۋفاڭعا امانداسا كەلدى.
ونى قىزى ۋاڭ ليشيامەن بەينە ەكراندا جۇزدەستىرگەن جانە ءبىر ”قىزى“ قالبىنۇر باكىر ەدى.
قالبىنۇر باكىر ءۇرىمجى قالاسى سايباق رايونى بازار باقىلاۋ - باسقارۋ مەكەمەسىنىڭ شيڭفۋتۇن الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى. ىندەتتەن ساقتانۋ - تىزگىندەۋ كەزىندە، وتباسىن كوتەرەگە العان كادر رەتىندە، ول 71 جاستاعى قاريا كوۋ سۋفاڭعا ەرەكشە كوڭىل ءبولىپ، دەنە تەمپەراتۋراسىن ولشەۋ، كوكونىس جەتكىزۋ، ءدارى ىشكىزۋ ... بارلىق ىستەرىنە نازار اۋداردى.
شيپاحانانىڭ ءبىرىنشى شەبىندە تاباندىلىقپەن ىستەپ جاتقان ۋاڭ لي شيانىڭ كوڭىلىن ورنىقتىرۋ ءۇشىن، قالبىنۇر باكىر ۇنەمى وعان قاريانىڭ تۇرمىسى مەن دەنساۋلىق جاعدايىن ايتىپ تۇرادى.
”سەن ءۇرىمجىنىڭ اق حالاتتى جاۋىنگەرىسىڭ، سەن ناۋقاستاردى جاقسى ەمدە، مەن ۇيدە اپايعا قارايلاسامىن!“ كۇن وتكەن سايىن، ەكەۋى اپەكەلى - سىڭلىدەي بولىپ كەتتى، قالبىنۇر باكىر ۋيشيندە ۋاڭ ليشاعا: ”مەن سەنى اپەكە دەيمىن، اپەكەمنىڭ شەشەسى مەنىڭ شەشەم. اپەكە، شەشەم ەكەۋىمىز سەنىڭ قايتىپ كەلىپ بىزبەن قاۋىشۋىڭدى كۇتەمىز!“.
ۋاڭ ليشيا وسى كۇندەردە اۆتونوميالى رايوندىق جۇڭگوشا دارىگەرلىك شيپاحاناسىنىڭ ناركوز بولىمىندەگى سەسترالىق قىزمەت ورنىنان تاپجىلمادى، ول ۇنەمى دەمالعان كەزدە قالبىنۇر باكىرگە ۋيشيندە قاداعالاپ: ”ءسىڭلىم، قىزمەت بارىسىندا جەكەلىك ساقتانۋ - قورعانۋدى ويداعىداي ىستە، سۋدى كوپ ءىشۋدى ۇمىتپا، ىستىق وتۋدەن ساقتان، قانشا قاربالاس بولساڭ دا تاماق جە“،-دەيتىن.
”اق حالاتتى جاۋىنگەرلەردىڭ وتباسىنداعىلارعا قارايلاسىپ، ولاردى ۋايىمنان ارىلتۋ — مەنىڭ جاۋاپكەرشىلىگىم ءارى ماقتانىشىم! ءبىز كۇش ۇستىنە كۇش قوسىپ، قيىنشىلىق بولسا ءوزارا كومەكتەسىپ، ىندەتتەن ساقتانۋ - تىزگىندەۋدە ءسوزسىز جەڭىسكە جەتەمىز“،-دەدى قالبىنۇر باكىر.
